Sam 46:9 - Nobonob Baibel

⁹ Nug anam heehe, danab ah ag nug qak hekkulagnu elele iitta daatteb amunu, wanppa ban ii daatte. Nug ahilag lat tanig, ban ele qiialatta, guppiɗ ele aab aɗuppa manatte eotteb.

Sam 46:9 Referans Kwoze

Aisaia 2:4

Am Yawe Nug geha wanppan wan ohnu danab ah dilag nai doya mala, hettoɗia, epeɗia, elele medakku. Ao, Nug geha wanppan wan anen anen oh dilag nai bappaidkku. Nug anam hekku, amu danab ah buɗub ohnu ag ahilkad qep elab aon heppeg, wan buuaknu aen laa daaglag. Ao, ag ahilkad ban lat heppeg, eɗun ad eppeg babaittaknu aen daaglag. Wan laappan danab ag ahappeg, wan laappan danab ele baula ban ii hemana. Ag ban hak sul ele baula ii hemana.

Maika 5:10

⌊Israel ag oɗo yaak danab ah daatteb amu, ag anam hekkulag, amge tatam ahilagnu⌋ amu, Yawe Nug atte. “Deɗ amuppa amu, da ahilkad hos banppanu amu, da heppi mauhkkulag, Ao, da bannu karis ele heppi nauhna autna aoglag.

Aisaia 60:18

Da amu heppi, ag wanelagppa laa nug layag eheɗ ii hetama. Ao, laa nug ag oolagppa danab, o keeke laa heeb ii nauhma. Amu ii daama, kobol enaib daakku. Ag aab okkainu aɗ onig, ‘Yawe Nug ehanikke, ig padal ii memut,’ ataɗkkulag. Amu ag aɗnu od onig, ‘Ig Yawe binag metu!’ ataɗkkulag.” Yawe Nug anam atte.

Aisaia 11:9

Le yuppa ambeum, amubia danab ah huu ohnu, wan ohppa ag Yawenu dabmak amu aoppeg, ahilagppa ambekku. Anam daakku amunu, Yawenu qauko, qauko amuam Yawenu tituanak daatte, ⌊am qauko Sion aakku⌋ qauko amuppa ⌊wan ohppa ele⌋ laippu laa nug laa heeb ii nauhma; o keeke laa heeb ii nauhma, iitta!

1 Samuel 2:4

Yawe he, ban danab ɠagattag ag gai-iitta, lat qiiom bia daatteb. Nug he, danab nena qeppig ele, ag eɗun ɠagattag daatteb.

Josua 11:9

Ag oh aqan malona amu, Josua nug hos, ⌊ag baula banppa oiyaknu elele iitta daaglagnu,⌋ nug ag baelkad bittub diɗilkad otaɗatta, nug kekeɗ dilag bannu karis oh manatte ewadppig. Yawe Nug anam aakku hekkunu a amu, nug anam aakku heum.

Esekiel 39:3

Amu na uɗin, ban heppe, da heppi, lat tanig na eppen nanehppanu na qeeb, lat doɗo na eppen naɗiap-ppa ii daamna.

Josua 11:6

Ag anam heeg, aakku Yawe Nug Josua amegppa aum. “Na aib ahilagnu baɗame. Aɗinu? Butti, haen inamppa, ag ohnab mauhak daaglag. Ge, da heppi, ag Israel ag ag oh aqadkkulag. Na nug qak amu eɗittona amu, na ahilkad hos ⌊ag banppa baula oiyak elele iitta daaglagnu,⌋ na ag baelkad bittub diɗilkad otaɗadna, kekeɗ dilag bannu karis oh manadppe eweg!” awa aum.

Sam 66:5

Kayak Nug keeke digdig danab ehanadkkunu heum amu, ag dona antteg! Kayak uɗat heum imu danab ag anadna, ag ebehilag oh bodoetta le mette.

Aisaia 10:23

Ag Israel danab ah, Naɗi, Nug Yawe Nukka Ɠagattag Oh Ele, Nug ag bu eheɗ aon nauhkkulagnu aum amu, Nug geha uug naɗinab amu anamib heeb bekku.