Sam 67:4 - Nobonob Baibel

⁴ Na nai doya mala hettoɗia epeɗia elele mettak kobol dim lamidnana, na danab ah epeɗiadttem. Ao, na wan atu ohppan danab ah ib enappa gokkulagnu ulum madattem. Na anam hettem amunu, wan imuppan wan anen anen dilag danab ah oh ag nahipnu oolag ittag qak doonna, ag oo gamag ahaknu ahi ettaladkkulagnu ool daatte. Sila.

Sam 67:4 Referans Kwoze

Sam 98:9

Heppeg, keeke amu oh ag Yawe noobppa anam heig! Aɗinu? Yawe Nug wanppan danab ah oh epeɗiadkkunu uɗitte. Nug genab tutukku hak kobol dim lamitta, epeɗiak amu hekku. Ao, Nug wan atu ohppan danab ah nai doya mala hettoɗia epeɗia elele mettak kobolppa epeɗiadkku.

Sam 9:8

Nug geha genab tutukku hak kobol dim lamittatta, wan ohppan danab ah ib amuppa epeɗiadkku. Ao, nug geha nai doya mala hettoɗia epeɗia elele mettak kobol dim lamittatta, wan atu ohppan danab ah atognoadkku.

Sam 82:6

Da ami. ‘Ag am Kayak ganiappud. Ao, ag am oh Kayak Attannab Laa Oh Eɗattak bekkod daatteb.

Rom 2:5

Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.

Aisaia 55:4

Antteg! Da hei, Dawit nug huu digdig dilag gumitta danab dayom. Ib amuppa, da dahil ɠagattag danab ah huu ohppanu amu ippunadmi.

Sam 96:10

Ag wanppan wan ohnu danab ah oh amelagppa, “Yawe Nug King daatte!” aig! Nug wan ha, abenabppa meum daatte amunu, laih wakkunu elele iitta. Ao, geha dimppa amu, nug hettoɗiak aɗa, danab ah nai doya mala hettoɗia epeɗia elele mettak kobolppa epeɗiadkku.

Sam 2:8

Na da oɗ meɗappe, da wanppan wan oh tituanatte, na aut daaglagnu na medakkul. Ge, wan atu oh am nahip daakku. Na kingnu qakun aenppa hak aɗan, wan oh dilag danab ah elelenab ɠagattag gumadkkut. Ao, na danab ah nau hetteb amu, na heppe nauhkkulag; danab nug waa makkuɗe aoɗtte, amubia.’ ” Yawe Nug da amelppa anam awa aum.

Duteronomi 32:43

Ag wanppan wan anen anennu danab ah oh, ag Yawenu danab ah ele maɗoɗppan gamag ahak doyeg! Aɗinu? Nug laa ag nuhig maɗi nid guittak madappig ele, Nug amunu nob tutukku madakku. Nug kekeɗ nuhikkud dilag eheɗ haknu nob tutukku madakku; amu Nug ele danab ah nuhikkud dilag eheɗ haknu nob nau tiigppa iitta mekkunu heeb elele metteb, Nug heeb, nuhig wan ele eɗua, nuhig neekkakppa oppiaawak daakkunu hekku.

Genesis 18:25

Ge, anam daakku! Na genab tutukku hak danab, amu danab nau ele oh he ii mauhtteb. Na anam ii hettem. Na, na wan atu oh dilag epeɗiak danab daattem, na haen oh epeɗiak kobol tutukkuib iite hemana?” awa aum.

Galesia 4:27

Kayak naippa amunu nai laa inam daatte. “Ah na oot keldoak, na nid menuaknu laa iitta, na gaman ahaɗ! Ao, ah na nid awaknu guittak deɗ laa ii doome ele, na ootppa ena doon, oɗen oppatna ekkut! Aɗinu? Ah gemu nukkanab daatte, Nug am nid kuɗumnab, ebqak ahilag amu ah gamu ele, nid ahilti dilag ebqak eɗittak ele daakku.”

Aposel 17:31

Aɗinu? Nug wanppan danab ah oh epeɗiadkkunu deɗ aakku otiom daatte. Geha, epeɗiak amuppa amu, Nug nai doya mala hettoɗia epeɗia elele mettak kobol tutukku dim lamittatta, Nug danab ah oh epeɗiadkku. Amu Nug danab laa epeɗiak amu gumakkunu otiom. Danab amu Nug mauhe, Kayak Nug he, Nug eɗua hibaittom amunu, danab oh ag keeke amu genab bekku amu, ag oolagppa genab dooglagnu elele,” awa aum.

Aisaia 54:1

Yawe Nug atte. “Ah na oot keldoak, na nid menuaknu laa iitta, na ahi ette! Ao, ah na nid awaknu guittak deɗ laa ii doome ele, na ahi ettan, ootppa gamag ahak doon, na e! Aɗinu? Ah gemu nukkanab daatte, Nug am nid kuɗumnab, ebqak ahilag am ah gamu ele, nid ahilti dilag ebqak eɗittak ele daakku!

Aisaia 60:6

Wan laappan danab ag en mawadna uɗiglagnu ag kamel bau kuɗumnab qaɗelagppa maadna uɗippeg, ahilag kamel am ag Juda, ahilag wan tonaglag. Danab amu ag Midian wanppanu, Epa wanppanu ele uɗiglag. Seba danab ag gol, prankinsens ele aon uɗinna, ag Yawe binag mekkulag.