Sam 59:10 - Nobonob Baibel

¹⁰ Kayak dahil Nug dahilnu oo mauhaknab dootte amunu, Nug uɗia da ehaniɗkku. Nug da ehaniɗa heeb, da kekeɗ dahil oh eɗadkkul.

Sam 59:10 Referans Kwoze

1 Pita 5:10

Kayak Nug am ehanittak okkai hamu mettak kobolnu diig daatte, Nug ag Jesus Kristusnu uɗatppa ag geha nuhig binag amahlak oppiaawak hanhan daatte ele, ag amu ooppa daaglagnu onilagppa eum amunu, ag geha uug haen tutuib doonna daappeg, dimppa Nug eɗua heeb, ag eɗun ena daan, ag lag ukku enappa ɠagattag daatte bia ag ɠagattag daaglag.

Sam 54:7

Da anam hekkulnu diig am, da uugppa daaiyi, na da ehaniɗe, qagaiettak ii aomi. Ao, na da ehaniɗe, dahil kekeɗ eɗadmi.

Sam 59:17

O Kayak, na amu aab aɗ ɠagattagnab dahil bia daattem. Na dahilnu oo mauhaknab doottem amunu, da na, na am dahil ɠagattag amu, da nahipnu humittak ahi edakkul.

Sam 21:3

Amu na nug gumidna uɗin, itittak ena kuɗum mettame. Na haɗ gol ena dubuttid iitta eleppa hak amu igippa meme.

Sam 92:11

O Yawe, na da ehaniɗe, dahil kekeɗ ag nena qeeg, amelppa anidmi. Ao, Yawe, na ehaniɗe, dahil kekeɗ, ag nau hak danab amu, ag oolnana, eegeg doomi.

Sam 54:5

O Kayak, dahil kekeɗ ag da guittak meɗaglagnu maidtteb ele amu, ahilag maittak amu akka ahilagppa heppe bekkunu oɗ medattem. Ao, na dahilnu oo metta ii uuak kobol dim lamidna heppe, ag iitta mekkulagnu unuqidttem.

2 Korint 1:3

Ig Kayak binag humatu! Nug am Kayak ihinig, Naɗi Jesus Kristus Mameg. Nug am oo gai-iitta doya oo metta ehanittaknu kobol Mameg daatte. Ele amu Nug am oo mak mettaknu oo awaknu Kayak daatte.

Jeremaia 17:16

O Yawe, na nahipad danab ah gumattak uɗat imu da meɗame amu, da uuen oole, uɗat laa ii hemi. Na doottem, da deɗ laa na heppe, Juda danab ah imu ag nauhkkulagnu ool ii dayom. Da aɗi nai madittem amu, da na amenppanab madittem; da na doomnanu lokkumen madikkulnu ii hettem.

Aisaia 65:24

Am inam bekku. Ag unuqiɗkkulagnu ii digmeppig haenppa da ehanadkkul. Ao, ag unuqiɗppeppeg doyen, ehanadkkul.

Sam 112:8

Nug ɠagattag daatte. Nug aɗi keeke laanu ii baɗama. Nug nuhikkud kekeɗ ag nena qeppeg, nug anadkku.

Sam 91:8

Anam beeb, na amenppanab Yawe Nug nau hak danab attem bu madatte amu, na neegna anidkkut.

Sam 79:8

⌊O Yawe,⌋ na ig mamenkad aɗi hipunin heppig amu, na amunu nob ig mekkamnanu oɗ medattem! Ao, na oot gai-iitta doon oot mekkan ehanigkkutnu unuqidttem. Aɗinu? Ig uug okkainabppa daattem.

Sam 56:6

Ag qagmena, ag dahilppa eheɗ nau hekkulagnu mattiak aotteb. Ag eheɗ heiɗkkulagnu meiɗna daatteb. Da aɗi keeke hettem amu, ag neegna autna aotteb. Ag da iuglagnu hetteb.

Sam 56:2

Dahil kekeɗ ag deɗ oh amun tuqan ele da banel uɗin daatteb. Ao, ag am kuɗum, amu ag da banel uɗiglagnu ii baɗatteb.

Sam 5:8

O Yawe, na genab tutukku hak kobolib heehe, da na ulum meɗakkutnu oɗ mettem. Ao, na nahip hak, nahip nai ele am miag atiak heppe, kekeɗ ag da ii eɗilmananu unuqidttem.

2 Samuel 1:17

Amu Dawit nug anam hewowa, nug nai oo doyak ele Saul, nug bekka Jonatan ele dilahnu mattiom.

1 Tesalonaika 4:15

Ig nai imu Naɗi oɗe amu ag amelagppa iikku attem. Ig laa oh, ig geha Naɗi Nug eɗua uɗikku haenppa ig danab ah bau daattem ele amu, ig danab mauhppig ele amu daappeg ig ii anuqmata.

1 Samuel 26:10

Dawit nug anam awowa, nug baula tuɗitta aum. ⌊“I nug ii qepuɗ mauhma.⌋ Amu Yawe Nug genab bau daatte, genab amubia Yawe Nug geha nob nau Saul medakku. Ao, geha Saulnu haen maleb, nug mauhkku, o iitta geha nug ban heebeb, laa nug geha qeeb mauhkku,

Sam 46:8

Ag dona, Yawe Nug keeke heum amu antteg! Ao, ag dona, wan imuppan wan anen anen ⌊appan danab ah ag ban haknu oolag mauhak daatteb ele amu,⌋ Nug attemnab he nauhppig amu antteg!