Sam 6:5 - Nobonob Baibel

⁵ Aɗinu? Laa nug mauhom amu, nug nahipnu daugppa ii dotte. Ge, aun nug moɗppanu na binan mekkun elele?

Sam 6:5 Referans Kwoze

Sam 115:17

Danab ah mauhppig, ag Yawenu ahi ettan binag ii metteb. Genab, laa ag moɗ ooppa noppig ele, ag Nug ii binag metteb.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Sam 30:9

Da ami. “⌊O Naɗi,⌋ da mauhkkul dayeb amu, na amuppa ehanittak laa aokkutte? Ao, danab ag da mauhak moɗppa meiɗppeg amu, na amuppa ehanittak laa aokkutte? Da mauhe, moɗppa gappud mekkul dayeb amu, gappud amu na binan mekkute? Ge, da mauhen, gappud mekkul dayeb, da nahip oo metta ii uuak kobolnu danab ah oh amelagppa akkulte? ⌊Amu oh iitta⌋.

Sam 118:17

Da ii mauhpa. Iitta! Da bau dayeye, da Yawe, Nug dahilnu aɗi heum amu, da amunu danab ah amelagppa akkul.

Jon 9:4

Amahlak aakku daatte amunu ig laa, Nug da meiɗe uɗimi ele amu, ig nuhig uɗat hekkunigoitte. Gatatu nekkunu haen aakku malatte, gatatu neeb amu, aun laa nug uɗat ii hema.

Sam 90:13

O Yawe, na ihinignu oot nauhe hee, ig uugppa daattem, amu na heppe, nahip oo nauhak iitta mekkunu unuqidttem. Na oot nauhom daatte; haen gane laa ele ukkeb, oppoɗi bak nahip am bodoedakku? Amu, na ig nahipad maɗi nid, na ihinignu oot gai-iitta doon oot mekkan ehanigkkutnu oɗ medattem.

Sam 116:4

Da anam dayeye doyen, amu da Yawe onigppa ein ami. “O Yawe, na da ehaniɗppe, da bau daye, ii mauhpanu oɗ medattem.” Da anam unuqidmi.