Sam 60:6 - Nobonob Baibel

⁶ ⌊O danab ah,⌋ Kayak Nug nuhig mettid lagppa dayaya aum. “Da Sekem danab eɗatten, da melemel mein, Sekem wan oppatppi, maha maha neeb, ⌊da dahilad danab ah madakkul.⌋ Ao, da oolnu noak Sukot oppatppi, maha maha neeb, ⌊da dahilad danab ah madakkul.⌋

Sam 60:6 Referans Kwoze

Josua 13:27

Aria, aab Jodan oolnu noakppan daappig ele, Moses nug Gad mettom ele, amu onilag am, Betharam, Betnimra, Sukot amu Sapon ele. Amu nug Amo dilag king Sihon, nug Hesbon dayom, nug nuhig wan maha laa ele mattom. Wan amunu amu, Jodan le am qaban uɗitteppanu tom dayom. Tom wan amunu yawalti uɗitteppanu am Galili le amegppa le nodeppa, aakku.

Genesis 12:6

Gona tewona, Abram nug ukka ukka, Sekem aabppa noum. Aab Sekem guguittak, appa, Morenu ad ok dayom amu, nug appa batom. Haen amuppa Kanan danab ag ele wan amuppa daappig.

Sam 89:35

Da Kayak, da oppiaawak daattem. Amu da Dawit amegppa keeke laa hekkulnu ainne amu, da dahil oppiaawak dayak dabmein, da amuppa dahil nai amu ɠagattag qettami. Da ami amu, da aakku ami; da baula ii apa. Amu da Dawit ii hambuppuidpa.

Amos 4:2

Anam amu, da, Naɗi Yawe, da oppiaawak daattem, da amuppa dahil nai ɠagattag qetten, imu genab bekkun daatte attem. ‘Haen laa genab uɗitte amu, kekeɗ ag uɗin, ag Samaria ah nau amu hetteb amu, ag ag aɗualadna, hukppa diin gokkulag. Ao, ag nid ahilkad, danab nug kakai hukppa eeɗtte, ag amubia ag diin gokkulag.

Sam 119:162

Laa nug en naɗinab awa, gamag ahak dootte, amubia da nahip nainu gamag ahak doottem.

Sam 56:4

Ao, da Kayak, da nuhig nai binag mettem amu, da nuhignu oolppa genab doottem. Anam amunu, da ii baɗapa. Ge, ⌊Kayak Nug danab dahilppa aɗi hekkulagnu ii uuatteb hekkulag amu,⌋ danab ag aɗi keeke dahilppa hekkulagnu elele iitta.

Josua 17:7

Israel dilag huu okkai Manase mahaib, Jodan le heqo laih qaban uɗitteppanu daatte amu, ahilag wan tom am, Aser appa digma ukka, Mikmetat waum. Mikmetat amu Sekemnu laih kaɗag uɗitteppanu daatte. Mikmetatnu amu, tom nug laih yau uɗitteppanu ukka, Entapua guguittak, le qeppuɗia betteppa, danab ah laa ag appa daatteb, appa batom.

Josua 1:6

Na ɠagattag daan, ootppa ele ɠagattag doye! Aɗinu? Na danab ah imu noolag aon gona, wan umu, da wan amu imun danab ah mamelkad aɗi madakkulnu ag amelagppa dahil nai ɠagattag qein ami amu, da ehanadppi, ag wan amu, ag aulag daakkunu aoglag.

Jeremaia 23:9

Propet dilagnu amu, da oolppa uug nau, kahipal aoɗom bia dooiyi, da ebehilad hahaɗtteb. Da danab spak meum bia daattem. Ao, da danab wain huanak lawowa, spak meum bia daattem. Aɗinu? Propet ag Yawenu, nuhig nai oppiaawak elenu hamu bia doon, Yawe noobppa mauhnoak oinna, nuhig nai tappaeg nette.

Sam 132:11

Dawitnu amu, Yawe Nug keeke laa genabnab hekkunu nai ɠagattag qetta aum. Nug Dawit amegppa aum amu, Nug hekkunu nai ɠagattag qetta anak amu tuqa ii aoma, hanhan daakku. Nug inam iikku aum. “Da heppi, na buɗunppan laa nug nahip sia kingppa daakku.

Sam 89:19

O Kayak, na haen laa danab ah nahipad, ag nahipnu oo metta ii uuak kobol dim lamidtteb ele amu, na ag tulegleg anttak laa mattame. Tulegleg amuppa na ame. “Da ban danab laa hei, ɠagattag ele daatte. Ao, da nug danab dahilad oolagppan epeɗie hei, king beum.

2 Samuel 3:18

amunu, ag gemu anam aakkude heig! Aɗinu ag anam hekkulag? Yawe Nug inam aum. ‘Da heppi, dahil maɗi nid Dawit nug dahilad danab ah Pilistia danab eppelagppanu, ahilag kekeɗ laa oh ele eppelagppanu eɗua diiattebeb, ag ena daaglag,’ awa aum.” Apner ag amelagppa anam aum.

Josua 24:32

Amu Israel ag Isip uun beppig, haen amuppa ag Josep ebehi ele maon uɗippig. Ag maon uɗin, Kanan wanppa Sekem guguittak, appa boumppig. Ag memetalag anukkanu Jakop, nug wan amu aokkunu, nug Hamor bekkod silwa men doɗo 100 matta awom. Nug wan amu awom amu, ag aguppa Josep ebehi boumppig. Anam amu, wan amuam Josep buɗubnu wan, ag aulag aakku dayom. Hamor am Sekem mameg.

Josua 24:1

Josua nug Israel dilag huu okkai oh onilagppa e uɗieg, Sekem appa qagmaattom. Qagmaatta, nug ikki danab, danab okkai, epeɗiak danab, amu Israel dilag ehanittak anuqak danab oh onilagppa e uɗin, ag Kayak gumidna wana daappig.

Josua 20:7

Yawe Nug anam aum amunu, Israel danab ag ii doyaya laa qe mauhomnu ehanattak aab daaglagnu tituanadppig. Aab ag tituanppig ele amu, laa am Galili appa aab Kedes, aab amuam Naptali wanppa, qauko qauko daattebppa dayom. Laa am Sekem. Sekem am Epraim wanppa qauko qauko daattebppa dayom. Laa am Kiriat Arba, onig laa am Hebron. Nug Juda wanppa qauko qauko daattebppa dayom.