Sam 49:4 - Nobonob Baibel

⁴ Da daul humen, oiyak ehanittaknu nai tutu laa doyen appi dooglag. Ao, da harp qeinne, nai amu mehuqppi dooglag.

Sam 49:4 Referans Kwoze

Sam 78:2

Da keeke danab ag dootteb ii dootteb ele ouaqaten ippuanatten, nai madikkul. Ao, keeke tatam tatam beppig, lokkumak daatteb amu, da am mehuqe appi dooglag.

Matyu 13:35

Nuhig hak amuppa amu, propet laa nai mattiom, nai amu elele mettom. Propet nug inam aum. “Da oɗel oppaten, keeke danab ag dootteb ii dootteb ele ouaqaten ippuanatten, nai madikkul. Da keeke digmak haenppanu lokkumak daye uɗie gemu batak amunu akkul,” awa aum.

Namba 23:7

Balam eɗua uɗia, Balak hibaitta dayeye antta, nug digma, Yawe aɗi nai amegppa aum amu, nug nai meunab ele amu mattiom. Nug aum. “Balak nug da appal Aramnu ahe, ippa uɗikkulnu aum. Yo, Moap dilag king nug he, da qauko, kaɗag uɗitteppanu daatteb, da appanu ippa uɗimi. ‘Na uɗin, dahilnu Jakop buɗub ag eheɗ laa awaknu anak waappa daaglagnu a!’ awa aum. ‘Ao, na uɗin, Israel ag nauhkkulagnu a!’ awa aum.

Namba 12:8

Iitta. Haen da nug ele nai madittep amu, ii nug anidɗaɗa nai madittep. Da nai miagib madittem, nai tonak ii madittem. Nug da, da Yawe, nug da attemun amu aniɗtte. Anam aakku daatte amunu, aɗinu aa dahil maɗi nid Moses, aa nuhignu nai eheɗ akkulahnu ii baɗaya, nai eheɗ nuhignu apiɗ,” awa aum.

2 Korint 3:12

Ig tituanak bauppa ehanittak aognignu dabmak aɗat oittem amunu, ig ii baɗat, nai miagib madittem.

Luk 12:3

Amunu nai oh ag gatatuppa madippig am geha aam neeb, danab ah dooglag. Amu nai oh ag lag ooppa otiptip-ppa madippig amu, geha lag koɗokko uɗem ukkakppa hippaidna daanna mehuqppeg gokku,” awa aum.

Daniel 8:23

Amu ɗo maɗoɗ waɗele amu ag anam daappeg ukkeb, haen danab ag tappe nak naunab nau henan oippeg, haen amuppa king laa nug ahakku. Nug danab nau, neekkak nuhig am ɠagattag. Nug nukka ena, okkai daakkunu hambuppuak kobol digdig hak danab.

Esekiel 20:49

Yawe Nug anam a amu, da ami. “O Naɗi Yawe, gadon, na nai amubia laala ele meɗae, da mattimi, amge Israel danab ah ag tuɗidna, dahilnu, ‘Nug keeke danab ag dootteb ii dootteb ele ouaqata ippunittak nai aakkuib iite maditte,’ atteb amunu, da attem hein, nai amubia baula appi dooglag,” awe ami.