Sam 46:7 - Nobonob Baibel

⁷ Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 46:7 Referans Kwoze

Sam 9:9

Danab ag laa waalkadppa eheɗ daatteb ele amu, Yawe Nug ahilag padal mak eɗitteb ena dayaknu ehanittak, ag nuhigppa daaglagnu daatte. Ao, Nug am uug doyak haenppa ahilag ban haknu aben ɠagattag bia daatte.

2 Stori 13:12

Kayak Nug ig ele daattem. Nug ihinig okkai daatte. Nuhig mana mettak danab ag ig ban hekkunignu trampet iwalppeg, ig amuppa ban haknu ewak doot, ban hekkunig. O Israel dilag daup, ag Yawe, Nug ag mamelkad aɗi dilag Kayak, ag Nug ele aib ban heppig. Aɗinu? Ag amu hekkulag dayeb amu, ag Nug ii eɗidmana,” awa aum.

Namba 14:9

Keeke laippu am okkainab daatte. Amuam, ag Yawe dimettan, nuhig nai aib tabappeg noum. Laa amu, ig geha danab ah wan amuppanu eɗadta autta aognig amunu, ag aib ahilagnu baɗappig. Ag am ehanittak laa iitta, amge Yawe Nug ig ele daattem. Ag ahilagnu aib baɗappig,” aoya apiɗ.

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

2 Timoti 4:22

Naɗi Nug, amu nuhig ehanittak okkai hamu mettak ele nahip-ppa dayeɗ!

Sam 46:11

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 2:1

Aɗinu wanppan wan anen anennu danab ah ag dabmak eheɗ aon ahatteb? Ao, aɗinu wanppan huu ag maittak meu ena ii oma ele dim lamidna, ahilag haen aakku kakidtteb?