Sam 6:10 - Nobonob Baibel

¹⁰ Dahilad kekeɗ oh ag geha uɗalag neeb, dabmak huanak aoglag. Ge, dahil kekeɗ ag uɗa nak nau guittak ele doon, ag pahanab bittumttum gokkulag.

Sam 6:10 Referans Kwoze

Malakai 3:18

Anam aakku beeb, ag baula aɗi keeke laa genab tutukku hak danab dilagppa bette, amu aɗi keeke, nau hak danab ele dilagppa bette, keeke amuam piɗe piɗe, ag amu anidkkulag. Ao, ag baula aɗi keeke laa danab ag Kayak waappa daan, Nug oɗe dim lamidtteb dilagppa bette, amu aɗi keeke danab ag Kayak waappa ii daan, Nug oɗe dim ii lamidtteb dilagppa bette, keeke amuam piɗe piɗe, ag amu anidkkulag,” awa atte.

Jeremaia 20:11

Ag anam atteb, amge Yawe Nug da gukkuiɗak daatte. Nug ban danab ɠagattagnab laa bia daatte. Nug amubia daatte amunu, danab ah ag da heiɗppeg nauhkkulnu hetteb, ag geha nena qeppeg, ahilag dabmak am iitta mekku. Geha ag aɗi keeke hekkulagnu dabmetteb amu, ag ii hemana amunu, geha ag uɗa nak nau guittak ele dooglag. Geha danab ah ag uɗa nak ahilagnu iinab daulag atima.

Sam 86:17

O Yawe, na dahilnu ena doottemnu at daakkunu amu, na ehaniɗkkutnu, oo mak ele meɗakkutnu oɗ medattem. Aɗinu? Na anam hekkut dayeb amu, laa ag dahilnu nau ninig ele dootteb, ag amu anidna, ag uɗa nak dooglag.

Aisaia 26:11

O Yawe, na nau hak danab ah ele nob nau madakkutnu na eppen humame daattem, amge ag amu ii dabmetteb. Anam amu, na nahipad danab ah ehanadkkutnu yag-nab-bak doottem ippunadppe, nau hak danab ag amu anidna, dabmak eheɗ aoppig dooppeg, uɗalag nekkunu ool daatte! Ge, na heppe, aab aɗu na nahipad kekeɗ dilagnu bappaidme amu, aab aɗu amuam hipunin danab ah ewadkkunu oɗ medattem.

Prowerb 29:1

Danab nug oo eɗukkunu daug batak kuɗum awawa, hamu bia doyaya, nug oo eɗumanu dabmak nuhig ɠagattag eppe oitte, nug guittak okkai awa nauhkku; nauhaknu aɗi keeke bette amu, baoliaknu ib laa iitta.

Sam 132:18

Da heppi, nuhig kekeɗ ag uɗa nak naunab aoglag. Ge, kekeɗ ag anam daaglag, amge king da tituankkul, nug binag okkainab ele daakku.” Yawe Nug anam aum.

Sam 112:10

Nau hak danab ag nuhig ena hak amu anidna, ag oolag nauhkku. Ao, ag aelkad emalna daanna, iitta mekkulag. Dabmak ahilag oh geha iitta ma madakku.

Sam 73:19

Ag oiyegeg, na hee, haen amuppa laippun, pahanab ag nena qena nauhtteb. Ao, na hee, uug nau be, ag baɗak eheɗ nau doon, iitta metteb.

Sam 71:24

Laa oh ag da guittak meɗaglag heppig amu, ag uɗa nak, ge uɗa nak nau guittak ele aoppig amunu, O Kayak, da deɗ oh amun tuqan ele nahip genab tutukku hak kobolnu akkul.

Sam 71:13

Laa ag da naippa yaaiɗtteb ele, ag uɗalag nau neeb, padal mekkulagnu ool daatte. Yo, laa ag da guittak meɗaglagnu hetteb ele, laa ag ahilagnu, “Keeke hamunab,” dooppeg, ag uɗa nak nau guittak ele dooglagnu ool hette.

Sam 35:26

Laa ag da uug nau doottemnu gamalag ahatte ele, ag uɗa nak nau dooglagnu oɗ medattem. Ao, danab ag da eɗilkkulagnu huana hetteb ele amu, ag uɗa nak aoglagnu, ge, ag uɗa nak nau guittak ele dooglagnu unuqidttem.

Sam 25:3

Danab ag nahipnu oolagppa genab dootteb amu, kekeɗ ag ii eɗadtteb, amge danab ag doonna, laa naunab hambuppuidtteb amu, ag uɗa nak aotteb.

Sam 7:6

O Yawe, ⌊da anam ii hemi amunu,⌋ na kekeɗ dilagnu oo nauhak doon, ahan ehaniɗkkutnu oɗ medattem! Ao, dahil kekeɗ ag dahilnu oppoɗilag be amelag kokoɗ ebatte ele amu, na eɗadkkutnu unuqidttem! Ge, O Kayak dahil, na nai doya mala hettoɗia epeɗia elele mettak kobol dim lamidna, ehaniɗkkutnu oɗ medattem!

1 Tesalonaika 5:3

Danab ah ag, “Haen ena aakku beum, ig maɗoɗ ena daagnig,” abeppeg, haen amuppanab keeke eheɗ, ag heeb nauhkkulagnu, ahilagppa bekku. Keeke eheɗ amuam ah nug nid aokkunu guittak paha bette, amubia beeb dooglag. Danab ah ag keeke eheɗ amu ii qe-eɗidmana.

Sam 5:10

O Kayak, na epeɗiadna, ag eheɗ hetteb appe, miag atiak daakkunu oɗ medattem. Ao, ag laa dilag pelem metteb amu, ag pelem amuppa nokklagnu unuqidttem. Ge, ag na waatppa ii daan, tappe nak hetteb amunu, na hipunin ahilag kuɗum, na amunu lamadppe, ag laih gokkulagnu ool daatte.

Sam 2:5

⌊Yawe Nug ahilag dabmak amunu, am keeke hamu doyaya,⌋ Nug oo nauhehe, ag nau hettebnu daulag batatte. Nug ahilag haknu ele oppoɗi huan beebe, Nug ag amelagppa ag eheɗ hettebnu mattieye, ag huan baɗatteb.

Job 6:29

Ag ahilag dabmak eɗueg! Ag nai doya mala hettoɗia epeɗia elele mettak kobol dim lamitteg! Ao, ag ahilag dabmak eɗueg! Da genab tutukku hak kobol dim lamidttem.

2 King 20:5

“Na eɗun gona, Hesekaia, nug am dahilad danab ah dilag gumak danab, na nug amegppa inam appe doyaɗ! ‘Yawe, Nug na alan Dawitnu Kayak amu, Nug atte. “Da unuqittak nahip doyen, nahip gayak ele doomi. Da na ehanidppi, na ena daakkut. Da anam heppi, deɗ ewam uueb, na da, Yawe, na mettid lag dahilppa tekkut.

Sam 55:20

⌊Da layal, nuhignu amu,⌋ nug laikkud banelag gotte. Nug aɗi hekkunu layag ele nug tituana nai qakkakppa aum amu, nug amunu hamu bia doya, tippala, ii hette.