Sam 59:12 - Nobonob Baibel

¹² Dahil kekeɗ ag dada hena, ag nai nau atteb. Yo, ag oɗelagppa ag laa ag eheɗ laa awaknu anak waappa daaglagnu ana, ag hambubutteb. Anam amunu, nai nau ag atteb, amu dada hak kobol ahilag ele, keeke aɗit amuam ahilag pelem bia dayebeb, na heppe, ag amuppa nena qekkulagnu oɗ medattem.

Sam 59:12 Referans Kwoze

Prowerb 12:13

Eheɗ hak danab ag nai nau mattinna, pelemppa tetteb; amge genab tutukku hak danab ag anam iitta, ag uugppa ii notteb.

Prowerb 18:7

Danab nug Kayak dab-ii-maama ii dim lamidtte ele nai atte amu, nai amu he, nug na qette. Ao, danab nug Kayak dab-ii-maama ii dim lamidtte ele nug nai atte, nai amu he, nug mauhaknu pelemppa tette.

Sam 10:7

Nau hak danab ag laa dilagnu eheɗ laa awaknu anak waappa dayaknu nai anana, ag laa hambuppualadna, amu laa ag nau hak danab atteb bia ii heppeg amu, geha ag guittak mattaglagnu atteb. Ao, ahilag mattiakppa ag heeg, danab ah laa uug aoegeg, kobol nau ele betteb.

Hosea 4:2

Ag ahilag wanppa nai ɠagattag qetta mattiowa, nai amu ii dim lamittak kobol, hambuppuak kobol, laa qe mauhak kobol, yabhok kobol amu ewau pakkua gappai hak kobol ele ambak daatteb. Ag ɗo waappa iinab daatteb. Ag laa makkuɗona, haen elab iitta, laa ele makkuɗtteb.

Sam 10:2

Nau hak danab ag beɗuppa tak kobol nau dim lamidna, ag daɗek danab ah eheɗ hadatteb, amge Yawe Nug heeb, laa ag daɗek dilagnu keeke laa hekkulagnu lokkumakppa doonna, maittak eheɗ aotteb ele, kobol amu eɗua, ahilagppa daakkunu ool daatte.

Luk 23:5

Nug anam aum amge ag tuɗidna ɠagattag appig. “Nug Juda laih ohppa danab ah amelagppa biig yaak nai mattie, ag ahilag dabmak manin ii daatte. Nug kobol amu Galilinu digme uɗia, ippa ele he beum,” aon appig.

Matyu 27:63

Qagmena ag appig. “Naɗi, ig hambuppuak danab amu, nuhig nai laa daunigppa doum. Nug bau dayaya Nug, ‘Deɗ ewam ukkeb, da eɗue hippaidkkul,’ aum

Matyu 27:25

Nug anam a amu, ag appig. “Am ena. Nuhig mauhaknu aab am ig, ihinkad nid naunau ele, ig oh ihinigppa dayaɗ!” aon appig.

Sepanaia 3:11

Ag Jerusalem danab ah ag dahilnu eheɗ heppig, amge haen amuppa ag tuɗidna, uɗa nak akka ahilagnu ii doomna. Amu bekkunu diig amu, da heppi, laa ag dada kobol hena, ag amunu gamag ahak dootteb ele, ag baula aab imuppa ii daamna. Laa ag dada ha laa eɗittaknu dabmak awak kobol dim lamidtteb amu, ag ippa ii oimna.

Prowerb 11:6

Danab ooppa kaliak laa iitta, nuhig genab tutukku hak kobol am he, nug pelemppa ii tette; amge danab nug Yawe ippunittom bia Nug dim lamidkkunu uua hette amu, nug oo hak eheɗ nuhignu pelemppa daatte.

Prowerb 6:2

na nahip mattiakppa doɗ pelemppa teum daatte bia daattem dayeb, ge, na nahip naippa, ai nug uhuippa noum daatte bia daattem dayeb,

Sam 79:12

O Naɗi, danab ah ig guguikkak daatteb, ag na aon aon nidappig amu, na ag bu haen eblaih aɗit ele eheɗ heppignu bu madakkutnu oɗ medattem.

Job 12:24

Kayak Nug he, wan gumak danab ag dabmak ena iitta ele daan oitteb; Nug he, ag mauhnoak, aben nauhakib, appa mauhnoak oitteb.

Gayak Nai 3:62

Ao, na dahilad kekeɗ ag deɗ oh amun tuqan ele aɗi eheɗ dahilppa hekkulagnu akka akka otiptip-ppa maditteb amu, na amu oh ele doottem.

Esekiel 12:16

Israel danab ah kuɗum mauhkkulag, amge da heppi, kekeɗ ag qep-ppa laib laib ii aqamna; da heppi, ag laib laib am enug aqeb ii mauhmana; da heppi, ag laib laib am oɗe nau danab kuɗum aqe mauhtteb aqeb, ii mauhmana. Da amu hekkulnu diig am, ag ii mauhkkulag ele ag wan laalappa gona daanna, ag kobol dubuttid nau ele digdig, da kobol amunu oolppa uuaknab doottem amu, ag kobol amu heppig amu, ag appan danab ah amelagppa ag kobol amu ii helobnu akkulagnu daan akkulag. Ag amu daan, ag dooglag, da am Yawe,’ ” awa aum.