Sam 46:8 - Nobonob Baibel

⁸ Ag dona, Yawe Nug keeke heum amu antteg! Ao, ag dona, wan imuppan wan anen anen ⌊appan danab ah ag ban haknu oolag mauhak daatteb ele amu,⌋ Nug attemnab he nauhppig amu antteg!

Sam 46:8 Referans Kwoze

Sam 66:5

Kayak Nug keeke digdig danab ehanadkkunu heum amu, ag dona antteg! Kayak uɗat heum imu danab ag anadna, ag ebehilag oh bodoetta le mette.

Aisaia 24:1

Yawe Nug genab geha wan atu oh heeb nauhakib daakku. Nug geha wan tappa oɗoɗa, eɗua eɗua ma heeb, wan am geha eɗua, iɗu laanab daakku. Nug geha heeb, danab ah ag oolna, matatun gokkulag.

Aisaia 61:4

Danab ah amu ag geha eɗun lag keeke anukka heeg nauhadppig buualadkkulag. Yo, ag geha eɗun, lag, amu keeke laa ele, laa ag anukkanab loppaɗatteg nauhppig ele amu, ag heppeg, ena daaglag. Ag geha eɗun, aab okkai anukka laa ag heeg nauhom amu heppeg, ena daaglag. Yo, ag geha eɗun, aab okkai anukka laa ag loppaɗatteg nauhadppig ele, ag amu heppeg, ena daaglag.

Eksodas 12:30

Aria, tuqan amuppaib Paro, nuhikkud ehanittak anuqak danab, amu Isip laa oh ele ag tuqan ahan, ag ahilkad nid ⌊danab⌋ tatamnu mauhatteg anadna, laih Isip ohppa amu, danab ah ag qanak huanak naɗi heppig. Aɗinu? Lag anen anen ohnu nid ⌊danab⌋ tatamnu mauhadppig.

Josua 11:20

⌊Ag oh am kayak hambuppuak uuattaknu uuppig⌋ amunu, Yawe Nug he, Amo aɗi danab amu, ag ahilag dabmak aakku ɠagattag eppe, ag Yawenu nai tappaeg ne, Israel ele ban heppig. Ag anam heppig amunu, Yawe Nug Israel ehanatte, ag hattaeg, ag oh Yawenuib nuhig pelemppa daappig. Israel dilag ban daup ag oo gai-iitta doya oo metta ehanittak laa ii epponadppig, oh aqaeg mauhppig. Yawe Nug anam aakku Moses amegppa hakknunab aum amunu, nug aum bia, hak amu aakku beum.

Namba 23:23

Emaɗ hak laa Jakop buɗub qeeb nekkunu elele iitta. Ao, eman laa Israel danab ah aqakkunu elele iitta. Danab ah laa ag Yawe Nug Jakop buɗub, am Israel danab ah ele amu, Nug amu dilagppa hette anidna, ag akkulag. ‘Kayak heum umu antteg!’ aon akkulag.

Eksodas 10:7

Ukke amu, Paronu ehanittak anuqak danab ag Paro amegppa inam appig. “Danab imu nug nuhig uhui me, ig amuppa nota daattem; amu haen gane laa ele ukkeb, ig amubia ii daamta. Na danab imu paɗadppe gona, Yawe, ahilag Kayak, ag Nug noobppa dup nona binag meig! Na Isip nauhom daatte, na gemu ele amu iite anidttem?” aon appig.

Namba 14:9

Keeke laippu am okkainab daatte. Amuam, ag Yawe dimettan, nuhig nai aib tabappeg noum. Laa amu, ig geha danab ah wan amuppanu eɗadta autta aognig amunu, ag aib ahilagnu baɗappig. Ag am ehanittak laa iitta, amge Yawe Nug ig ele daattem. Ag ahilagnu aib baɗappig,” aoya apiɗ.

Duteronomi 20:1

Haen ag ahilkad kekeɗ banelag gona, kekeɗ ag hos, bannu karis ele anadnana, ag ban danab, ahilag ebqak am ag eɗattak ele anadnana, ag aib baɗappig. Aɗinu? Yawe, ahilag Kayak, Nug ag Isipnu diia uɗiom ele, Nug ag ele daaglag!

Sam 59:10

Kayak dahil Nug dahilnu oo mauhaknab dootte amunu, Nug uɗia da ehaniɗkku. Nug da ehaniɗa heeb, da kekeɗ dahil oh eɗadkkul.

Sam 146:5

Amu danab aun nug Jakopnu Kayak eppegppanu ehanittak aotte amu, nug itittak ena awom daatte. Ao, aun nug Yawe, nuhig Kayak, nug Nug eppegppanu ehanittak awa, gogppa tekkunu ameg mette ele amu, nug itittak ena awom daatte!

Aisaia 7:14

Na atnu oɗmak hekkutnu uume amunu, Naɗi Nug nukka geha at laa na ippunidkku. At amuam inam. Ah makkun laa nug oo ele daya, geha nug nid danab menua, nid onig Imanuel ataɗkku.