Sam 57:2 - Nobonob Baibel

² Da Kayak Attannab Laa Oh Eɗattak, da Nug unuqidttem. Ao, Kayak, Nug da aɗi hekkulnu maittak awa he, da hettem ele amu, da nuhignu unuqidttem.

Sam 57:2 Referans Kwoze

Sam 138:8

Yawe, Nug keeke oh dahilppanu hekkunu nai ana qakkom amu, Nug anamib hekku doottem. ⌊O Yawe,⌋ nahip oo mauhaknab kobol am hanhan daatte. Ao, na uɗat oh dahilnu hee betteb ele amu, na heppe, gogppa tekkunu ool daatte.

Pilipai 1:6

da imu am genabib genab doottem. Kayak Nug ahilagppa uɗat enanag digmeum amu, Nug uɗat amu tuɗitta heeb ukkeb ukkeb, Kristus Jesusnu deɗppa gog tekku.

Aisaia 26:12

Ig aɗi uɗat ena hemut ele amu, na ihinig uɗat amunu ulum mekkae, ena beum amunu, O Yawe, na heppe, nahip maɗoɗ ihinigppa ba daakku, ⌊da oolppa genab doottem⌋.

Pilipai 2:12

Aria gamalad, anukka da ag ele daamut, haen amuppa ag hanhan Kayak oɗe dim lamidttappig, amubia gemu da ag ele ii daattem, da laih daattem amu, gemu ele ag nai nuhig dim lamidkkulagnu huana dabmenana heig! Amu Kayak Nug ag eɗua diiom, ag amu gogppa tekkunu ag nuhignu ag ebehilag oh bodoetta le meeb, ag oolag ottaiebeb, ag Nug oɗe dim lamitteg!

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Sam 56:2

Dahil kekeɗ ag deɗ oh amun tuqan ele da banel uɗin daatteb. Ao, ag am kuɗum, amu ag da banel uɗiglagnu ii baɗatteb.

Sam 17:8

Na keeke laanu na oot huana hette ele dabmedattem, amubianab na kekeɗ, ag da taliliɗna iuglagnu hetteb amu, na ag amu ii hemananu na dabmeɗakkutnu unuqidttem. Yo, matuk anig nug nag haug waappa lokkumadtte bia, na nau hak danab ag da banel uɗin, heiɗppeg nauhkkulnu hetteb amu, na ag amu hemananu da atognoiɗkkutnu oɗ medattem.

Sam 41:5

Dahil kekeɗ ag dahilnu oo aeg bak doon, ag dahil mauhaknu tappaɗna atteb, “Nug ganeb mauhkku? Ao, Nug ganeb mauheb, laa oh ag nug wanppa dayom am daulag atikku?” aon atteb.

Sam 143:9

O Yawe, na da dahil kekeɗ dilagppan ehaniɗppe, qagaiettak amuppa daapanu oɗ medattem. Na da lokkumiɗkkutnu da oole, nagattoppa uɗittem.

Aisaia 26:20

O danab ah dahilad, ag laulag ooppa nona, od maneg! Ag lokkumna haen nakokib oppoɗi bak haen imu iitta mekkunu ameg meig!