Sam 59:4 - Nobonob Baibel

⁴ Da ahilagnu aɗitai eheɗ laa ii hemi, amge ag da iuppeg mauhkkulnu bappaidtteb. O Yawe, na ahan, da ehaniɗkkutnu oɗ medattem! Na ag dahilppa aɗi hekkulagnu hetteb amu antte!

Sam 59:4 Referans Kwoze

Sam 35:23

Na ahakkutnu oɗ medattem. Da keeke eheɗ laa ii hemi me, ag hamu da bu iuglagnu hetteb; na ag ippulag amu oo nekkutnu ool daatte. Na da hettoɗiakppa ehaniɗkkutnu unuqidttem. Na am dahil Kayak, na dahil Naɗi.

Rom 3:15

“Amu ag danab kekeɗ mattan aqaglagnu pahaettak hetteb.

Aposel 23:15

Ag anam ana amu, ag nai tuɗidna appig. “Ig anam amut amunu, ag amu Juda dilag hettoɗiak okkai onig Sanhidren, amunu danab ele ag gemu nai meppeg, ban daup ikki anuqak toppa ukkeb, nug Pol omala ag gumatta nekkunu oɗ mettaglag. Ag hambuppun inam aon amegppa aig! ‘Ig Pol nai maditte, nug tuɗitta mattiebeb, ig diignab doognignu oonig daatte!’ Ag anam appeg, nug omala neebeb ig bappaidta meidta daagnig amunu, Pol nug ag gumatta ii beebeb, ig geha nug qepput mauhkku,” aon appig.

Aisaia 59:7

Ag nau hekkulagnu qaiettan gotteb. Ao, ag danab eheɗ laa ii heum qeppeg mauhkkunu pahaettak daatteb. Ag hanhan kobol nau hekkulagnu dabmenan oitteb. Ag aɗi aɗi hetteb ele amu, ag amuppa keeke heeg nauhtte, ag heeg, keeke ena dayom am gemu nauhak daatte.

Aisaia 51:9

O Yawe, na ahan, nahip ɠagattag amuppa ehanigkkutnu oɗ medattem! Na anukka, haen laappa ehanigme, amubia ehanigkkutnu oɗ medattem! Na Rahap iite eɗidna, tuqae neum? Yo, na doɗ okkai nau ele amu iite qeme?

Prowerb 1:16

Na ag ele oh ii gomananu diig am inam. Ag pahaettak hipunin hekkulagnu hetteb. Ao, ag laa qeppeg mauhkkunu oolag huana hette.

Sam 44:23

Am anam daatte amunu, O Naɗi, na ahakkutnu oɗ medattem! Na ig ii ehanigttemnu diig am, da ii doottem. Ao, na ahakkutnu unuqidttem! Na ihinig nai ii doottem amu, na amubia tuɗidna hanhan hemananu, da na oɗ medattem.

Sam 35:19

O Yawe, dahilad kekeɗ dilagppa da eheɗ laa ii hemi, amge ag da eɗilkkulagnu hetteb. Anam amun na uuadppe, ag anam hemananu unuqidttem. Ao, danab ag dahilnu diig iittappa nau ninig ele dootteb, ag heppeg, da nein qekkulnu hetteb. Anam amu, na uuadppe, ag heppeg da nein qepanu oɗ medattem.

Sam 5:6

Geha na danab ag hambuppuak nai maditteb ele hadappe nauhkkulag. Ao, na Yawe, na laa ag laa makkuɗadtteb, ag laa hambubutteb ele, na amu dilagnu ootppa uuaknab doottem.

Genesis 40:15

Aɗinu? Anukka laa ag Hibru wanppanu aɗailna awiɗna uɗieg, iikku daattem. Amu ippa ele da maniguittak nau gatatu ele imuppa daakkulnu kobol eheɗ laa ii hemi,” awa aum.

1 Samuel 19:4

Jonatan nug anam aum amunu, deɗ amu uue, wagɗe, deɗ amuppa nug mameg omala, dad okkai Dawit lokkuma dayomppa ukka, mameg amegppa Dawit nug uɗat ena heum, nug amunu amegppa anana, nug inam aum. “Dawit nug keeke eheɗ laa nahip-ppa ii heum. Iitta! Nug keeke heum amu, na ehanidkkunuib heum amunu, na, king, na nuhignu eheɗ laa hekkutnu amu, da ool ii daatte.

Sam 56:7

O Kayak, na heppe, ag eheɗ hak ahilagnu nob nau aoglagnu oɗ medattem. Ge, na kekeɗ dahilnu oot nauheb heppe, ag wanppa nena qekkulagnu unuqidttem.