Sam 5:7 - Nobonob Baibel

⁷ Na oo mauhaknab kobol dim lamidttem amunu, da na lautppa wakkulnu elele. Da nahipnu ebehil oh bodoetta le me doyen, nahip mettid lag nahipnu tituanak daatte ele, da amu neekkitten, da dup noin binan mekkul.

Sam 5:7 Referans Kwoze

Sam 138:2

Na hee, na onin, nahip nai ele anuqak daattep amunu, da ool ekuɗe, nahip mettid lag nahipnu tituanak daatte, da aben amu neegppi ukkeb gomelen, da na oo mauhaknab kobol, oo metta ii uuak kobol ele dim lamidttemnu dabmein, da na amenppa, “Ena heme,” akkul.

Sam 132:7

Anidta ig ikka ikka nug amegppa amut. “Ahappeg, ig Yawe daatte, ig aben amuppa gota daatu! Ao, ig Nug noobppa dup nota binag metata daatu!” aot amut.

Sam 69:13

Ag anam hetteb, amge O Yawe, da na unuqidttem. Na ii helom bia me, na ehaniɗkkut haenppa, na da keeke meɗakutnu unuqidmi ele, na haen amuppanab ehaniɗna meɗakkutnu ool daatte. O Kayak, na oo mauhaknab kobol dim lamidttem amunu, da na dahilnu oo metta ii uuak kobol dim lamidnana ehaniɗppe da padal ii mepanu oɗ medattem.

Hibru 4:16

Amunu uug haenppa Kayak Nug ihinignu oo gai-iitta doya oo mekka ehanikkunu, Nug ig ehanittak okkai hamu megakkunu amu, ig ii baɗatta, Kayak gumitta gotu!

Aisaia 55:7

Nau hak danab nug hak nau nuhig uuaɗ! Ao, eheɗ hak danab nug dabmak dubuttid ele nuhig uuaɗ! Nug eɗua, Kayak waappa daakkunu anam hekku amu, Yawe Nug nuhignu oo gai-iitta doya oo metta ehanidkku. Ao, danab anam hekku, ihinig Kayak Nug nuhig hipunin genab uhuqa medakku amunu, nau hak danab nug eɗua, Kayak waappa daakkunu anam haɗ!

Daniel 6:10

Danab okkai amu ag anam heeg, king nug ɗo amu he ye, onig me, haen Daniel nug ɗo amunu doya amu, nug aha, lakka ukka, nug oo attan laa gililppa ulah ibuppa, danab nug appa dayaya, neekkeb laih Jerusalem daatteppa gokkunu elele, nug gililppa ulah ippu amuppa gateg qaun o, nug Kayak amegppa, “Ena hen mekkame,” anana, Kayak unuqittom. Nug deɗ ohppa haen ewam Kayak anam unuqittom. Nug kingnu ɗo nai amu ii babaittom haenppa heum bia tuɗitta heum.

Josua 24:15

Anam, amge ag Yawe waappa daan, Nug oɗe dim lamidkkulagnu oolag ii daatte dayeb, ag gemu aun dim lamidkkulagnu amu dabmak aweg! Ag mamelkad aɗi Mesopatemia daanna, kayak laala waalagpa daan, oɗe dim lamidppig, amute, o iitta, Amo danab, wan ag amuppa gemu daatteb ele, ahilag kayak waalagppa daan binalag mekkulagtai. Ag amu hekkulagtai, amge da, da baeladppa ele amu, ig Yawe waappa daatta, Nug oɗe dim lamidkkunig,” awa aum.

Aposel 9:31

Aria, amu dimppa amu, laih Juda appa, Galili appa amu Samaria ele, aben amu ohppa haen amuppa Kristen tamaniakppa maɗoɗ dayom. Kayak Ouɗi danab ah amu ehanatta ag oolag ɠagattag qe, ag Naɗinu ebehilag oh bodoetta le meeme, danab ah kuɗum ag Kristen tamaniak ooppa noppig.

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

1 King 8:38

ig Israel, ig nahipad danab ah, ig anen anen uug ig oonigppa doot, ig oonigppanu aun nug eppeg bahia, mettid lag imu epponana, na unuqidkku dayeb,

Aisaia 64:11

Nahip mettid lag nahipnu tituanak dayom, am binag amahlak oppiaawak ele, lag am ig oonigppa, ihinig dayom, ig mamenkad aɗi aguppa na binan meppig ele, amu kekeɗ ag lag amu manaeg, ewa malom. Keeke laa oh ig amunu, “Keeke enanag,” doomut amu, keeke amu oh am nauhakib daatte.

Sam 69:16

O Yawe, na oo mauhaknab kobol nahip dim lamidttem amunu, na kobol ena nahip amu dabmenan, dahil unuqittak dookkutnu oɗ medattem. Ao, na ig danab ah, na ihinignu na oot huana gai-iitta dayeye, oot mekkan ehanigttem amunu, na eɗun, da ehaniɗkkutnu unuqidttem.

Sam 55:16

Dahilnu amu, da Kayak unuqidppi, Yawe Nug da ehaniɗeb, padal ii mepa.

Sam 52:8

Amge da amu, da olip ad laa, Kayaknu mettid lag, amuppa enanag bette, da amubia daattem. Ao, da Kayaknu oo mauhaknab kobol daatte amu, da amunu oolppa hanhan genab doottem.

Sam 51:1

O Kayak, na ig danab ah, na ihinignu oo mauhaknab doottem amunu, na dahilnu oot gai-iitta doon oot meɗan ehaniɗkkutnu oɗ medattem. Yo, na ig danab ah, na ihinignu na oot bodoetta, le ma auta autanab aotte amunu, na dahil hipunin uhuqna meɗakkutnu unuqidttem.

Sam 28:2

Da na dahilnu oot gai-iitta doon oot meɗan ehaniɗkkutnu unuqidttem imu amu, na dahil unuqittak imu dookkutnu oɗ medattem. Yo, da eppel bahien, nahip lag nahipnu tituanaknab daatte, da eppel amuppa ukke, na unuqidttem imu amu, na unuqittak dahil imu dookkutnu unuqidttem.

1 King 8:35

Amu ig Israel, ig nahipad danab ah, ig nahip-ppa hipunin hekkunig dayeb, diig amunu na heppe, ihinigppa gu ii nekku dayeb, na uug amu ihinig hipuninnu nob daakkunu megappe, diig amunu dimppa ig oonig eɗueb, na onin am Yawe tutukku dabmetata, hipunin dimettata, ig amenigppa lag imuppa neegpput uɗieb, na unuqidkkunig dayeb amu,

Sam 130:4

Amge na am hipunin uhuqa mekkaknu diig daattem amunu, ig danab, ig nahipnu ig ebehinig oh bodoetta le mette.

Sam 34:17

Yawe Nug genab tutukku hak danab ah, Nug ag ehanadkkunu unuqidtteb amu, Nug ahilag unuqittak dootte. Ge, Nug ag ehanatte, qagaiettakppa ii daatteb.

Sam 101:7

Da laa ag nai hambuppuak maditteb ele, da heppi, ag da laulppa ii daamna. Ao, da heppi, laa nug nai hambubutte ele, nug da ulum nai ii meɗama.

Prowerb 6:16

Am keeke eblaih laippu ele, Yawe Nug amunu nau ninig ele dootte. Ge, Yawe Nug keeke eblaih aɗit elenu ooppa uuaknab dootte.

Prowerb 6:17

Keeke eblaih aɗit ele amuam inam: dada ha laa eɗittaknu dabmak awak kobol, nai hambuppuak mattiak kobol, danab ah eheɗ laa ii heeg, laa hamu aqe mauhak kobol,