Sam 68:3 - Nobonob Baibel

³ Amge Nug heeb, genab tutukku hak danab ah ag gamag ahak dooglagnu ool daatte. Ao, ag Kayak noobppa daan, gamalag ahakkunu ool hette. Ag maɗoɗppan gamag ahak naɗi ele daan, tuɗidib dooglagnu ool daatte.

Sam 68:3 Referans Kwoze

Sam 64:10

Aun aɗi ag genab tutukku hak danab daatteb, ag Yawenu oolag gamag ahakku. Ao, ag Nug ag padal mak eɗidna ena daaglagnu Nug waappa daaglag. Ge, ag kobol tutukku henana, ag Nug humidkkulag.

1 Tesalonaika 5:16

Ag haen oh maɗoɗppan gamag ahakppa oiyeg!

Revelesen 19:7

Gemu ig maɗoɗppan gamag ahak doot, binag amahlak oppiaawak metu! Aɗinu? Sipsip Nag Nug nuhig ah aokkunu haen aakku beum, amu ah nuhig nug ha, nug amunu babaittak daatte.

Revelesen 18:20

O hab aab, na nuhigppa beum amu, na maɗoɗppan gamag ahak doye! Amu ag Kayaknu danab ah oppiaawak ele, Kristusnu totol danab, amu Kayaknu propet ele amu, ag ele anam heig! Kayak Nug aab okkai amu nug ahilagppa eheɗ heum, Nug amunu nug nob nau aakku mettom,” awa aum.

Sam 97:12

Aun aɗi ag genab tutukku hak danab ah daatteb, ag Yawenu oolag gamag ahaɗ! Ao, ag Kayak, Nug oppiaawak ele, ag Nug binag meig!

1 Pita 1:8

Ag Nug ii anidppig, amge ag nuhignu oolag mauhtte. Ag gemu ele Nug ii anidtteb, amge ag nuhignu oolagppa genab dootteb. Ag anam doona, ag ooppa genab doyak ahilkadnu gogppa tak, amuam Kayak eɗua diiadtte, ag amu aotteb amu, ag amu doonna, ag maɗoɗppan gamag ahak binag amahlak oppiaawak ele, danab aun nug amunu elele anaknu elele iitta, ag amu dootteb.

Sam 58:10

Genab tutukku hak aɗi ag Yawe Nug laa ag eheɗ ahilagppa heppig ele nob tutukku madakku anidkkulag amunu, ag gamalag ahakku. Daup laa ag kekeɗ nena qeeg, tiilag na, wan qaɗeppa dayeye, daup amu ag kekeɗ lamadnana, tiilag baelagppa tappan gotteb, amubia genab tutukku hak danab ag nau hak danab eɗadna, gamalag ahakku.

Sam 43:4

Na anam heppe amu, O Kayak, da nahip qaɗabppa wakkul. O Kayak, na maɗoɗppan gamag ahak da meɗan, oo enanagnab doyak ele da meɗattem. Nahip qaɗabppa amu, da harp qeinne, na binan medakkul. O Kayak, na dahil Kayak.

Sam 21:1

O Yawe, king nug nahip ɠagattagnu gamag ahak okkai dootte! Yo, na nug ehanidttem amunu, nug gamag ahak ele ette.

Duteronomi 12:12

Am ag Yawe, ahilag Kayak, ag Nug noobppa gamag ahak hekkulag. Ag, amu ag bekkalkad, aɗelkad, ahilkad maɗi nid maɗi ah ele, aria Lewi buɗub ag appalkadppa daatteb ele, ag oh oo gamag ahak hekkulag. Lewi buɗub ag ahilag wan laa ag aulag daakkunu ii mattak amunu, ag amu dilagnu ele dabmetteg!

Sam 32:11

Amunu ag genab tutukku hak danab ah, ag Yawe Nug aɗi keeke ena oh heum, ag amunu oolag ena doon, oolag gamag ahaɗ! Ao, ag genab tutukku hak danab ah, ag oo gamag ahak okkainab doon ahi etteg!

Sam 37:20

Amu nau hak danab ah ag mauhkkulag. Ao, Yawenu kekeɗ ag dad okkaippan bala haɗag, bala haɗag amu ag laippun mauɗna nena qetteb, ag amubia hekkulag. Ge, Yawenu kekeɗ ag kahug laippun ukka qettoɗtte bia hekkulag.

Sam 75:4

Da beɗuppa tak danab amelagppa, ‘Ag anen anen akka akka ag ahilagnu binalag mak kobol uueg!’ awe attem. Ao, da nau hak danab dilag amu, da, ‘Ag ahilkad bannu keekeppa ban aib heppig!’ awe attem.