Sam 64:5 - Nobonob Baibel

⁵ Ag kobol nau hekkulagnu, nug ɠagattag qedatteb. Danab ag mattiak oh laippu hena, ag doɗ aoglagnu pelem metteb bia henana, ag danab eheɗ laa ii heppig ele aqaglagnu maittak aotteb. Ag nug oɗ mettan atteb. “Aun nug ig anigkku?

Sam 64:5 Referans Kwoze

Sam 140:5

⌊O Yawe, na da ehaniɗkkutnu oɗ medattem.⌋ Dada hak danab ag da aɗailkkulagnu pelem meppig daatte. Ao, ag da uhui laappa nokkulnu meppig daatte. Ag da ippulppa pelem maadppig daatteb. Sila.

Sam 10:11

Am nau hak danab ag akka ag ahilagnu, “Kayak Nug danab ah amunu ii dabmette. Nug ig ahilagppa aɗi heutut amu, Nug ii anigtte! Nug amunu aɗitai ii ama!” atteb.

Esekiel 8:12

Ag anam heegeg, Kayak Nug da amelppa aum. “Danab bekka, na Israel dilag ikki danab ag lokkumakppa attem hetteb, ag anen anen ag ahilag kayak hambuppuak noolagppa dup nona binalag metteb amu, na aakku anidme. Ag amu hettebnu diig am, ag atteb. ‘Yawe Nug wan imu uua ukkom. Nug ig ii anigtte,’ aon atteb,” awa aum.

Sam 94:7

Ag atteb. “Yawe Nug ii neegtte.” Ao, ag atteb. “Jakop buɗub dilag Kayak, Nug ig attem hettemnu dabmak ii aotte.”

Sam 59:7

O Kayak, danab nau amu oɗelagppanu nai nau huanaknab nette, na nai amu dookkutnu unuqidttem. Ao, qep elab aeg nau ele danab guittak okkai medatte, ag oɗelagppanu nai am amubia hette. Ge, ag amu hettebnu diig am, ag nai nau oh amu mattieg neene, ag hibguitta hena, inam atteb. “Aun ig dooikka bu iqakku?”

Job 22:13

Kayak Nug anam dayaya, keeke oh anidtte, amge na attem. ‘Kayak Nug keeke laa antta doottete? Ge, Nug gatatu teppu ele attan daatte amunu, Nug neekka, aɗi kobol wan imuppa hetteb ele antta, epeɗiadttete? Iitta.

Sam 124:7

Nug ehanikke, ig am ai laa uhuippa notte, amge eɗua giɗo antta, ba gotte bia daattem. Ao, Yawe Nug pelem amu loppaɗe, ig ena daattem!

Namba 22:6

Amunu na uɗin, danab ah imu eheɗ laa awaknu anak waappa daaglagnu a! Aɗinu? Ag am ɠagattag huanak ele, dahil ɠagattag am elele iitta. Na anam heppe, da geha ag lamadppi, ag wan imuppanu ahan, oolna gokkulagtai. Na uɗin, amu hekkutnu ool daattenu diig am, da doottem, na laa ag itittak ena madattem amu, ag itittak ena aotteb, amu laa na ag eheɗ laa awaknu anak waappa daaglagnu attem amu, ag eheɗ laa awaknu anak waappa daatteb,” awa aum.

Eksodas 15:9

Kekeɗ ag akka ag onilag human, ag ihinignu appig. ‘Geha ig ag baelag mattat gota aɗualadta, geha ig ahilag keeke ena ena amu aot, ig ihinig huuppa panignig. Aria, keeke oh ig aognignu oonig daatte ele amu, geha ig aognig. Geha ig ag ele qep elabppa heta, ihinig ɠagattagppaib ig ag hepput nauhkkulag.’

Revelesen 11:10

Danab wanppa daatteb ele amu, ag aa mauhpiɗnu, “Ena,” ana, ag oolag gamag ahebeb, ɗo hamu nug mettaglag. Aɗinu? Propet aɗit aa danab ah wanppa daatteb ele ⌊ag oolag eɗukkunu ahilah naippa, ahilah hakppa ele⌋ guittak okkai madapiɗ.

Matyu 23:15

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Wan laappanu danab nug Juda kobol aokkunu ag uɗat okkainab, hik aqeeqe hetteb. Heegeg, danab amu nug Juda kobol awa, nug ahilag kobol nau kuɗum ag hetteb, amu eɗittak haaha, ag padal maknu ibppa daatteb, amge nug am padal maknu ibppanab daatte.

Genesis 20:13

Da aomi, amu dimppa Kayak a, da aben laih gokkulnu ahami amu, haen amuppa da Sarah amegppa inam ami. ‘Na dahilnu oo mauhak doottem dayeb amu, na amunu ib inamppa ippuniɗkkutnu oɗ medattem. I oiɗɗa, na aben ohppa dahilnu inam akkut. “Nug am da awal.” ’ ” Abraham nug anam aum.

Ikki Danab 20:22

Ag aqaegeg, dimppa Israel ag Betel tena, ag appa Yawe noobppa gaanna daaegeg ukke, tueb meum. Ag appa anam daanna, ag Yawe oɗ medappig. Ag appig. “Ig lainkad Benyamin ele ban baula hekkunigte?” aon oɗ meppig. Anam oɗ meeg, Yawe Nug aum. “Goppeg, ag ele ban heig!” awa aum. Yawe anam a, amu Israel ag akka akka nug ɠagattag qedappig. Ag anam daaeg ukke, wagɗe, deɗ amuppa ag aben ag deɗ tatam ban heppigppa, ag appa baula qagmeppig.