Sam 59:16 - Nobonob Baibel

¹⁶ Ag anam aakku hetteb, amge na am aab aɗ ɠagattagnab ele dahil bia dayeye, gemu ele anam daattem. Ao, da uug doottem, haen amuppa na am padal mak eɗitteb ena dayaknu ehanittak dahil daattem amunu, da nahip ɠagattag okkainu ahi edakkul. Ao, da buttua anen anenppa, da hanhan nahip oo mauhaknab kobolnu ahi edakkul.

Sam 59:16 Referans Kwoze

Sam 21:13

O Yawe, na danab nahip ɠagattag ippunadkkutnu unuqidttem. Na am ɠagattag okkai ele, amuppa na hak okkai okkai hettem. Amu ig ahi ettatta, hak okkai okkai amu dabmetata, na binan humagnig.

Epesus 3:20

Kayak, Nug nuhig ɠagattag ig oonigppa uɗat hette ele, Nug amuppa keeke okkai okkai, ig amunu dabmekkunignu, o Nug oɗ mettagnignu elele iitta. Ao, Nug amu eɗittak okkainab hekkunu elele; amu binag amahlak oppiaawak ele nuhigppa dayaɗ!

Rom 15:9

Nug amu heumnu diig laa am iitta aɗi ag Kayaknu oo gai-iitta doya oo metta ehanittak kobol anidna, Nug binag mekkulagnu ele heum. Kayak naippa, nai amunu inam daatte. “Amunu da na onin iitta aɗi danab ah oh oolagppa humakkul. Ao, da na onin humakkulnu ahi edakkul.”

Sam 30:5

Aɗinu? Nuhig oo nauhak am haen tutuib daatte, amge ii helo bia me, ehanittak kobol nuhig, kobol amuam danab ah nuhikkud bau daatteb, am haen amu oh anamib daatte! Danab ah ag tueb meeb gaappeg ukkeb, wagkkaɗkkutai, amge buttua amu, Nug ag gamag ahak madakku.

Sam 143:8

Da nahipnu oolppa genab doottem amunu, na buttua oh nahip oo mauhaknab kobolnu dabmenana, ehaniɗkkutnu oɗ medattem. Da na unuqidttem amunu, na oot meɗan, nahip ib tutukku ippuniɗkkutnu unuqidttem.

Sam 138:7

O Yawe, uug kuɗum dahilppa bette, amge na da atognoiɗe, da ena bau daattem. Laa ag dahilnu oo aeg bak doon, kekeɗ meɗatteb amu, na ag mautadna, nahip ɠagattagppa da ehaniɗe, da padal ii mettem.

2 Korint 1:10

Ig mauhkkunignab doomut, amge Kayak Nug ig eɗua awikkom; butti ele anamib hekku. Ag ahilag unuqittakppa ehanigppeppeg, Kayak Nug geha ig eɗua awikkeb, ig ena daagnignu nuhignu oonigppa genab doottem. Anam heppeg amu, geha danab ah kuɗum laa ag ele unuqidppeg, Kayak Nug ig ehanikkeb, aria geha danab ah kuɗum ag ihinignu dabmenana, Kayak Nug keeke hette amunu Nug amegppa, “Ena heme,” aon akkulag.

Sam 101:1

Da nahip oo mauhaknab kobolnu, nahip nai doya mala hettoɗia epeɗia elele mettak kobolnu ele ahi edakkul. O Yawe, da ahippa na binan mekkul.

Hibru 5:7

Aria, anukka Jesus Nug danab beɗu awa wanppa dayom, haen amuppa Nug Kayak unuqittatta, Nug ele Kayak keeke laala hekkunu oɗ mettom. Nug mauhowa, ib laappa eɗua hippaidkkunu elele iitta, Kayak Nugib anam ehanidkkunu elele dayom amunu, Jesus Nug Kayak amu hekkunu ɠagattag oɗ medatta, ameg leb ne, Nug nukka binag qe ne, Kayak oɗe dim lamittom amunu, Kayak Nug nuhig oɗmak amu oɗeppa awom.

Sam 145:11

Nahipad danab ah ele ag nahip ɗo maɗoɗ am binag amahlak oppiaawak ele mattiglag. Ao, ag nahip ɠagattagnu ele mattiglag.

Sam 36:5

O Yawe, nahip oo mauhaknab kobol am naɗinab. Keeke laa attannab lomppa tette ele, am amu eɗittak, naɗinab daatte. Ao, oo metta ii uuak kobol nahip am naɗinab. Amuam keeke laa ta, lombig ooppanab gotte, am amubia daatte.

Sam 31:7

Na uug da iwom anidme. Ao, na da oolppa guittak nau doomi anidme. Anam amunu da nahip oo mauhaknab kobolnu amu, da gamal huananab ahatte.

Sam 4:1

O dahil Kayak, na am genab tutukku hak kobol aakkuib hettem. Anam amu, haen da na oninppa ettem, na nob meɗakkutnu ool daatte. Haen uug nau iutte amu, na dahilnu oot gai-iitta doon, oot meɗan ehaniɗna heppe, uug iitta mekkunu da oɗelppa aokkutnu oɗ medattem.

Job 37:23

Laa Nukka Ɠagattag Oh Ele Nug ig eɗikka auta autanab aotte. Nug nuhig ɠagattag am okkainab ele. Nug nai doya mala hettoɗia epeɗia elele mettak kobol ele hanhan dim lamidtte. Nug aɗi hette ele amu, Nug genab tutukku hak kobolppaib hette amunu, Nug danab laa diig iittappa bu ii medatte.

Jeremaia 30:7

Haen amuam haen nau. Haen laa am haen amubia ii dayom, gemu ii daatte, butti aɗi ele anambia ii daama. Haen amuppa amu, Jakop buɗub ag uug nau aoglag, amge da ehanadppi, ag ii padal memana.

Sam 89:1

O Yawe, da oo mauhaknab kobol nahipnu oo gamag ahak doyeye, hanhan ahi edakkul. Yo, da geha oo metta ii uuak kobol nahipnu laa amelagppa madikkul.

Sam 88:13

Amge, ⌊da ina bau daattem amunu,⌋ O Yawe, da nahipnu unuqidttem. Deɗ anen anenppa, buttua da nahipnu unuqidttem.

Sam 77:2

Da uug nauppa dayeye, da Naɗi antten dim lamidkkulnu Nug madittem. Ao, tuqan amu, da bahil ii yeeye, da eppel hume unuqittette, da danab laa eppegppa oo mak aokkulnu uuttem.

Sam 46:1

Kayak Nug am padal mak eɗitta ena dayaknu ehanittak ihinig, amu ɠagattag ihinig ele daatte. Nug ig uugppa daapput ehanigkkunu, hanhan guguikkak daatte.

1 Samuel 17:37

Yawe Nug da ehaniɗe, laion, bea ele da ii iupiɗ, amubia nug da ehaniɗkku amunu, Pilistia amu nug da ii iuma,” awa aum. Dawit nug anam a, Saul nug nob ma aum. “Amu ena. Na goppe, Yawe Nug na ele goya, Nug na ehanidkkunu ool naɗi daatte,” awa aum.

Sam 5:3

O Yawe, da buttua unuqitti, na doottem. Ao, da buttua anen anen da oolppa aɗi keekenu na oɗ medakkulnu dabmettem ele amu, da na unuqidttem. Ge, da unuqittette, na da ehaniɗkkutnu ool maɗoɗ ele amen mein daattem.

Sam 106:8

Ig alankad ag anam heppig, amge Yawe Nug ag padal memananu ehanadkkunu matu aum amunu, nug anam heum. Nug amu heumnu diig laa am, Nug Nug onignu dabmak anuqak awa, danab ah ag nuhignu nai eheɗ mattinna, “Yawe Nug keeke hekkunu aum, amge Nug ii heum,” amananu heum. Laa am, Nug ɠagattag nuhig attemu ele danab ah ippunadkkunu heum.

Sam 86:13

Aɗinu? Na dahilnu oo mauhaknab okkai doon dim lamidttem amunu, na da atognoiɗna, mauhak abenppanu eɗun awiɗe, da ii mauhmi.

2 Samuel 22:3

Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten, ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daya, Nug dahil padal mak eɗitteb ena dayaknu ehanittak daatte. Nug Padal ii maknu ehanittak dahil daatte; Nug danab laa ag laa guittak nau mauhnoak mettaknu tiigppa daatte amu, nug danab amu eppelagppanu awiɗtte.

Eksodas 15:6

O Yawe, na eppen naɗiap am ɠagattag okkai huanaknab, amuppa na kobol okkai heme. Yo, O Yawe, na eppen naɗiap-ppa, na kekeɗ aqadna, oɗoɗadna autna aome.

Job 15:23

Nug mauhnoak atu laih laih oitte. Nug appa mauheb, kaub ag nug teppu lakkulagnu oitteb. Ao, nug gatatu nug tonakkunu daatte dootte.