Sam 59:15 - Nobonob Baibel

¹⁵ Qai ag ee mattin wana dona wana dotteb, ⌊amubia dahil kekeɗ ag gotteb dotteb henana, da iuglagnu hetteb⌋. Qai ag ee elele ii anidna amu, ag liɗimtteb, ⌊amubia kekeɗ dahil ag da ii iun, ag oppoɗilag bette⌋.

Sam 59:15 Referans Kwoze

Job 15:23

Nug mauhnoak atu laih laih oitte. Nug appa mauheb, kaub ag nug teppu lakkulagnu oitteb. Ao, nug gatatu nug tonakkunu daatte dootte.

Sam 109:10

Na heppe, nid naunau nuhikkud ag mauhnoak oinna, laa keekenu unuqadnana oiglagnu oɗ medattem. Na heppe, kekeɗ ag ahilkad lag heppeg nauhppeg, ag ag lamadppeg, ag umanab wana oinna daaglagnu unuqidttem.

Maika 3:5

Amu Yawe Nug inam atte. “Propet hambuppuak ag dahilad danab ah ib eheɗ ippunadtteb. Laa nug propet hambuppuak ee madette, ag nug maɗoɗ daakkunu atteb. Amge laa nug ee ii madakku dayeb amu, ag uug nau, mauhak keeke, danab amu, nuhigppa bekkunu atteb.

Gayak Nai 5:9

Atu taɗakppan danab, ag danab ɠagattag, ag qep elabppa danab paha aqaeg mauhtteb amu, ag guguikkak daatteb amunu, ig datta gota, ee heta aot lakkunignu amu, ig mauhkkunignu oita, ee aot lattem.

Aisaia 56:11

Israel dilag okkai ag qai nug ee lakkunuib dabmaama oitte, ag amubia daatteb. Ag keeke aotteb, amge ag gane aonna, ag, “Aakku elele,” ii atteb. Iitta. Ag baubau aoglagnuib hetteb. Ag sipsip gumak danab doyak iitta ele amunu, nug eheɗ hette, ag amubia daatteb. Ag oh ahilag dabmak dim lamidkkulagnu hetteb. Ag oh anen anen en okkai qagmekkulagnu hetteb.

Aisaia 8:21

⌊Am genab, danab ah ag ib hambuppuakppa doyak aoglagnu hetteb ele amu,⌋ ag am geha haen nau aoglag. Ag geha oolagppa uug nau doonna, enug aqebeb, wanppa talilin oiglag. Ag anam oinna, ag enug aqakku. Enug amunu ag oppoɗilag beeb, amelag kokoɗ eppeb, ahilag king, amu ahilkad kayak ele ag eheɗ laa awaknu anak waappa daaglagnu nai akkulag. Ag neegppeg habppa teebeb,

Duteronomi 28:48

aakku Yawe Nug kekeɗ maatteb, ahilagppa uɗippeg, ag ahilag maɗi nid daan, uɗat naunab henan daaglag. Ag geha enug aqakku, le baalag diikku, bam iitta daaglag, keeke ohnu tutu mak daaglag. Kekeɗ ag eheɗ nau hadappeppeg ukkeb ukkeb, ag nauhna autnanab aoglag. Amu bekku diig am, ag oolag ena, gamag ahak ele Yawe waappa daanna nuhig maɗi nid ii daappig.