Sam 5:3 - Nobonob Baibel

³ O Yawe, da buttua unuqitti, na doottem. Ao, da buttua anen anen da oolppa aɗi keekenu na oɗ medakkulnu dabmettem ele amu, da na unuqidttem. Ge, da unuqittette, na da ehaniɗkkutnu ool maɗoɗ ele amen mein daattem.

Sam 5:3 Referans Kwoze

Sam 119:147

Da aam ii beebe, tatam da ahen ehaniɗkkutnu unuqidttem. Na da ehaniɗkkutnu ame amunu, da amu bekkunu dabmak aɗe oittem.

Sam 88:13

Amge, ⌊da ina bau daattem amunu,⌋ O Yawe, da nahipnu unuqidttem. Deɗ anen anenppa, buttua da nahipnu unuqidttem.

Mak 1:35

Aria, wagɗe buttuanab Jesus Nug lakkanu aha, aab uua, aben danab haen oh ii daattebppa ukka, unuqittatta dayom.

Sam 130:6

Danab nug tuqan aabnu aɗ attan aɗi uɗitte anittak danab daatte, nug wakkaɗeb anidkkunu oo huan daatte, amubia da Naɗi ehaniɗkkunu ool huan daatte. Yo, da ool amunu huan daatte.

Sam 55:17

Buttua, amun, tuqan ele da unuqittak baal okkaippa uug nau toniɗom imunu hebippi, Yawe Nug da baal dookku.

Aisaia 26:9

Tuqanppa, dabmak dahil oh nahip-ppa dayeye, da na ele daagnihnu ool huan daatte? Wagɗeb buttua amu, da ouɗil na ele oh daagnihnu oo huana hette. Aɗinu? Haen na nai doya mala hettoɗia epeɗia elele mettak kobol dim lamidna, wan danab ah oh toliadna gumadttem amu, haen amuppa wanppan danab ah ag genab tutukku hak kobolnu dabmak aotteb.

Sam 69:16

O Yawe, na oo mauhaknab kobol nahip dim lamidttem amunu, na kobol ena nahip amu dabmenan, dahil unuqittak dookkutnu oɗ medattem. Ao, na ig danab ah, na ihinignu na oot huana gai-iitta dayeye, oot mekkan ehanigttem amunu, na eɗun, da ehaniɗkkutnu unuqidttem.

Sam 22:2

O dahil Kayak, deɗ oh amunppa da nahipnu ettem, amge na oɗelppa ii aottem. Yo, tuqan oh da unuqidttem, amge da oo mak laa ii anidttem.

Job 34:28

Danab okkai amu ag daɗek danab ah dilag eheɗ hatteg, daɗek amu ag Kayak ehanadkkunu gaappig. Ag gaaegeg, Nug ahilag unuqittak doyom.

Sam 44:5

Na nahip ɠagattagppa ehanikke, ig ihinkad kekeɗ eɗadttem. Ib laappa anam ii hettem. Ao, na ig ehanigttem, diig amunu ig ihinkad kekeɗ eɗadttem.

Sam 74:12

Na, O Kayak, na anukkanabnu uɗie uɗie, gemu ele ihinig king daattem. Na am wanppan danab ah dilag Padal ii maknu ehanittak daattem.

Sam 84:4

Laa ag na lautppa daan, ag hanhan ahi ettanna, na binan metteb ele amu, ag itittak ena aoppig daatteb. Sila.

Sam 130:2

O Naɗi, na da baal dookkutnu oɗ medattem. Ao, da na dahilnu na oot gai-iitta doon oot meɗan ehaniɗkkutnu unuqidppippi, na unuqittak dahil dookkutnu unuqidttem.

Sam 145:1

O Yawe, na am dahil Kayak, na king. Da geha na binan okkai, attannab humakkul. Yo, da geha hanhan na onin attan humakkul.

Gayak Nai 3:56

Da na oninppa einne, da ami. “Na daut ii ituna, na dahil ewak dookkutnu oɗ medattem”; da anam unuqitti, na nai dahil amu doome.