Sam 59:13 - Nobonob Baibel

¹³ Wan imuppan wan anen anennu danab ah oh ag na Kayak, na ippa Israel daanna gumigttem, ag amu dooglagnu amu, na dahil kekeɗ dilagnu oppoɗin beeb heppe, ag padal mekkulagnu oɗ medattem! Ao, na ahilagnu oppoɗin beeb heppe, ag padal mena, laippu laa ii daamnanu unuqidttem! Sila.

Sam 59:13 Referans Kwoze

Sam 83:18

O Kayak, na heppe, ag na, na onin am Yawe amu, ag na nakkaib na wan imuppa Kayak Attannab Laa Oh Eɗattak daattem, naib wan imu gumattem amu, ag amu dooglagnu ool daatte.

Sam 7:9

O Kayak, na genab tutukku hak kobolib dim lamidttem, na danab ah dilag dabmak unuqagnab daatte, na amu neegna anidttem. O Kayak, na heppe, nau hak danab, ag laa guittak nau mauhnoak madatteb, ag amu uuglagnu, na laa oh ag na oɗen dootteb ele, na ag ehanadkkutnu oɗ medattem.

Esekiel 39:7

Amu da heppi, dahilad danab ah Israel ag dooglag, da am Yawe, da am oppiaawak ele. Da heppi, Israel danab ah, ag ahilag hak nauppa heppeg, danab ah laa ag da onil oppiaawak elenu am keeke hamu bia ii dabmemana; amu wanppan wan ohppan danab ah ag dooglag, da am Yawe, da am oppiaawak daattem, da Israel dilag Kayak daattem.

Sam 59:11

O Naɗi, na ihinig guppiɗ daattem. Dahilad danab ag nahip hak pahanab daulag atikkununab daatteb amunu, na laippun heppe, dahil kekeɗ ag mauhkkulagnu ool ii daatte. Iitta. Danab nug na qekkunu oiyeye ukke ukke na qette, amubia na nahip ɠagattagppa heppe, uug kuɗum dahil kekeɗ, ahilagppa beeb ukkeb ukkeb, padal mekkulagnu ool daatte. ⌊Na anam hekkut dayeb amu, danab ah dahilad ag na aɗi heme amu ii daulag atima.⌋

Daniel 4:25

Na ⌊dabmak nahip eɗua, kaaka dayeb,⌋ laa ag lamidppeg, na goppe, doɗ dakkuɗ ele daaglag. Daanna, na makau gikkiɗah latteb bia gikkiɗah lakkut. Baito habppanu na, na nidakku. Maɗ eblaih aɗit ele na anam daappe ukkeb, na Kayak Attannab Laa Oh Eɗattak Nug wannu ɗo maɗoɗ oh gumadtte, Nug aun ahilag okkai daakkunu oo he, king abenabppa mette doon, dabmak amu tutukku doon elele aɗan oikkut, dimppa na eɗun ena daakkut.

Esekiel 38:23

Da amu heine, da heppi, danab ah ag da onil ɠagattag ele daattem, da oppiaawak daattem ele anidkkulag. Da heppi, wanppan wan digdig danab ag da dooiɗkkulag. Da keeke amu oh heppi, ag dooglag, da am Yawe.” Yawe Nug anam atte.

Aisaia 54:5

Aɗinu ag amu hekkulagnu elele daaglag? Laa Nug ag hattom ele, Nug ag gamulag daatte. Nug onig am Yawe Nukka Ɠagattag Oh Ele. Ao, aɗinu ag amu hekkulagnu elele daaglag? Am, Israel dilag Kayak Oppiaawak Ele, Nug ag Juda, ag laa eppelagppa dayaknu qagaiettakppanu eɗua uhuqak ha madatte. Nug wan oh dilag Kayak daatte.

Sam 104:35

Hipunin danab ah oh, wanppa iitta mena malaglagnu ool hette! Ao, nau hak danab ah ag qettoɗna, iittanab mekkulagnu ool daatte! Dahilnu amu, da Yawe binag humakkul. Ag Yawe binag meig!

2 King 19:19

Ag kayak hambuppuak amu dilagnu anam heppig amunu, O Yawe, ihinig Kayak, na wan atu ohppan danab ah ag na, O Yawe, na nakka, na Kayak daattem dooglagnu, na ig Asiria dilag king eppegppanu awigppe, ig ena daagnignu od medattem.” Hesekaia nug anam unuqittom.

Namba 32:13

Yawe Nug Israel dilagnu oo huana nauhe, Nug he, ag atu taɗakppa maɗ 40 oh yawaina oippig. Ag anam oinna, Yawe he, laa kobol eheɗ heppig ele, ag mauhadna iitta meppig.

Sam 10:7

Nau hak danab ag laa dilagnu eheɗ laa awaknu anak waappa dayaknu nai anana, ag laa hambuppualadna, amu laa ag nau hak danab atteb bia ii heppeg amu, geha ag guittak mattaglagnu atteb. Ao, ahilag mattiakppa ag heeg, danab ah laa uug aoegeg, kobol nau ele betteb.

Sam 64:9

Anam beeb, laa oh ag Kayaknu ebehilag oh bodoetta le mekku. Ao, ag Kayak Nug keeke okkai okkai heumnu, ag laa amelagppa amunu mattiglag. Ge, ag amunu dabmena autna aoglag.

Sam 109:17

Nug laa dilagnu, ag eheɗ laa awaknu anak waappa daaglagnu akkunu oo mauhom amunu, na nug eheɗ laa awaknu anak waappa daakkunu akkutnu oɗ medattem. Nug laa itattak ena medakkunu uuom amunu, na nug itittak ena ii medakkutnu unuqidttem.

Prowerb 12:13

Eheɗ hak danab ag nai nau mattinna, pelemppa tetteb; amge genab tutukku hak danab ag anam iitta, ag uugppa ii notteb.