Sam 51:3 - Nobonob Baibel

³ Aɗinu? Da hipunin hemi amu, da doottem. Yo, da hipunin hemi amu, da amu daul atikkunu elele iitta.

Sam 51:3 Referans Kwoze

Aisaia 59:12

Aɗinu ig amu ii anidttem. Ig hipunin kuɗumnab hetat oitut, na, Yawe, na hipunin amu oh anadttem. Ao, danab hettoɗiakppa layag eheɗ heumnu atte amu, ihinig hipunin ag ihinignu na amenppa anam bia hetteb. Eheɗ hak ihinig am laa nug he ii iitta meppig; amu ihinigppa ina daatteb. Ao, ig hipunin digdig hemut amu, ig amu aakku doottem.

Prowerb 28:13

Aun nug hipunin nuhig tonatte, nug ena ii daama; amge aun nug hipunin nuhig miagib mattia dimadatte amu, Kayak Nug danab amunu oo gai-iitta doyaya, oo metta, ehanidtte.

Sam 38:18

Amu da eheɗ hak dahil miagib madittem. Da ool unuqagnab ele da hipunin heminu, da, “Gadonnab,” awe attem.

Sam 32:5

Da anam hei ukke, deɗ laa da hipunin dahil mehuqe, amenppa oh miag ami. Da kobol nau dahil ii lokkummi. Da oh miagib mattien, na Yawe, na amenppa ai, na hipunin dahil uhuqna meɗae, da oolppa aab dayom am iitta meum. Sila.

Jeremaia 3:25

Ig Yawe, ihinig Kayak, ig nuhigppa hipunin hemut; ig am ig mamenkad ele. Anukkanab ig mamenkad aɗi ag amu digmeeg, uɗie uɗie, gemu ig ele ig oh Yawe, ihinig Kayak, ig Nug oɗe ii dim lamidmut. Anam amunu, ig uɗa nak nau doottem. Ao, uɗa nak nau guittak ele ig tonikkom daatte,” aon atteb.

Sam 40:12

Aɗinu? Uug kuɗum, ebqaknu iitta, da taliliɗtteb. Hipunin da hemi am toniɗkkulagnu heegeg, da ib ena laa antte gokkulnu ii anidttem. Uug amu, dahil hipunin ele am da ikkil uɗugnu ebqak am eɗittak. Dabmak dahil am ɠagattag daakkunu elele iitta.

Job 33:27

Danab Kayak bu amu mettom ele amu, nug eɗua, ena daya, nug laikkud amelagppa atte. ‘Da hipunin hemi. Da aɗi kobol am tutukku doomi, amge da uuen, eheɗ hein, da nob nau awen mauhkkulnu daami, amge Kayak ehaniɗe, da ii mauhmi.

Nehemaia 9:2

Israel buɗub qagmeppig ele ag, ag wan laihnu danab dilagnu, ag akka ag awaidna daappig. Ag amu hena, ag qagmena, hippaidna daanna, hipunin ag heppig, ag mamelkad aɗi nau aɗi heppig, amu ele ag Kayak amegppa miagib madippig.

Sam 41:5

Dahil kekeɗ ag dahilnu oo aeg bak doon, ag dahil mauhaknu tappaɗna atteb, “Nug ganeb mauhkku? Ao, Nug ganeb mauheb, laa oh ag nug wanppa dayom am daulag atikku?” aon atteb.

Aisaia 43:25

⌊Ag hipunin henana, padal mekkulagnu elele,⌋ amge da, da Yawe, da diilnu dabmak anuqak awewe, da ahilag hipunin uhuqen madattem. Da ahilag hipunin uhuqen matten, da daul atie, baula dab-ii-mettem.