Sam 50:3 - Nobonob Baibel

³ Ihinig Kayak Nug uɗitte. Nug ii toettama; oɗe ii qamutma. Nug uɗieye, aab ewak naɗinab Nug noobppa dayeye, ulah naɗi Nug talilitta daatte.

Sam 50:3 Referans Kwoze

Daniel 7:10

Le noa gotte, amubia Nug dayomppa aab aɗu le bia, noa ukkom. Engel tausen gane ag Nug ehanidna daaegeg, milion gane ag Nug noobppa daappig. Nug he, laa ag hettoɗiakppa epeɗiak danab daaglagnu daappig ele, ag heɗep nena daaegeg, ⌊ag epeɗiak uɗat hekkulagnu⌋ laa buk kolattom. ⌊Buk amuppa danab ah ag attem attem wanppa daanna heppignu nai am daatte.⌋

Namba 16:35

Amu ag wan ooppa noeg, Yawe Nug he, danab 250 ag kalu danab ile muttuɗig enanag bette ele maippig, ag aab ewatte mauhppig.

Lewitikas 10:2

Aa anam hepiɗ amunu, aab aɗu Yawe toppan na, aa ewate, aa Yawe noobppa mauhpiɗ.

Matyu 3:12

Nug ee aeg mumuɗaknu abenppa ulah ee aeg dappunkkeg iwale ukkaknu uɗat hekkunu daatte. Nug uɗat amu ha, elelenab mewowa, Nug wit meu oh ee aeg mumuɗaknu abenppanu awa ukka, ee maknu lakka mekku. Mewowa, Nug ee aeg dappunkkeg aab aɗu ii qauhtte eleppa maneb eweb, ee aeg mumuɗaknu aben amuam keeke iitta, oppiaawak daakku,” awa aum.

Revelesen 22:20

Laa Nug nai imu oh aum amu Nug atte. “Yo, da paha eɗuen uɗikkul,” awa atte! Genab, Naɗi Jesus, na uɗie!

Hibru 12:29

Aɗinu? Ihinig Kayak Nug am aab dittiak naɗi, keeke oh ewatte iitta metteb, Nug amubia daatte.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Habakuk 3:5

Oɗe nau danab kuɗum aqe mauhtteb ele ⌊danab nau hetteb ele aqaknu⌋ Nug noobppa ukke; oɗe digdig Nug dim lamidna uɗippig.

Sam 96:13

Ao, ag Yawe noobppa daanna, ahi ettaglag. Aɗinu? Nug wan imuppa uɗitte. Ao, Nug wan imu epeɗikkunu uɗitte. Nug genab tutukku hak kobol dim lamittatta, Nug danab ah epeɗiadkku. Ao, Nug doyak diig genabib dim lamittatta, danab ah oh epeɗiadkku.

Sam 83:1

O Kayak, na hamu daamnanu oɗ medattem. Na, O Kayak, na toettan daanna, ii ehanigkkutnu hemananu unuqidttem!

Sam 68:20

Kayak ihinig, Nug am Kayak, ig padal makppanu eɗua awigtte ele! Ao, Naɗi Yawe Nug ig ehanikke, ig ii mauhttem.

Sam 50:21

Na amu oh heehe, da Kayak, da na bu ii mettami. Ao, da na bu ii nittami amunu, dahil hak amuppanu na da eletai kobol nau amubia hettem dabmeme. Amge da anam ii hettem. Da na daut baten, hettoɗiakppa meidkkul.

Sam 48:14

Aɗinu? Kayak Nug ⌊he, keeke amu anam⌋ aakku daatte amunu, ag buɗulkad amelagppa appeg dooglagnu, ag anam antteg! Kayak, Nug am ihinig Kayak hanhannu daatte. Nug omaikkebeb ukkeb, ihinig mauhak batakku.

Duteronomi 9:3

Amge ag imu tutukku doyeg! Yawe, ahilag Kayak, Nugib geha ag noolag awa, Jodan le mataɗa ukka, aab aɗu gakkaɗak naunab keeke he nauhtte, amubia Nug heeb, danab amu ag padal mekkulag. Nug geha heeb, danab amu ag, ag Israel noolagppa ahilag ɠagattag bodoetteb daaglag. Amunu Yawe Nug hekkununab nai anan qakkom bia, Nug heeb, ag Israel ag wana laippun kekeɗ lamadppeg, ag padal mekkulag.

Eksodas 19:18

Amu Yawe Nug aab ewak ooppa na, Sinai qaukoppa dayom amunu, aab kahug naɗi qauko amu oh tonom. Aab kahug attan teum, amuam aab okkainab ewa kahug tette, amubia teum. Kahug anam teete, qauko nug eheɗ hahaɗeɗe,

Hibru 2:3

Aria gemu amu Kayak Nug ig eɗua awigkkunu ib babaittom, uɗat naɗi nuhig aakku daatte amunu, ig Kayaknu uɗat amu dimettagnig dayeb, ig eheɗ hak ihinignu nob naunu dekkaɗta oolta gokkunignu elelete? Iitta! Ig elele iittanab. Naɗi Jesus Nug nukka, eɗua awikkak amunu amu Nug tatam a, danab ag Nug oɗeppa aawo dooppig ele ag ig amenigppa nai amunu am genabnab ippunigppig.

Aisaia 35:4

ag danab ah ag baɗan oitteb ele amelagppa inam appeg doyeg! “Ag ɠagattag dayeg! Ag aib baɗappig! Ahilag Kayak Nug ag ehanadkkunu uɗia, kekeɗ ahilkad amu, Nug ag eheɗ heppignu nob tutukku madakku. Nug uɗia, ahilkad kekeɗ nob madatta, bu nau madakku. Nug ag ehanatteb, padal ii memananu uɗikku.” Ag anam aon aig!

Esekiel 1:4

Amu tulegleg digmak amu, da neekki ukke, da yawalti uɗitteppanu uug megakkun ulah naɗi uɗieye anidmi. Ulah amu he, lombig naɗi okkai ele, lombig amu uɗieye, lombig amuppa amemɗi awewe, lombig amu talilittak amahlak naɗi okkai ele dayom. Amu lombig gamagppa aab ewak laa dayom. Aab gamagppanu neekkak am aen eheɗ gakkaɗak, le ma, amahaltte bia dayom.