Sam 46:11 - Nobonob Baibel

¹¹ Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 46:11 Referans Kwoze

Jeremaia 16:19

Amu da, Jeremaia, da Yawe amegppa unuqidmi. “O Yawe, na dahil ɠagattag, aab aɗ ɠagattagnab ele dahil bia ele daattem. Ao, uug nau baknu deɗppa na dahil padal mak eɗitteb ena dayaknu ehanittak daattem. Qinob wan atu ohppan danab ah ag na noomppa uɗin, ag akkulag. ‘Ig mamenkad aɗi ag kayak hambuppuak aakkuib dabmeppig. Ao, ag kayak hambuppuak dottolkad ii ehanadppig ele, ag ahilagnuib dabmeppig,’ aon akkulag.

Duteronomi 33:27

Kayak bauklel Nug ahilag padal mak eɗitta ena dayaknu ehanittak daatte. Nug eppeg am alet anam, ag oɗakkiatte daatteb. Nug heeb, ag Israel ag kekeɗ ahilkad lamadkkulag. Nug aakkuib, ‘Ag kekeɗ ahilkad heppeg nauheg!’ atte.

Sam 46:7

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 48:3

Kayak Nug, Sion ooppa aben aɗ ɠagattagnab ele daatteb, Nug amu ohppa daatte. Ao, nug danab ah Sion daatteb ele, Nug ahilag aab aɗ ɠagattagnab ele bia daatte.

Sam 46:1

Kayak Nug am padal mak eɗitta ena dayaknu ehanittak ihinig, amu ɠagattag ihinig ele daatte. Nug ig uugppa daapput ehanigkkunu, hanhan guguikkak daatte.

1 King 20:28

Amu Kayaknu propet laa nug nai awa ukka, King Ahap toppa ukka, nug Ahap amegppa aum. “Yawe Nug inam atte. ‘Aram danab ag da Yawe, dahilnu, “Nug am atu qaukonu Kayak, Nug am atu uɗemnu Kayak iitta,” aon atteb amunu, da geha heppi, ag Israel ag ahan, Aram ban danab ameg naɗi amu eɗattona, geha ag Israel ag dooglag, da am Yawe,’ awa atte,” awa aum.

2 Stori 20:6

nug inam aum. “O Yawe, ig mamenkad aɗi dilag Kayak, na hab attan daattem. Na wan anen anen dilag okkai daattem. Ɠagattag oh na eppenppa daatte. Na ebehin ele. Auntai laa nug na eɗidkkunu elele iitta.

2 Stori 33:13

Haen nug Yawe unuqitte amu, Yawe Nug nuhig unuqittak doya, oo doye, Nug he, Asiria dilag king a, Manase nug eɗua Jerusalem ukka, bau eɗua Juda dilag king dayom. Amu oh beum amunu, Manase nug Yawe Nugib Kayak daatte doyom.

Aisaia 2:11

Amu Yawe Nug anam uɗia, Nug beɗuppa tak danab oh onilag qeeb nekku. Nug heeb, dada danab ag nena qekkulag. Yawe Nugib haen amuppa onig okkai, binag ele daakku.

Aisaia 2:17

Am haen amuppa Yawe Nug beɗuppa tak danab tabatteb nona, uɗalag nekku. Ao, haen amuppa Yawe Nug dada danab ah onilag qeeb nekku. Nigul oh danab ag binalag metteb amu, ag oh iitta mekkulag. Yawe Nugib haen amuppa onig okkai, binag ele daakku.