Sam 45:8 - Nobonob Baibel

⁸ Keeke muttuɗig enanag, onig mir, alo, kasia ele, ag amu aon, lamen elab nahip laitteg, muttuɗig enanab otte. Na nahip launad enanagnab, appa amu, ag elepan aelkadppa keeke digdig hena, bala madappig. Na launad amuppa ahiettak danab ag ahi ettan autna aon heegeg, na doon, gaman ahatte.

Sam 45:8 Referans Kwoze

Solomonnu Ahi 1:3

Leppu muttuɗig ena ele na laidttem am muttuɗig enanagnab ele. Ao, laa nug leppu muttuɗig ena ele amu gokkaɗeb, muttuɗig huana okku, am na onin am amubia. Ge, am anam, am diig amunu ah bau na waatad daatteb ele, ag nahipnu oolag mauhtte!

Jon 19:39

Nikodemus, danab amu nug anukka digmakppa Jesus tuqan gumitta ukkom ele amu, nug ele uɗiom. Nug spais aɗit, muttuɗilah ena ele kaboliateg, keeke amunu uug am 30 kilogram amu, nug amu awa uɗiom. Spais laa onig am Mir, laa onig am Alo.

Solomonnu Ahi 4:6

Qauko mirppa hak, amuppa dayak am enanag. Ao, qauko nakok kalu danab ile, muttuɗig enanag bedeppa hak, amuppa dayak am enanag. Amubia amu, haɗaetta wagkkaɗkkunu haen ii bak, haen amuppa da paha goppi, na ele daagnih.

Matyu 2:11

ag lag ooppa nona, nid nakok, amu Nug anig Maria ele anatppig. Anatna, ag nid nakok noobppa dup nona binag meppig. Binag mewona, ag ahilag battam hipana, gol, prankinsens, mir ele, ag amu nuhig daakkunu Nug medappig.

Solomonnu Ahi 5:1

O ah dahil, na dahil ah daakkutnu awidmi. Da dahil dadppa iikku bemi; dad dahil imuppa amu, da keeke muttuɗig enanag mir, spais digdig ele aomi. Da ippa uppuh leppu ataɗa nette, uppuh leppu teɗppanu ele lainne; da wain, huh ele lami. O ig lainti, aa ee, le ele laiɗ! Ao, danab le elelenab lanana, elele dootte, amubia aa nug oo mauhak doottep ele, aa lapeɗ, eleleppa taɗ!

Sam 16:11

Na bau dayaknu ib da ippuniɗme. Ao, na da ele daattep amunu, da maɗoɗppan gamag ahak okkainab doottem, Ge, haen da na eppen naɗiap-ppa dayeye, da enanag doottem, hanhan anam dookkul.

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.

Jon 14:2

Da Mamel laug am oo kuɗum ele, amu da laa ahilagnu bappaidkkulnu gottem. Anam laa ii daalo amu, da ag amelagppa alom.

Amos 3:15

Amu da heppi, Israel ag laulkad oug haennu, gakkaɗak haennu ele, lag amu oh am nauhkkulag. Lag bala enanag, aivorippa hak amu, kekeɗ ag lag amu hadappeg nauhppeg; lag ena ena laa oh ele kekeɗ ag hadappeg nauhkkulag.” Yawe Nug anam awa atte.

Solomonnu Ahi 5:13

Nug hippeg laih laih oh am spais digdig muttuɗilag enanag ele dadppa daatteb, nug hibekuɗ amubia daattep; nug otti am bala lili, mir huanak bala haɗagppa ataɗa nak daatte bia daattep.

Solomonnu Ahi 5:5

Nug anam he doyen, da gamag ahak huanak am doye, da laa dahilnu oo mauhtte amu, da od matulen medakkulnu ahai, goɗen muttuɗig enanag onig mir da eppelppanu toɗotoɗoetta neum. Ge, da goɗen muttuɗig onig mir huanak dakka laidmi, amu goɗen amu eppel doɗoppanu neene, da manak qaknu keeke matulkkunu aɗami.

Solomonnu Ahi 3:6

Laa nug atu taɗakppanu aab kah taata, wan ele aɗeɗe gotte bia uɗitte am aun? Ge, laa imu nug leppu muttuɗig enanag, mir, frankinsens, spais laa oh ele laihnu awa, dadennu mak danab dilagppanu awak, nug amuppa beɗu laitte, nuhigppanu muttuɗig enanag oowo doottem ele amu, nug am aun?

Solomonnu Ahi 1:13

Muttuɗig enanag dahilppa daakkunu, da tuqan keeke muttuɗig enanag onig mir lamen qattippa qakkak huhulaɗ dahil gamagppa mei, da ele ouqaknab anam daatte; amu laa da nuhignu ool mauhtte ele amu, nug ele anamib daatte.

Sam 150:4

Ag tambarin qenana, ahi ele goɗanna, amuppa Nug binag meig! Ao, ag gita qenana, dumuttum iwalnana, amuppa Nug binag meig!

1 King 22:39

Amu keeke kuɗum laa ele King Ahap heum amu, kaya amuam ag buk laappa, buk amu onig am, Israel Dilag Kingnu Kaya, ag buk amuppa yaappig daatte. Nug lag enanagnab buua, lag amuppa kobol kobol hoiyak dayomppa elepan aeg babaittak qataqa, aab okkai laalanu aɗ keeke, heum amu, keeke amu ohnu kaya amuppa daatte.

Sam 45:15

⌊Wan laappan⌋ king aɗeg amu, nuhikkud ehanittak ah ele, laa ag omaltteb ele, ag gamag ahak okkai dootteb. Ag oolag gamag ahe, ag uɗin, kingnu lag enanagnab ooppa notteb.

Sam 11:7

Aɗinu? Yawe Nug genab tutukku hak kobolib hette. Ao, Nug genab tutukku hak kobolnu oo mauhtte. Ge, aun aɗi ag kobol tutukku hetteb, ag geha Nug iɗu anidkkulag.