Sam 48:14 - Nobonob Baibel

¹⁴ Aɗinu? Kayak Nug ⌊he, keeke amu anam⌋ aakku daatte amunu, ag buɗulkad amelagppa appeg dooglagnu, ag anam antteg! Kayak, Nug am ihinig Kayak hanhannu daatte. Nug omaikkebeb ukkeb, ihinig mauhak batakku.

Sam 48:14 Referans Kwoze

Aisaia 58:11

Ag amu hekkulagnu dayeb amu, Yawe Nug ulum matta, atu taɗak gakkaɗak nau eleppa Nug le, ee keeke, ag bau daaglagnu laa ele madakku. Nug ag beɗulag ele ɠagattag madakku. Nug amu heeb, ag dad le elelenab aotte bia daaglag. Ag le qeppuɗia bette, deɗ laa ii qaɗaiedatte amu, ag le amubia daaglag.

Sam 73:24

Na nahip ulum nai, da ib ippuniɗkkunu meɗattem, amu dimppa na omaiɗna gona, aben binag amahlak oppiaawak eleppa meiɗppe daakkul.

Jon 16:13

Amge Kayak Ouɗi, doyak diig genabib diig, haen Nug na, Nug keeke oh doyak diig genabibppanu ippunadkku. Nug nukka nuhig dabmakppa ii mattima. Iitta. Nug aɗi doyom aakkuib madikku. Aɗi aɗi dimppa bekku, amu ele ippunadkku.

Sam 25:9

Nug danab ag akka ag onilag qeeg ne oitteb ele, am ib tutukku ippunadtte. Ao, Nug danab ah amu, nuhig kobol ena tutukkunab ele ippunadtte.

Sam 73:26

Da beɗul iitta mekku, dabmak dahil ele am iitta mekku, amge na, Kayak, na am dahil ɠagattag. Keeke ena oh da eppelppa daakkunu elele amu, na nakka keeke amu oh abenlag aon dayeye, da ena, elele daattem. Hanhan anamib daakkut.

Sam 31:14

Amge O Yawe, da nahipnu oolppa genab doottem. Ge, da attem. “Na am dahil Kayak.”

Sam 16:2

Da Yawe amegppa inam ami. “Na aakkuib, na dahil Naɗi daattem. Keeke ena oh da eppelppa daatteb amu, na eppenppanu uɗiom.” Da anam amegppa ami.

Prowerb 8:20

Da, Doyak Dabmak Ena Ele, da hanhan genab tutukku hak kobol aakkuib hettem; da hanhan nai doya mala hettoɗia epeɗia elele mettak kobol hettem.

Gayak Nai 3:21

Dahilnu anam daatte, amge da keeke laa dabmein; da keeke ena bekkunu dabmak aɗa oiyaknu doottem.

Namba 9:22

Haen lombig nug mettid haknu peh lag igippa deɗ aɗit, o iitta kalam laippu, o iitta maɗ laippu keeke daattom amu, Israel ag haen tutu dayaknu aab kalappig, ag aguppaib daadppig, ag ahan laih laa ii godappig. Amge haen lombig nug aha ukkom amu, ag ahan godappig.

2 Samuel 7:24

Na Israel danab ah tituanatte, ag nahipadnab danab ah aakku daatteb; hanhan anam daaglag. Na, O Yawe, na ahilag Kayak bena daattem.

Sam 71:18

O Kayak, gemu da kaino mei umimil beum; na da paɗailmananu unuqidttem. Na heppe, da menuak laippu da dimulppa doppig imu amelagppa nahip ɠagattagnu appi dooglagnu oɗ medattem. Yo, na heppe, da laa oh ag anilkad butti aɗi menuadkkulag ele amu, da ag amelagppa nahip ɠagattagnu appi dooglagnu unuqidttem.