Sam 50:16 - Nobonob Baibel

¹⁶ Amge Kayak Nug nau hak danab dilag atte. “Ag dahil ɗo oɗelagppa maditteb, amge aɗinu? Ao, ag nug tituana nai qakkak ig hemut ele amu oɗelagppa maditteb amge aɗinu?

Sam 50:16 Referans Kwoze

Aisaia 29:13

Am Naɗi Nug atte. “Danab ah imu ag oɗelagppan nai mattiakppa da gumiɗna uɗitteb. Ao, ag nai mattiak ahilagppa da binal meɗatteb, amge ag oolag da ii meɗatteb. Ag dup nona binal metteb, amge ag danab dilag dabmakppaib, amu ag danab dilag ɗoppaib amu hetteb.

Sam 25:14

Laa ag Yawenu ebehilag oh bodoetta le mette amu, Yawe Nug ag ele layam batatte. Nug ag ehanatte, ag nuhignu nug tituana nai qakkak nainu meu dootteb.

2 Pita 2:15

Hambuppuak ippunittak danab amu, ag ib tutukku ettan, ib eheɗppa gotteb. Ag Beor bekka Balam, nug ib dim lamittom ele dim lamidtteb. Balam nug men doɗonu oo mauhe, kobol nau haaha, men doɗo aokkunu dabmeum.

Hibru 8:9

Nug tituana nai qakkak bau amu, da tatam ag mamelkad aɗi anukka haen da eppelag aɗen omalatti, Isip wan uun, ahan goppig ele, haen amuppa da ag ele nug tituanta nai qakkamut, am amubia iitta. Haen amuppa amu, ag nug tituana nai qakkak nai dahil ii dim lamidppig amunu, da dimattami.’ Naɗi anam awa atte.”

Jon 4:24

Kayak Nug am Ouɗi amunu, danab ag Nug noobppa dup nona binag elele mekkulagnu amu, ag Kayak Ouɗi ehanittakppa, amu doyak diig genabib eleppa Nug noobppa dup nona binag mekkulagoitte,” awa aum.

Prowerb 26:7

Danab nug Kayak dab-ii-maama ii dim lamidtte ele nug danab dilag oiyak ehanittaknu nai tutu maditte dayeb; nai amuam, danab baekuɗ laplap oh mauhak daaeheh, tappa oikkunu ii ehanidttep, amubia nai amu laa ii ehanidtte.

1 Korint 9:27

Genab, da Nai Ena danab laaib dooglagnu mehuqen, dimppa da hipunin hein nein qepanu, da dakka da beɗul qei ne, dabmak da ool unuqagppa daatte aakkuib da beɗul dim lamidtte.

Esekiel 18:27

Amge danab laa nug oo eɗueb, nug nau hak tuɗitta hekkunu uua, nug eɗua nai doya mala hettoɗia epeɗia elele mettak kobol, kobol genab tutukku ele haaha oikku amu, nug ii mauhma, nug bau daakku.

Aisaia 48:22

Israel dilagppa anam daakku, amge Yawe inam ele atte. ‘Laa ag nau hak danab ah daatteb ele, ahilagnu maɗoɗ nakok laa iinab daama,’ ” awa atte.