Sam 49:5 - Nobonob Baibel

⁵ Uug laa bette haenppa amu, da baɗakkulnu diig laa ii daatte. Ao, kekeɗ ag taliliɗna daatteb haenppa amu, da baɗakkulnu diig laa ii daatte.

Sam 49:5 Referans Kwoze

Aposel 27:24

nug aum. ‘Pol na aib baɗame! Na am gona, Sisarnu hettoɗiakppa nug noobppa hippaidkkut. Am doye! Danab oh na ele uubppa daatteb amu, Kayak Nug unuqittak nahip doyom amunu, geha ag ele ii mauhmana,’ awa aum. Nug anam awa, da amelppa aum

Pilipai 1:28

Amu Kayak Nug ag Kristusnu oolagppa genab dooglagnu ehah mattom, amge Nug ag Kristusnu oolagppa genab dooglagnu ehah amu aakkuib ii mattom. Iitta. Ag Nug onignu uug maoglagnu ele ehah mattom amunu, kekeɗ ahilkad dilagnu aib baɗappig. Ag ii baɗaglag amu, amuppa kekeɗ ahilag ag geha padal mekkulagnu doonna, Kayak Nug nukka ag Pilipai daatteb, Nug geha ag eɗua diiadkku ele dooglag.

Epesus 5:16

Ag amu dabmenana, gemu am haen nau amunu, ag uɗat ena hekkulagnu laa dayeb anidna, ag aib uuppig. Ag haen aguppanab heig!

Amos 5:13

Ag amu heegeg, haen nau aakku daatte amunu, haen imu biappa laa ag eheɗ bemanu dabmak awa dabmak amu dim lamittak danab, ag oɗelag qamutna daatteb.

Hosea 7:2

Anam, amge Israel danab ah ag da neekkatte dayeye, ahilag eheɗ haknu oh dabmein daattem amu, ag amu ii dootteb. Ag haen oh hipunin heegeg tonadtteb; haen oh hipunin amu da noolppa dayeye, da anadttem.

Prowerb 24:10

Uug bette haenppa, na uug amu eɗidkkutnu tuɗidna ii hettem dayeb amu; nahip ɠagattag am okkai iitta laa ippunadtte.

Prowerb 5:22

Nau hak danabnu amu, nuhig eheɗ hak am pelem laa doɗ awom bia nug awom daatte. Ao, nuhig hipunin am danab muɗippa hippalak daatte, amubia nug hippalitte daatte.

Sam 38:4

Aɗinu? Da beɗulppa aab okkainab, da eɗilak daatte, amu aab amuam keeke uug nau ele, mawaknu elele iitta, amubia daatte.

Sam 23:4

Amu, O Yawe, da aben laa, appa gatatu nau ele daatte amu, da appa oikkul dayeb, na appa ele da ele daagnih amunu, da ii baɗapa. Nahip sipsip gumattaknu dudqak hokkat, nahip doɗ nau lamittaknu bu ele da oo maɗoɗ meɗattep.

Sam 22:16

Kekeɗ dahil ag qai ameg laa bia, ag da taliliɗppig daatteb. Yo, nau hak danab ameg laa, ag da taliliɗna daatteb. Laion danab beɗu emale nauhtte, amubia ag da eppel, bael ele heeg nauhppig.

1 Samuel 26:20

Amu da wan laappa mauhe, Yawenu wanppa ii mauhkkul dayeb amu, amuam nau, ena iitta amunu, na heppe, da mauhpanu oɗ medattem. Aɗinu? Na am Israel dilag king, da am danab hamu. Na da iuppe mauhkkul, amuam da am mi laa danab aoɗom bia; o danab laa qaukoppa mala qe mauhom bia,” awa aum.

Genesis 49:17

Mat nau ib giginppa daatte amu, na amubia daakkut. Ao, na makkai ib daugppa daatte bia daakkut. Mat anam daatte amu, nug hos baeg emale, hos he, danab gomeppanu na qette amu, Dan na amubia hekkut.

Namba 23:7

Balam eɗua uɗia, Balak hibaitta dayeye antta, nug digma, Yawe aɗi nai amegppa aum amu, nug nai meunab ele amu mattiom. Nug aum. “Balak nug da appal Aramnu ahe, ippa uɗikkulnu aum. Yo, Moap dilag king nug he, da qauko, kaɗag uɗitteppanu daatteb, da appanu ippa uɗimi. ‘Na uɗin, dahilnu Jakop buɗub ag eheɗ laa awaknu anak waappa daaglagnu a!’ awa aum. ‘Ao, na uɗin, Israel ag nauhkkulagnu a!’ awa aum.

Sam 78:2

Da keeke danab ag dootteb ii dootteb ele ouaqaten ippuanatten, nai madikkul. Ao, keeke tatam tatam beppig, lokkumak daatteb amu, da am mehuqe appi dooglag.