Sam 46:5 - Nobonob Baibel

⁵ Kayak Nug aab okkai amuppa daatte amunu, aɗitai laa uɗalkkunu ii daatte. Ao, Kayak Nug danab ah appa daatteb ehanatteb, ag padal mak ii anidmana. Tuqan uug bekkutai, amge buttua, wakkaɗebeb, Nug ag ehanadkku.

Sam 46:5 Referans Kwoze

Sekaraia 2:5

Amu Yawe Nug atte. Aab laa aɗ iitta, amge aab ewak hanhan aab amu talilitta ewawa dayaya, aab amunu aɗ daatte, amubia da dakka, da Jerusalemnu aɗ daakkul amunu, diig amunu laa ag aab amuppa, aab amunu aɗ dimittim daaglag ele ag enaib, maɗoɗ ele, qagaiettak iitta ele daaglag. Amu da, da aab amunu binag amahlak oppiaawak ele daakkul, awa atte.” Engel laa nug engel laa amegppa nid amu amegppa anam akkunu aum.

Joel 2:27

Amu beeb, ag Israel, ag da ag oolagppa daattem doon, da am Yawe, da ahilag Kayak daattem doon, amu kayak laa ii daatte, ag amu dooglag. Amu danab ah dahilad ag, ag baula uɗa nak ii doomna.” Yawe Nug anam atte.

Sepanaia 3:15

Aɗinu ag Israel danab ah ag amu hekkulag? Yawe Nug ag bu aoglagnu nai daatte am heeb, bu awak amu am iitta meeb, ag baula ii aomna. Nug ahilkad kekeɗ lamadkku. Yawe, Nug am Israel dilag king daatte, Nug Israel danab oolagppa daakku amunu, ag Israel, ag baula uug naunab laa ahilagppa tekkunu ii baɗamna; iitta.

Esekiel 43:7

Nug aum. “Danab bekka, aben imuam dahil sia kingnu aben, da daakkulnu aben iikku. Aben imuppa da Israel oolagppa hanhan daakkul. Israel ag, ahilag king ele ag baula kayak hambuppuak noolagppa dup nona binalag ii memana; ag ele ahilag king dottog aon qappan, amuppa ag da onil oppiaawak ele heeg, danab ah laa dilag neekkakppa nau dayom amu, ag amu baula ii hemana.

Aisaia 12:6

O danab ah Sion daatteb, Israel dilag Kayak Oppiaawak Ele, Nug nuhig ɠagattag okkaippa ag ehanatta, atognoadtte amu, Nug ag oolagppa daatte amunu, ag baalag okkaippa enan, ag gamag ahakppa ele ahi etteg!

Sam 62:2

Nug aakkuib am kekeɗ niɗamanu ehanittak dahil daatte. Nug aakkuib da padal mepanu ehaniɗtte. Nug am aab aɗ ɠagattagnab ele dahil bia daatte. ⌊Da Nug ele daapuɗ amu,⌋ auntai laa nug da uɗaliɗkkunu elele iitta.

Sam 112:6

Aɗinu? Danab nug anam hette ele, nug keeke laa heeb, nug ii ottaia na qema. Ao, laa ag genab tutukku hak danab laa anam, ag nug hanhan dabmekkulag.

Matyu 18:20

Ao, danab aɗit, o ewam aakkuib ag da onilppa, aben adekkuppa qagmekkulag amu, da ele ag oolagppa daakkul,” awa aum.

Sekaraia 8:3

Amu Yawe Nug laa ele inam atte. “Da eɗuen, qauko Sion appa ukken, da Jerusalem daakkul. Da amu heppi, danab laa ag Jerusalemnu, aab okkai amu onig am Yawe Dim lamittaknu Oo Metta Ii Uuak Kobol, akkulag. Amu qauko Sionnu, qauko amuam Yawe Nukka Ɠagattag Oh Elenu amu, ag qauko amunu, qauko amu onig am, Qauko Kayaknu Tituanak Daatte, akkulag,” awa atte.

Esekiel 43:9

Anam, amge gemu Israel danab ah ag kayak hambuppuak noolagppa dup nona binalag mak uuna, ag ahilag king laala dottolkad ele binalag mekkulagnu uuppeg amu, da ag oolagppa hanhan daakkul.

Sam 62:6

Nug aakkuib am kekeɗ niɗamanu ehanittak dahil daatte. Nug aakkuib da padal mepanu ehaniɗtte. Nug am aab aɗ ɠagattagnab ele dahil bia daatte. ⌊Da Nug ele daapuɗ amu,⌋ auntai laa nug da uɗaliɗkkunu elele iitta.

Duteronomi 23:14

Haen tutu dayaknu aab kalak am Yawenu tituanak daakkuoitte. Amunu diig am, Yawe, ahilag Kayak, Nug haen tutu dayaknu aab kalakppa eɗua ona, eɗua doawa, atognoattatta, ahilkad kekeɗ ippulag oo nekkuoitte amunu, Nug keeke eheɗ antta, dimattamade, ag anam heig!

Sam 37:40

Yawe Nug genab tutukku hak danab dilag padal mak eɗitteb ena dayaknu ehanittak daatte; ag ena daaglagnu ag Nug gumidna uɗitteb amunu, Nug ag ehanatte, nau hak danab ag ii eɗadtteb. Ao, Nug ag atognoatte, ag hipunin danab eppelagppa ii daatteb.

Hosea 11:9

Da ahilagnu oo nauhak huanaknab doottem, amge oo nauhak amu da ag bu naunab madakkulnu ippuniɗtte, da bu anamnab ii madapa. Ge, da Israel eheɗ nau madappi, ag padal mena autnanab ii aomna; iitta. Aɗinu? Da danab iitta, da am Kayak. Ao, da am Kayak Oppiaawak Ele, da ag oolagppa daattem. Ge, da oppoɗi be ameg kokoɗ eppak ele ii uɗipa.

Sam 30:5

Aɗinu? Nuhig oo nauhak am haen tutuib daatte, amge ii helo bia me, ehanittak kobol nuhig, kobol amuam danab ah nuhikkud bau daatteb, am haen amu oh anamib daatte! Danab ah ag tueb meeb gaappeg ukkeb, wagkkaɗkkutai, amge buttua amu, Nug ag gamag ahak madakku.

Luk 18:8

Da ag amelagppa attem. Nug am paha ag ehanadkku. Amge Danab Bekkalag da, da eɗue uɗien, haen amuppa geha da wan danab ah ag ooppa genab doyak ele anadkkulte, o iittate?” awa aum.

Sam 143:8

Da nahipnu oolppa genab doottem amunu, na buttua oh nahip oo mauhaknab kobolnu dabmenana, ehaniɗkkutnu oɗ medattem. Da na unuqidttem amunu, na oot meɗan, nahip ib tutukku ippuniɗkkutnu unuqidttem.

Sam 125:1

Qauko Sion am uɗalnan loppaɗkkulagnu elele iitta, Qauko amuam hanhan daatte. Anamib, laa ag Yawenu oolagppa genab dootteb, ag anam aakku daatteb.

Sam 68:18

O Yawe Kayak na appa daakkutnu, na Sion qaukoppa teme. Na tenana, na ban danab eɗadna, aɗualadna diin gome ele amu, na ag noolag aon teme. Ao, na te, danab ah ag na keeke kuɗumnab nahip daakkunu hamu mettaeg, na aome, amge agib iitta. Laa ag nahip nai tappe nak heppig, ag ele keeke anam mettaeg, na aome.

Revelesen 2:1

Nug anam ana, Nug nai tuɗitta Jon amegppa aum. “Na nai da attem imu Epesus Kristen tamaniaknu ikki danab, nuhignu inam ye! Nai imu, laa Nug hoɗoppai eblaih aɗit ele eppeg naɗiap-ppa aɗalattatta, lam maknu balal eblaih aɗit ele oolagppa oitte amu, nuhigppanu uɗitte.

Eksodas 14:27

Yawe anam a, aria Moses nug eppeg huma, yu eppone, wagkkaɗeɗe, yu pana eɗua uɗia, dayom bia dayom. Isip ag anidna, oolna gokkulagnu ib madippig, amge ag elele iitta. Yawe Nug he, ag oh yuppa mauhadppig.

Eksodas 14:24

Ag anam ukkaegeg, Yawe Nug lombig teppu ele attan tak amuppa, aab ewak okkai attan tak eleppa dayeye, wakkaɗkkun miag dayeye, Nug neekke, Isip ban danab dilagppa no, Nug he, dabmak ahilag kabolie, ag eheɗnab baɗappig.

Esekiel 47:1

Aria, danab amu nug anam da amelppa ana, nug eɗua, da omaiɗa, Kayaknu mettid lag odppa ukke, da neekki, le laa Kayaknu mettid lag od ukku, laih kaɗag uɗitteppanu, amu waappanu noa ugekke anidmi. Amu le amu Kayaknu mettid lag, amuppanu aam bedeppa, appa ugakka, qaɗab laih yau uɗitteppanu qe-eɗitta, aam bedeppa, appa wana ukkom. Le amu Kayaknu mettid lag, amuppanu kaɗag uɗitteppanu, appa ukkomnu diig am, Kayaknu mettid lag noob am kaɗag uɗitteppanu daatte.