Sam 68:10 - Nobonob Baibel

¹⁰ Danab ah nahipad ag appa gona daappig. O Kayak, nahipad danab ah oolagppa laa ag qakub mena daappig, amge na wanppan keeke kuɗum beppig amu, na ag keeke amu mattame.

Sam 68:10 Referans Kwoze

Sam 74:19

⌊Ig Israel amu, ig am nahipad danab ah, ai uppuɗil beɗulag nakok bia ɠagattag iitta daattem,⌋ amu na heppe, danab ah doɗ dakkuɗ bia, ag heigppeg nauhmatanu oɗ medattem. Ao, na nahipad danab ah, laa ag hanhan eheɗ hadatteb amu, na ahilagnu daut atimanu unuqidttem.

Matyu 11:5

Amelag gaɗuak ag eɗun neegtteb, baelag nau autaut oitteb amu, ag ena oitteb, gaɗalag oɗe nau ele amu oɗe amu iitta mette, daulag ituak amu ag eɗun nai dootteb, danab mauhppig ele, ag eɗun bau daatteb, amu daɗek danab ag Nai Ena dootteb.

1 Pita 5:3

Ag ikki danab, ag Kayaknu danab sipsip bia, Kayak Nug ag eppelagppa maattom daatteb ele amu, ag amu dilagnu hamu bia anadna, kobol ɠagattagppa gumadkkulagnu aib heppig. Iitta! Ag antte oo maittak danab daanna, amuppa ag ib tutukku ippuanatteg!

Luk 1:53

Danab enug aqak dooppig ele amu Nug he, oolag dittiom. Ao, danab ag enulag ele amu, Nug aɗatte, ag keeke laa ii aɗappig, hamu goppig.

Sam 78:20

Amuam genab, Nug Moses amegppa men okkunu a, men o, le menppanu neum. Le amu lenagppa gotte bia neum, amge Nug danab ah nuhikkud ig, bret megakkunu elelete? Nug ig danab ah nuhikkud teppu megakkunu elelete?” Israel danab ah ag atu taɗakppa anam aakku appig.

Sam 65:9

Na wan dabmettanna, na gu hee nette. Ao, na hee, wan ittag ele daatte. Kayak, na le aben ohppa me, le ag ii qaɗaiedatteb. Ao, na hee, ee aeg beeg, danab ah ag aotteb. Aɗinu? Na anam daakkunu tituanme.

1 Samuel 2:8

Yawe Nug he, daɗek danab ag gappudppan ahan, ag nau ii daatteb. Ao! Nug he, ag uhuɗppa ii daatteb; ag aben enappa daatteb. Genab! Yawe Nug he, daɗek danab ag king tiigppan danab ele heɗep nena daatteb. Yo! Nug he, ag sia king, sia amu onig ele amu, ag sia amubiappa daatteb. Yawe Nug amu oh hekkunu elele. Aɗinu? Yawe Nug wan imu ohnab mameg daatte. Ao, Nug wan imu oh ma, babaittom daatte.

Duteronomi 26:5

Anam heeb, na Yawe, ahilag Kayak, Nug noobppa inam akkut. “Da mamelad aɗi ag am Aram danab, appalag diig iitta ele oinna, ag hubhub Isip wanppa nona daanna, ag appatna, huu okkainab bena, ɠagattag daappig.

Namba 16:3

Danab amu ag qagmena, Moses, Aron ele aa ahilag dabmakppa eheɗ hepiɗ amu appeg dooglahnu gumatna tena, ag amelahppa appig. “Aa ena haknu tom tippalya, eheɗ hepiɗ! Aɗinu? Tamaniak danab ah imu oh ag Yawenu tituanak daatteb; Yawe Nug ag oolagppa aakku daatte. Aa aɗinu, Yawenu danab ah imu tippalattak attannab daattep doottep?” aon appig.

1 King 8:36

Yawe na hab aabppa daana, danab ah nahipad, ig Israel, ig nahipad maɗi nid maɗi ah ele, na ihinig unuqittak amu doon, ihinig hipunin amu uhuqna mekkan, na ig kobol tutukku dim lamidkkunignu ihuhuigkkutnu oɗ medattem. Amu na heppe, gu nug wan imuppa nekkunu ool daatte. Wan imu anukka nahipad danab ah ig mekkame, wan imuam ihinig, ig aunig.

Sam 65:10

Amu na hee, gu huana elele dad ohppa na, wan buuak amuppa le dayeye, wan ena gai-iitta dayeye, na hee, ee keeke ena betteb.

Sam 65:11

Na hee, ig ee elelenab kuɗum be aottem. Na hee, ee mak lakka amuppa, ee elelenab kuɗum meeg daatte.

Aisaia 40:29

Nug danab beɗu bodoettom ele ɠagattag medatte. Ao, Nug danab gai-iitta meum ele he, nug ɠagattag ele daatte.