Sam 50:1 - Nobonob Baibel

¹ Laa Ɠagattag Okkai Ele, Nug Kayak, Nug Kayak Yawe, Nug danab ah oh, ag laih aam bedeppanu ukkak laih aam nodeppanu danab ah aabaab ohppanu ag uɗina, Nug gukkuidna uɗiglagnu atte.

Sam 50:1 Referans Kwoze

Sam 113:3

Ag danab ah aam bedeppanu ukka, aam nodeppa ⌊amuam danab ah oh⌋ amu, ag Yawe binag meig!

Matyu 25:32

Da anam daappi, danab ah oh da noolppa qagmekkulag. Qagmeppeg, da epeɗatten, ameg aɗit mekkul; sipsip gumak danab nug sipsip otia, ameg piɗe maama, amu meeme otia, ameg piɗe mette amubia.

Josua 22:22

“Yawe Nug nukka aakkuib am Kayak! Yawe Nug nukka aakkuib am Kayak! Ig Yawe waappa daagnignu uut, nuhig nai tabapput nekkunu qaɗab imu ii hemut. Ag ig genab Yawe waappa daat, nuhig nai tabapput nekkunu hemut anigtteb dayeb amu, ag gemu ig iqappeg mauhtu! Amge anam iitta. Yawe Nug ig Nug dimettata, kayak laa dim lamidkkunignu ikka ihinignu qaɗab imu ii hemut dootte. Nug dootte amu, ig ag Israel laa oh ele amu dooglagnu oonig daatte. Ig qaɗab amu hemut, amge ig manaknu ofa, o ee aegnu ofa, o laippu dayaknu ofa amuppa ii hemata. Yawe Nug neekka, ig kobol laa amu hekkunignu hemut anigkku dayeb amu, Nug ig bu megakkunu oonig daatte, amge anam iitta.

Amos 3:8

Laion laa nug gaya malom, danab laa nug iite baɗakku? Ao, amubia Naɗi Yawe Nug nai mattia malom, propet laa nug nai amu doyom ele, nug nuhig nai amu iite tuɗitta mehuqa, laa amelagppa madikku?

Aisaia 1:2

Hab daup ag nai doyeg! Wan danab, ag daulag human doyeg! Aɗinu? Yawe Nug inam atte. “⌊Juda danab ah ag⌋ am nid naunau dahilad. Da ag atognoatten bekkadmi, amge ag da waalppa daaglagnu uun, dahil nai tappaeg ne oitteb.

Nehemaia 9:6

Ag nai amu ana malaeg, ⌊Esra aha, inam Yawe unuqittom.⌋ “Na nakka am Yawe. Na hab, hab waappa, hab attan ukke ukke, adekku batatte ele, na amu oh hattame. Na habppan hoɗopai oh, wan, wanppa aɗi aɗi keeke daatte, yu, yuppan keeke oh ele hattame. Na keeke oh bau daatteb ele bau madattem. Hab aabppan daup, ag kuɗumnab ele, ag oh na noomppa dup nona binan metteb.

Malakai 1:11

Aɗinu? ⌊Da ahilag mana mettak ii aopanu uug laa ii doottem.⌋ Aam bedeppan ukka aam nodeppa da onil am binag ele daakku. Da onil am binag ele daakku amunu, danab ah ag kalu danab ile muttuɗig enanag bette, amu doɗ tutukku ele manan, da meɗaglag,” Yawe Nukka Ɠagattag Oh Ele Nug anam atte.

Jeremaia 10:6

O Yawe, laa nug na bia laa iitta. Na onin ɠagattag ele daattem. Na ebehinnab ele daattem.

Aisaia 54:5

Aɗinu ag amu hekkulagnu elele daaglag? Laa Nug ag hattom ele, Nug ag gamulag daatte. Nug onig am Yawe Nukka Ɠagattag Oh Ele. Ao, aɗinu ag amu hekkulagnu elele daaglag? Am, Israel dilag Kayak Oppiaawak Ele, Nug ag Juda, ag laa eppelagppa dayaknu qagaiettakppanu eɗua uhuqak ha madatte. Nug wan oh dilag Kayak daatte.

Aisaia 37:20

Ag kayak hambuppuak amu dilagnu anam heppig amunu, O Yawe, ihinig Kayak, na wan atu ohppan danab ah ag na, O Yawe, na nakka, na Kayak daattem dooglagnu, na ig Asiria dilag king eppegppanu awigppe, ig ena daagnignu od medattem.” Hesekaia nug anam unuqittom.

Aisaia 9:6

Aɗinu? Ihinigppa ah laa nid danab menukku. Ge, nid amu Yawe Nug ihinignu meeb uɗikku. Nug ihinig king daakku. Nug onig anaknu laala inam: Ulum Ena Mettaknu Danab Enanagnab, Kayak Nukka Ɠagattag Ele, Mamenig Hanhannu, King Maɗoɗ Ele.

Sam 83:1

O Kayak, na hamu daamnanu oɗ medattem. Na, O Kayak, na toettan daanna, ii ehanigkkutnu hemananu unuqidttem!

Sam 73:1

Amu genabnab, Kayak Nug am Israel danab ah dilagnu ena hadatte. Ao, Nug am laa ag oolag unuqagppa oppiak ele daatteb dilagnu ena hadatte.

Nehemaia 9:32

O Kayak, na ihinig Kayak, na ɠagattag okkai ele, danab na anitta, nug ebehi oh bodoetta le mette elenu Kayak, na danab ah aun aɗi ele, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem. Na anam henan daattem amunu, O Kayak, uug digdig ig gemu daattem, ihinigppa beppig amu, ig na uug amunu, ‘Am keeke hamu, keeke okkai iitta,’ ii doomnanu oɗ medattem. Uug amuam, ig, ihinkad king, ihinkad ikki danab, ihinkad mana mettak danab, ihinkad propet danab, ig mamenkad aɗi, ig laa oh ele, ig oh ihinigppa beppig. Asiria dilag king ag digmena, uug amu ig mekkaeg uɗie uɗie, gemu ele ig uug amu anidttem.

2 Stori 29:30

King Hesekaia, nuhikkud ehanittak anuqak danab ele, ag Lewi buɗub ag ahi laala, Dawit, propet danab Asap ele yaapiɗ amu, ag ahi amu ettanna, Yawe binag mekkulagnu appig amunu, Lewi buɗub amu ag ahi amu oo gamag ahak ele ettanna, ag Yawe noobppa dup nona Nug binag meppig.

1 Stori 25:6

Danab amu oh ag mamelkad waalagppa daan, Yawenu mettid lagppa musik amu heppig. Ag simbal, laia, amu harp ele Kayak laugppa, nuhig ɗo maɗoɗnu uɗat hekkulagnu henana, musik amu heppig. Nid danab amu ag mamelkad waalagppa daappig, amge Asap, Jedutun, Heman ele ag king waappa daappig.

1 Stori 25:2

Asap bekkod oolagppanu am Sakur, Josep, Netania, Asarela ele. Asap bekkod ag nug waappa daaegeg, Asap nug Dawit waappa dayaya, Kayak nai mehuqom.

1 Stori 16:37

Amu Dawit nug he, Asap nug laikkud ele ag deɗ ohppa Yawenu Tituanak Nainu Kunup kontrak inak ele, amu daatteppa, Kayaknu ɗo maɗoɗnu uɗat hekkulagnu appa daappig. Yawe Nug ag aɗi aɗi deɗ anen anenppa hekkulagnu aum amu, ag amu hekkulagnu daappig.

1 Stori 15:17

Nug anam aum amunu, ag Joel bekka Heman, nug ele tiig laippu laa, Berekia bekka Asap, amu aa lailti oolagppanu, Merari buɗubppanu, am Kusaia bekka Etan ele tituanadna,

1 King 18:21

Am Elaiya nug aha, Israel danab ah gumatta wana, nug amelagppa aum. “Ag danab ah, ag ahilag dabmak am ib piɗe piɗenu. Ag ib aɗitnu dabmak ele. Haen gane laa ele ukkeb, ag geha ahilag dabmak ib laippu ele daaglag? Amu Yawe, Nug Kayak genab daatte dayeb amu, ag nugib dim lamidkkulag. Amu Bal nug Kayak genab daatte dayeb amu, ag Bal nugib dim lamidkkulag,” awa aum. Amge danab ah ag nai amu nob laa ii meppig. Iitta.

Genesis 17:1

Aria dimppa, Abram nug maɗ 99 dayeye, Yawe Nug gumitta na, nug amegppa aum. “Da am Kayak Dakka Ɠagattag Oh Ele. Na dahil neekkakppa danab ooppa kaliak laa iitta ele oiye!

1 Stori 6:24

Asir bekka am Tahat. Tahat bekka am Uriel. Uriel bekka am Usia. Usia bekka am Saul.

Sam 74:1

O Kayak, na ig haen elabnab iikku ii ehanigme. Na ig ii ehanigmenu appe doognignu oɗ medattem. Ao, na ihinignu oot nauhtte diignu appe doognignu unuqidttem.

Sam 75:1

O Kayak, na ig gukkuigna daattem amunu, ig nahipnu, “Ena heme,” aot attem! Ao ig, “Ena heme,” anak na medattem. Danab ah ag na kobol danab haknu elele iitta kuɗum hettem amu, ag amunu laa amelagppa maditteb.

Sam 76:1

Juda danab ah ag Kayak dootteb. Yo, Nug onig am Israel ippa okkai daatte.

Sam 77:1

Da Kayak ehaniɗkkunu gaattem. Ao, da Kayak Nug dahil unuqittak dookkunu oɗ medattem.

Sam 78:1

O dahilad danab, ag dahil ippunittak imunu dabmetteg! Ao, ag da aɗi nai attem amu dooglagnu ag daulag humeg!

Sam 79:1

O Kayak, iitta aɗi danab ag nahip wan aoppig daatteb. Wan amuam nahip, am na aut daatte. Ao, ag nahip mettid lag nahipnu tituanak daatte, ag lag amu heeg, nahip neekkakppa dubuttid tak ele daatte. Ge, ag heeg, Jerusalem am kinipan ameg okkai hume tak, anamib daatte.

Sam 80:1

O na ig Israel, na ihinig gumitta danab, na sipsip gumitta danab nug sipsip ameg laa diia, laih gotteb bia na ig Israel anuqna gonana omaigttem amu, na ihinig unuqittak imu dookkutnu oɗ medattem. Na sia king nahip-ppa engel okkai-kerubim aɗit dottolah gamalahppa daattem amu, na heppe,

Sam 81:1

Ig gamag ahak naɗi doota, ahi ettatta, Kayak binag metu! Nug am ihinig ɠagattag. Ao, ag Jakop buɗub dilag Kayak binag mekkulagnu baalag okkaippa eig!

Sam 82:1

Kayak Nug Israel dilag tamaniakppa dayaya, Nug qagmeppig ele dilag okkai daatte. Ao, Nug epeɗiak danab dilagnu nai doya mala hettoɗia epeɗia elele mettak kobol dim lamitta, Nug ag daulag batata, ag amelagppa inam atte.