Sam 46:2 - Nobonob Baibel

² Kayak Nug am padal mak eɗitta ena dayaknu ehanittak ihinig daatte amunu, ig ii baɗamta. Iitta! Mimte neeb, qauko pana yuppa nokkutai, amge ig amunu ii baɗamta.

Sam 46:2 Referans Kwoze

Sam 23:4

Amu, O Yawe, da aben laa, appa gatatu nau ele daatte amu, da appa oikkul dayeb, na appa ele da ele daagnih amunu, da ii baɗapa. Nahip sipsip gumattaknu dudqak hokkat, nahip doɗ nau lamittaknu bu ele da oo maɗoɗ meɗattep.

Hibru 13:6

Diig amunu ig ⌊anen anen⌋ ig oonigppa baɗak iitta ele akkunig. “Naɗi Nug da ehaniɗtte amunu, da ii baɗapa. Ao, ⌊Naɗi Nug ag ii paɗatteb hekkulag dayeb amu⌋, danab ag dahilppa aɗi eheɗ laa hekkulagnu elele daaglag? Laa iitta.”

Sam 27:3

Ban hak danab laihnu ag da ele ban hekkunignu uɗin taliliɗkkulag dayeb amu, da ii baɗapa. Genab, dahil kekeɗ ag uɗin iuglagnu hekkulag dayeb amu, da Kayaknu oolppa genab doyeye, Nug ehaniɗkkunu oolppa genab dookkul.

Matyu 21:21

Ag anam aeg, Jesus Nug oɗelagppa awa aum. “Da genab ag amelagppa attem, ag oolagppa genab doonna, dabmak laippu ele daanna amu, ag ele da ad figppa hemi amu, ag amubia hekkulag. Am ag keeke amuib ii hemana. Iitta. Ag qauko imu amegppa, ‘Na ahan yuppa ukke!’ appeg amu, nug anam nokku.

Luk 21:33

Hab wan ele am iitta mekkulah, amge nai dahil am iitta iinab mema,” awa aum.

Sam 82:5

⌊Epeɗiak danab nau dilagnu amu, Kayak Nug atte⌋. “Ag am keeke laa iinab dootteb. Ag keeke laanu diignu doyak tutukku laa iitta. Ag eheɗ hetteb amunu, wanppan ɗo, wanppan uug mawaknu ukku ele ɠagattag dayaknu elele iitta, keeke oh uɗaltte.

Sam 18:7

Nug unuqittak dahil doya he, wan uɗalala, hahaɗom. Ao, Nug doya he, qauko ukkulkad uɗalom. Ge, wan, qauko ele aa anam hepiɗnu diig am, Kayak Nug ⌊laa ag da heiɗppeg nauhkkul anatta,⌋ Nug oo nauhom.

2 Samuel 22:3

Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten, ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daya, Nug dahil padal mak eɗitteb ena dayaknu ehanittak daatte. Nug Padal ii maknu ehanittak dahil daatte; Nug danab laa ag laa guittak nau mauhnoak mettaknu tiigppa daatte amu, nug danab amu eppelagppanu awiɗtte.

Sam 28:7

Yawe Nug am dahil ɠagattagnu diig daatte. Nug am dahil guppiɗ. Da nuhignu oolppa genab doyeye, Nug da ehaniɗe, da gamag ahak doyen, ahi edette, “Ena heme,” attem.

Sam 37:39

Yawe Nug genab tutukku hak danab ah padal memananu ehanadtte. Uug laa uɗitte am, Nug ban haknu aben ɠagattag ahilag bia daatte.

Sam 59:17

O Kayak, na amu aab aɗ ɠagattagnab dahil bia daattem. Na dahilnu oo mauhaknab doottem amunu, da na, na am dahil ɠagattag amu, da nahipnu humittak ahi edakkul.

Sam 62:8

O danab ah dahilad, Kayak Nug am padal mak eɗitteb ena dayaknu ehanittak ihinig daatte. Ag hanhan Kayaknu oolagppa genab doyeg! Ge, ag nug oolag unuqagppanu unuqitteg! Sila.

Sam 62:9

Danab onilag iitta, ag am keeke hamu, ulah bia daatteb. Danab ag onilag ele, ag am keeke ii daatte bia daatteb. Laa nug ag oh ag uulag anidkkunu skelppa maatta neekka, nug skelppa aɗitai keeke laa ii daatte anidkku.

Sam 91:2

Da Yawenu miag atiak inam iikku attem. Nug am padal mak eɗitteb ena dayaknu ehanittak dahil daatte. Nug am aab aɗ ɠagattagnab dahil bia ele daatte. Nug am dahil Kayak. Da nuhignu oolppa genab doottem.

Sam 142:6

Da ool gai-iitta ma auta awa dayeye, nahip ehanittak aokkulnunab daattem amunu, na dahil unuqittak dookkutnu oɗ medattem. Ao, kekeɗ dahilad ag dahil ɠagattag eɗidppig amunu, na ehaniɗppe, ag da heiɗppeg ii nauhpanu na unuqidttem.

Jeremaia 14:8

O Yawe, naib ig Israel ehanigkkutnu elele. Uug nau haenppa naib na ihinig Padal ii maknu ehanittak daattem. Anam amunu, na aab diig danab iitta bia daattemnu, o na danab laih gokkunu oiyaya, tuqan laippu ɗo danab wan laappa dayaya, buttua aha gotte, na amubia daattemnu,

Nahum 1:7

Yawe Nug am ena. Ao, Nug uug nau bak haenppa Nug nuhikkud danab ah dilag padal mak eɗitteb ena dayaknu ehanittak daatte. Ge, uug bak haenppa Nug laa ag nuhignu oolagppa genab dootteb ele atognoadtte.