Sam 68:5 - Nobonob Baibel

⁵ Kayak Nug nuhig aben nuhignu tituanak daatte ele, Nug amuppa daatte. Nug laa oh ag mamelkad mauhadppig ele, Nug ag mamelag daatte. Nug ah qab atognoadtte.

Sam 68:5 Referans Kwoze

Sam 10:14

⌊Amge,⌋ O Kayak, na hanhan laa nug layag guittak medatte, na amu anidttem amunu, na ag heppig amu, na anidna malame. ⌊Diig amunu amu,⌋ danab ah bodoettak ag nahipnu oolagppa genab dootteb. ⌊Amu diig amunu ele,⌋ na nid anilkad mamelkad mauhppig ele, na amu dilag aɗ itak daattem.

Jeremaia 49:11

Amge ahilkad nid naunau, anilkad mamelkad iitta amu, da ag mauhmananu ehanadkkul. Ahilkad ah qab ele, ag dahilnu oolagppa genab dooglagnu elele,” awa atte.

Duteronomi 10:18

Nug nai doya mala hettoɗia epeɗia elele mettak kobol dim lamittatta, nid ag mamelkad mauhppig, amu ah qab ele dilag nai epeɗiadtte. Nug wan laihnu danab ah ele, Nug amu dilagnu oo mauhak doya, ee madatta, lamen ele madatte.

Jeremaia 5:28

Ag keeke oh ele, beɗulag am enaib daatte. Ag ahilag eheɗ hak am batak iitta; hakib hetteb. Hettoɗiakppa ag nid laa mamelkad mauhppig naippa ii ehanatteg, ag nai doya, hettoɗia, epeɗia, elele mettak kobol nakok laa ii anidtteb. Ao, ag daɗek danab ah ii ehanatteg, ag aɗi keeke aoglagnu daatteb amu, ag ii aotteb.

Sam 146:9

Nug wan laihnu danab atognoadtte. Amu Nug ah qab, aria nid ag mamelkad mauhppig ele ehanadtte. Nug anam anam hette, amge Nug nau hak danab dilag maittak he nauhtte.

Aisaia 1:23

Jerusalem, nahipad ikki danab ag am tappe nak danab. Ag yabhok danab ele layam batappig. Nahipad ikki danab ag lokkumakppa eheɗ haknu ehanittak aoglagnu oolag huana hette. Ao, nahipad ikki danab ag keeke ahilag daakkunu hamu mettak aoglagnu wagai metteb. Ag hettoɗiakppa nid ag mamelkad mauhppig ii ehanadtteb. Ag ah qab, ag amu dilag uug ele anidna, tutukku mettan ii ehanadtteb.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Sam 72:4

King nug daɗek danab ah hettoɗiakppa ehanadkku. Ao, nug nid naunau ag anilkad mamelkad keekenu tutu meppig daatteb amu, nug ag ehanatteb, qagaiettakppa ii daamna. Ge, nug laa ag daɗek eheɗ hadatteb ele, nug ag tappalatteb nokkulag.

Sam 10:18

Na nid anilkad mamelkad mauhppig, danab ah, laa eheɗ hattak waappa daatteb ele amu, na ahilagppa nai doya mala hettoɗia epeɗia elele mettak kobol dim lamidkkutnu, na anam hettem. Ge, nau hak danab ag baula heppeg, nid anig mameg iitta ele, danab ah, laa eheɗ hattak waappa daatteb ele amu, ag baula eheɗ nau baɗamnanu na anam hettem.

2 Stori 6:2

Solomon nug danab ah amelagppa anam awowa, nug nai tuɗitta, Yawe amegppa inam unuqittom. “O Yawe, gemu amu, da mettid lag enanag nahip, na haen oh imuppa daakkutnu iikku hemi,” awa unuqittom.

Epesus 5:1

Ag Kayak bekkod daatteb, ahilagnu Nug oo mauhtte amunu, Nug ippu hena dayeg!

Aisaia 66:1

Yawe Nug atte. “Hab aab am sia king dahil, wan am da bael maknu balal nakok daatte. Anam daatte amunu, ag lag laa, da aguppa daakkulnu hekkulagnu elelete? Ag aben laa da aguppa hik awe daakkulnu hekkulagnu elelete? Iitta.

Sam 72:2

⌊Na nug anam⌋ ehanidppe amu, nug nahipad danab ah genab tutukku hak kobolppa epeɗiadkku. Ao, ⌊na nug anam⌋ ehanidppe, nug nahipad danab ah daɗek daatteb amu, nug ahilagnu nai doya mala hettoɗia epeɗia elele mettak kobol dim lamitta, nug eppediadkku.

Sam 33:14

Yo, Yawe Nug nuhig sia kingppanu neekke ne, danab ah oh wanppa daatteb anadtte.

2 Stori 30:27

Amu Lewi buɗubppan mana mettak danab ag ahan, danab ah itittak ena mattaglagnu heppig. Ag anam heeg, Kayak Nug hab attan, nuhig dayak aben oppiaawak eleppa dayeye, ag danab ah amu itattegeg, Kayak Nug itattak amu doya, ⌊itittak ena ag mattom⌋.

Hosea 14:3

Asiria ag ig ehanigkkulagnu elele iitta. Ao, ig ban haknu hosppa ban hetata, ena daagnignu ii dabmemata. Ig keeke dottolkad eppenigppa hak, ig amu dilagnu baula, ‘Am ihinig kayak,’ ii amata. Aɗinu? Na aakkuib nid anilkad mamelkad iitta dilagnu oot bodoetta, le mette.” Ag anam aig!

Duteronomi 26:15

O Yawe, na hab aabppanu, amuam nahip dayak aben, oppiaawak ele, na appanu neegppe neeb, na danab ah nahipad Israel, na ig itigna, wan na mekkame ele itidkkutnu oɗ medattem. Na ig mamenkad aɗi dilagppa madakkutnu anana, nahip nai ɠagattag qettan ame, na aakku amubianab hena, ig mekkame. Wan imuam wan enanag, wan ittag ele, imuppa ee meu huana otte.” Na anam akkut.

Eksodas 3:15

Kayak Nug anam anana amu, Nug nai tuɗitta, Moses amegppa nai imu ele aum. “Na nai amu ag amelagppa awona, na Israel danab ah amelagppa inam ele appe doyeg! ‘Yawe, Nug ag mamelkad aɗi dilag Kayak, amuam Nug Abrahamnu Kayak, Nug Aisaknu Kayak, amu Nug Jakopnu Kayak ele amu, Nug he, da ag gumatte uɗimi.’ Da onil am anam aakku, amu da onil amuam hanhan anamib daakku. Amu Israel danab ag gemu daatteb, ag buɗulkad, alalkad aɗi, dimppa ag bekkulag ele amu, ag oh am da onil am anam ag dabmakppa aɗaglagoitte,” awa aum.

Sam 118:19

Yawe, Nug genab tutukku hak kobolib hette, amu da nuhigppa gokkulnu na nuhig mettid lag od matulppe, da Yawe noobppa wain, da Nug amegppa, “Ena heme,” akkul.

Sam 150:6

Keeke oh bau daatteb, ag Yawe binag meig! Ag Yawe binag meig!

Aisaia 12:4

Haen amuppa ag gamalag aheb, geha ahi inam ettan akkulag. “Ag Yawe onig attan humeg! Ag Nug unuqitteg! Ag danab ah wan ohppa amelagppa keeke ena oh Nug heumnu appeg doyeg! Nug laa oh eɗattak, attannab daatte amu, ag danab ah oh amelagppa aig!