Sam 59:11 - Nobonob Baibel

¹¹ O Naɗi, na ihinig guppiɗ daattem. Dahilad danab ag nahip hak pahanab daulag atikkununab daatteb amunu, na laippun heppe, dahil kekeɗ ag mauhkkulagnu ool ii daatte. Iitta. Danab nug na qekkunu oiyeye ukke ukke na qette, amubia na nahip ɠagattagppa heppe, uug kuɗum dahil kekeɗ, ahilagppa beeb ukkeb ukkeb, padal mekkulagnu ool daatte. ⌊Na anam hekkut dayeb amu, danab ah dahilad ag na aɗi heme amu ii daulag atima.⌋

Sam 59:11 Referans Kwoze

Sam 3:3

Amge na, O Yawe, na am dahil guppiɗ daattem. Na binag amahlak oppiaawak ele meɗana, ɠagattag ele da meɗattem.

Revelesen 9:6

Haen amuppa danab ag mauhkkulagnu ib mattiglag, amge ii mauhmana. Ao, ag mauhkkulagnu oolag huanak daakku, amge mauhak nug ag uuatta, umanab daakku. Ag paha mauhak ii anidmana.

Luk 21:21

Am haen amuppa laa ag Juda wanppa daatteb, ag oolna qaukoppa ukkeg! Danab Jerusalem ooppa daatteb, ag aab uun laih ukkeg! Danab aab dimittim daatteb, ag eɗun aab ooppa aib noppig.

Sam 52:5

Amge Kayak Nug heeb, na nauhna, iitta mekkut. Ao, Nug na ɠagattagnab aɗaitta, Nug na baenppan oolagppan awitta, buɗitteb, laih gokkut. Ge, Nug heeb na mauhkkut. Sila.

Job 40:12

Genab, na dada danab ohnab neekkadna anadna heppe, ag danab nukka onig qe ne oitte bia dayeg! Ao, na nau hak danab oh ag daattebppa oɗoɗadppe, ag nauheg!

Duteronomi 28:64

Yawe Nug ag wan imuppanu maatteb gona, tamtam wanppan wan ohppa daaglag amunu, ag baula wan imuppa ii daamna. Appa ag danab laihnu dilag kayak menppa, adppa ele hadappig amu; ag amu, ag mamelkad aɗi ele ii dooppig ele amu, ag amu noolagppa dup noa binag mak kobol hekkulag.

Duteronomi 4:27

Yawe Nug lamatteb, ag matatun gona, wanppan wan laala oolagppa daan mauhkkulag; laib laib aakkuib ag bau daaglag.

Sam 106:27

Nug heeb, ag wanppan wan laalappa mauhkkulagnu, Nug heeb, ahilkad kekeɗ ag heppeg, ag buɗulkad wan laalappa tamtam gona daaglagnu aum.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Sam 84:9

O Kayak, na ihinig king, nug ig atognoigtte ele amu, na nuhig dabmekkutnu oɗ medattem! Ao, na laa na nug king daakkunu goɗen gokkaɗakppa tituanme ele amu, na ii helom bia me, na ehanittak kobol dim lamidna, nuhigppa hekkutnu unuqidttem.

Sam 44:11

Na hee, ig am sipsip danab aqadkkunu gotteb bia daattem. Ao, na ig huu okkai laala oolagppa tamtam daagnignu heme.

Duteronomi 4:9

Amge ag dabmeig! Ag aibnab Yawe Nug ahilagnu he anidppig ele amelag atiom. Ag bau daatteb haen imuppa ag heppeg, dabmak ahilagppa iitta mema! Ag anidppig amu ohnu ag bekkalkad, alalkad ele mattin mattaglagnu heig!

Lewitikas 26:33

Da heppi, ag tamtam gona, wanppan wan anen anen, amu oolagppa ag daappeg, da heppi, danab ag banelag uɗin, ban heppeg ukkeb ukkeb aqaglag. Ahilag wan am nauhaknab dayeb, aab okkai ahilkad loppaɗe nak daaglag.

Eklisiastis 9:5

Aɗinu? Danab ag bau daatteb ele, ag mauhkkulag am dootteb; amge danab mauhppig amu, ag keeke laa ii dootteb. Wanppan danab ah ag ahilagnu daulag atiom amunu, ag ⌊wanppa⌋ nob ena baula aoglagnu elele iitta.

1 Samuel 24:5

Dawit nug lamen elab Saulnu nakok otaɗa awowa, dimppa nug nuhig ooppan oiyak ippunittaknu ulumppa amu, nug eheɗ doya aum. “Da eheɗ hemi.”

Sam 118:7

Yawe Nug da ele daattep. Nug da ehaniɗtte. Ao, anam amu, da dahil kekeɗ eɗadkkul.