Sam 55:1 - Nobonob Baibel

¹ O Kayak, na dahil unuqittak dookkutnu oɗ medattem! Ao, da ehaniɗkkutnu oninppa ettem haenppa amu, na daut ii itumnanu unuqidttem.

Sam 55:1 Referans Kwoze

1 Pita 3:12

Aɗinu? Naɗi Nug laa ag kobol genab tutukku hetteb ele, Nug ag dabmatta atognoadtte. Ao, Nug ahilag unuqittak doya, ag ehanadtte. Amge laa ag kobol eheɗ hetteb ele, Nug ahilag hak amunu eheɗ doyaya oo ii madatte.”

Sam 86:6

O Yawe, na dahil unuqittak dookkutnu unuqidttem. Ao, da na dahilnu oot gai-iitta doon oot meɗan ehaniɗkkutnu unuqidttem amu, na amu dookkutnu daut humakkutnu oɗ medattem.

Sam 61:1

O Kayak, na dahil ewak dookkutnu oɗ medattem! Ge, na dahil unuqittak dookkutnu unuqidttem!

Sam 27:9

O Yawe, na nakka na lokkumidmananu unuqidttem. Ao, na da, nahip maɗi nid, na dahilnu oot nauheb, di-ii-meɗamnanu oɗ medattem. Na am dahil ehanittak daattem. O Yawe, na da di-ii-meɗan, da ii uuiɗmananu na oɗ medattem. Na amu dahil Kayak, na aakkuib da padal mepanu ehanittak daattem.

Sam 80:1

O na ig Israel, na ihinig gumitta danab, na sipsip gumitta danab nug sipsip ameg laa diia, laih gotteb bia na ig Israel anuqna gonana omaigttem amu, na ihinig unuqittak imu dookkutnu oɗ medattem. Na sia king nahip-ppa engel okkai-kerubim aɗit dottolah gamalahppa daattem amu, na heppe,

Sam 64:1

O Kayak, uug da toniɗom daatte amunu, na dahil unuqittak dookkutnu oɗ medattem. Kekeɗ dahil ag da iuglagnu atteb. Na ag amu hemananu ahilag ib oo nekkutnu unuqidttem.

Sam 84:8

O Yawe Kayak Nakka Ɠagattag Oh Ele, na dahil unuqittak dookkutnu oɗ medattem. Ao, O Jakopnu Kayak, na da dooiɗkkutnu unuqidttem. Sila.

Sam 80:4

O Yawe Kayak Nakka Ɠagattag Oh Ele, na nahipad danab ah dilag unuqittaknu oo nauhak doottem; amu haen gane laa ele ukkeb, oo nauhak amu iitta mekku?

Sam 5:1

O Yawe, na da unuqidttem imu dookkutnu oɗ medattem. Na dahil dabmak unuqag daatteb imunu dabmekkutnu unuqidttem.

Gayak Nai 3:8

Da ehaniɗkkunu unuqitten, oɗ medattem; amge Nug dahil unuqittak dookkunu uutte.

Sam 143:7

Yawe, da ool gai-iitta ma auta awa dayeye daattem, na oot meɗan, pahanab gumiɗna uɗin, unuqittak dahil nob ena mekkutnu oɗ medattem. Na oot da meɗan, da dimeɗamnanu unuqidttem. Na dimeɗappe amu, da mauhkkul.

Sam 28:1

O Yawe, na am kekeɗ niɗamnanu ehanittak dahil daattem. Na da ehaniɗkkutnu oɗ medattem. Na da ii ehaniɗkkut dayeb, da geha laa mauhppig, da amubia daakkul. Anam amu, da anam daapanu na dahil unuqittak dookkutnu oɗ medattem.

Sam 17:1

O Yawe, da keeke laanu oɗmak hettem imu amu, oɗmak amuam genab tutukku elenu, amu na doon ehaniɗkkutnu unuqidttem. Ao, na da ehaniɗkkutnu gaattem imu dookkutnu oɗ medattem. Da hambubuitten, na ii unuqidttem amunu, na dahil unuqittak imu daut human dookkutnu oɗ medattem.

Sam 6:1

O Yawe, na oot nauhebeb, daul ii batamnanu unuqidttem. Ao, na oppoɗin beeb, na toliɗna, bu ii meɗamnanu oɗ medattem.

Gayak Nai 3:56

Da na oninppa einne, da ami. “Na daut ii ituna, na dahil ewak dookkutnu oɗ medattem”; da anam unuqitti, na nai dahil amu doome.