Sam 49:16 - Nobonob Baibel

¹⁶ Danab laa ag enulag ele aon daappeg amu, na diig amunu aib dabmak huana aome. Ao, ag lag okkai okkai enanagnab hattana daappeg amu, na diig amunu aib dabmak huana aome.

Sam 49:16 Referans Kwoze

Sam 37:7

Na Yawe noobppa dagom daappe, Nug nuhig uɗat hekkunu na oot bodoettak ele Nug ameg mee! ⌊Hipunin⌋ danab ag enulag ele daaglagtai, amge na amunu, “Attemnab anam daatte,” na dabmak amu tuqa ii awak aib aɗan oime. ⌊Hipunin⌋ danab ag eheɗ hekkulagnu lokkumakppa doonna, maittak eheɗ aon, ag anam hekkulagtai, amge na amunu ele, na, “Attemnab anam daatte,” na dabmak amu tuqa ii awak aib aɗan oime.

Revelesen 21:26

Wanppan wan oh danab ah ag ahilag binag amahlak oppiaawak ele, amu ag binalkad ele aon, aab amuppa uɗin mekkulag.

Revelesen 21:24

Wanppan wan ohppan danab ah ag aab okkai amunu amahlakppa oiglag; amu wanppanu king ag ahilag binag amahalak oppiaawak ele aon nuhigppa uɗiglag.

Sam 37:1

Nau hak danab ag ena daaglagtai, amge na amunu, “Attemnab anam daatte,” na dabmak amunu tuqa ii awak aib aome. Ao, laa ag eheɗ hetteb ele, na amu dilagnu aib amen qeeb oot elele ii dayom.

Sam 49:5

Uug laa bette haenppa amu, da baɗakkulnu diig laa ii daatte. Ao, kekeɗ ag taliliɗna daatteb haenppa amu, da baɗakkulnu diig laa ii daatte.

Esta 5:11

amu Haman nug keeke kuɗum nuhignu, amu nuhig nid naunau kuɗum ele amunu amelagppa mattiaya, nugakka binag meum. Nug king nug, nug binag okkai metta, nug gumak uɗat aben attan, anuqak danab, kingnu ehanittak anuqak danab laa oh eɗattak nug mettomnu mattiom.

Genesis 31:1

Laban bekkod ag anam anidna amu, ag akka akka Jakopnu inam appig. “Jakop nug ig mamenignu keeke oh awom amunu, nug gemu enub kuɗum ele daatte,” aon appig. Ag anam aegeg, Jakop nug doyom.

Prowerb 28:12

Haen genab tutukku hak danab ag okkai danab betteb amu, danab ah oh ag gamag ahak aotteb; amge haen nau hak danab ag gumak aben aotteb amu, danab ah ag wana lokkumtteb.

Hosea 13:14

Da geha ehanittak okkaippa ag moɗnu qagaiettakppanu uhuqadkkul. Ao, da mauhaknu qagaiettakppanu eɗua uhuqak hein madakkul. Da anam heppi, danab ah ag akkulag. ‘O Mauhak, na attem heppe, danab ah ag oɗe nau danab kuɗum aqe mauhtteb ele digdig amu aon mauhkkulag? O Boumak Aben, na attem heppe, danab ah ag nauhkkulag?’ aon akkulag. Haen amuppa da ag ehanadkkulnu dabmettem amu, dabmak amuam iinab baolima.