Sam 48:10 - Nobonob Baibel

¹⁰ O Kayak, na am binan okkai ele amunu, danab ah wan atu ohppan ag na binan metteb. Nahip hak am genab, tutukku aakkuib.

Sam 48:10 Referans Kwoze

Malakai 1:11

Aɗinu? ⌊Da ahilag mana mettak ii aopanu uug laa ii doottem.⌋ Aam bedeppan ukka aam nodeppa da onil am binag ele daakku. Da onil am binag ele daakku amunu, danab ah ag kalu danab ile muttuɗig enanag bette, amu doɗ tutukku ele manan, da meɗaglag,” Yawe Nukka Ɠagattag Oh Ele Nug anam atte.

Sam 113:3

Ag danab ah aam bedeppanu ukka, aam nodeppa ⌊amuam danab ah oh⌋ amu, ag Yawe binag meig!

Duteronomi 28:58

Yawe, ahilag Kayak, Nug binag amahlak oppiaawak ele, danab ag nuhignu dabmenana, ag ebehilag oh bodoetta le mette ele amu, ag nuhignu anam ii dooglag dayeb, ag nuhig ɗo nai buk imuppa yaak daatteb, ag amu tutukku ii dim lamidkkulag dayeb amu,

Josua 7:9

Kanan danab, amu danab laala wan imuppa daatteb ele amu, ag imu beum doon, ag oo mekkan, ig iqappeg mauhkkunig. Ag amu hekkulag, amge O Yawe, amu anam beeb amu, na onin okkai, amuppa am attem bekku?” awa unuqittom.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Revelesen 19:11

Nug anam a amu, hab obate, da hos hakkab laa dayeye anidmi. Laa Nug hos amu attan dayom amu, Nug onig am, Oo Metta ii Uua, Genab Hak. Laa amu Nug nai doya mala hettoɗia epeɗia elele mettak kobol dim lamittatta, nug epeɗiak uɗat, ban hak ele hette.

Revelesen 19:2

Aɗinu? Nug nuhig epeɗia nob mattak am genab, tutukku ele. Kayak Nug ib baag ah onig, ɠagattag ele nug nuhig ewau pakkua gappai hak kobolppa he, wanppan danab ah ag oolkadppa dubuttid ele daappig amu, Kayak Nug eheɗ hak nuhig amunu nob nau mettom. Nug Kayaknu maɗi nid ele aqe mauhppig amunu, Kayak nuhig eheɗ amunu nob nau eɗua mettom,” aon appig.

Malakai 1:14

Aun laa nug sipsip dawai enanag mana meɗakkunu nai anan qakkom dayebeb, nug nau laa awa, mana meɗakku am enate? Iitta! nug eheɗ laa awaknu anak waappa daakku! Aɗinu? Da am king okkai; wanppan wan ohnu danab ah ag dahilnu ebehilag oh bodoetta le mekkunu daatteb!” Yawe Nukka Ɠagattag Oh Ele Nug anam atte.

Sam 145:17

Yawe Nug keeke oh hette amu, Nug genab tutukkuib hette. Ao, Nug aɗi keeke hette ele amu, Nug oo bodoette enanag maɗoɗ ele kobolppa hette.

Sam 99:4

O Yawe, na am king naɗinab. Na nai doya mala hettoɗia epeɗia elele mettak kobolnu oot mauhtte. Na epeɗia elele hak kobol Israel wanppa ɠagattag daakkunu qappame. Na Israel dilagppa, na nai doya mala hettoɗia epeɗia elele mettak kobol dim lamidnana, na genab tutukku hak kobol ele dim lamidme, na gemu ele dim lamidttem.

Sam 45:7

Na genab tutukku hak kobolnu oot mauhtte, kobol naunu amu, na nau ninig ele doottem.” Anam amunu, ⌊O king,⌋ Kayak, Nug am nahip Kayak, Nug goɗen gokkaɗakppa tituanitta, maɗoɗppan gamag ahak okkainab, king laa oh eɗattak, na mettom.

Sam 11:7

Aɗinu? Yawe Nug genab tutukku hak kobolib hette. Ao, Nug genab tutukku hak kobolnu oo mauhtte. Ge, aun aɗi ag kobol tutukku hetteb, ag geha Nug iɗu anidkkulag.

1 Stori 16:14

Nug am Yawe, ihinig Kayak; nuhig nai doya mala hettoɗia epeɗia elele mettak kobol am wan oh tualom daatte.