Sam 45:7 - Nobonob Baibel

⁷ Na genab tutukku hak kobolnu oot mauhtte, kobol naunu amu, na nau ninig ele doottem.” Anam amunu, ⌊O king,⌋ Kayak, Nug am nahip Kayak, Nug goɗen gokkaɗakppa tituanitta, maɗoɗppan gamag ahak okkainab, king laa oh eɗattak, na mettom.

Sam 45:7 Referans Kwoze

Hibru 1:9

Na genab tutukku hak kobolnu oot mauhom, gemu ele oot mauhtte, kobol naunu amu, na nau ninig ele doome, gemu ele na anam doottem. Anam amunu, ⌊O king,⌋ Kayak, Nug am nahip Kayak, Nug goɗen gokkaɗakppa tituanitta, maɗoɗppan gamag ahak okkainab, king laa oh eɗattak, na mettom.”

Sam 21:6

Amu na nug itittak ena hanhannu mettame. Na danab aun na nug ele daayya, danab amu nug gamag ahak dootte, na king ele daayya, nug gamag ahak dootte.

Sam 33:5

Yawe Nug kobol genab tutukkunu, nai doya mala hettoɗia epeɗia elele mettak kobolnu ele, Nug kobol amunu oo mauhtte. Nuhig oo mauhaknab kobol am wan atu oh tona mala daatte.

Epesus 1:3

Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!

Aposel 2:28

Na bau dayaknu ib da ippuniɗme. Na da ele daattep amunu, da maɗoɗppan gamag ahak okkainab doottem,’ awa yom.” Pita nug anam awa aum.

Jon 3:34

Yo, laa Kayak me uɗiom amu, Nug Kayak nai maditte. Aɗinu? Kayak Nug nuhig Ouɗi ambak medatte.

Sam 101:8

Deɗ anen anen oh, da laa ag ihinig wanppa nau hetteb ele, da ag mattialatte anatten, da heppi, ag nauhkkulag. Da ag hadappi nauhna, ag Yawenu aab okkaippa ii daamna.

Jon 1:16

Ehanittak okkai hamu mettaknu kobol nuhigppa ambak daatte amunu, ig nuhigppa itittak ena digdig aakku aomut.

Sam 99:4

O Yawe, na am king naɗinab. Na nai doya mala hettoɗia epeɗia elele mettak kobolnu oot mauhtte. Na epeɗia elele hak kobol Israel wanppa ɠagattag daakkunu qappame. Na Israel dilagppa, na nai doya mala hettoɗia epeɗia elele mettak kobol dim lamidnana, na genab tutukku hak kobol ele dim lamidme, na gemu ele dim lamidttem.

Rom 8:29

Aɗinu? Danab aun aɗi ag Kayaknu oolag mauhkku amu, Nug ag anukka doyattom. Nug doyattom amunu, Nug ag kuɗum Nug Bekka ele oh daan, Bekka Nug ag oolagppa ag awalag nid naanaeg daakkunu, ag Bekka daatte bia daaglagnu, Kayak Nug maittaknab amu awom.

Sam 89:26

Nug dahilnu akku. ‘Na am da Mamel. Na am dahil Kayak. Na am dahil kekeɗ niɗamanu ehanittak daattem. Na am dahil padal mepanu ehanittak daattem.’

Sam 89:20

Da dahil maɗi nid Dawit anidmi. Da Kayak, da goɗen dahilnu tituanak daatte, da amu laa awen, goɗen gokkaɗakppa tituanmi.

Sam 11:7

Aɗinu? Yawe Nug genab tutukku hak kobolib hette. Ao, Nug genab tutukku hak kobolnu oo mauhtte. Ge, aun aɗi ag kobol tutukku hetteb, ag geha Nug iɗu anidkkulag.

Luk 3:22

Kayak Ouɗi Nug uppuɗil beɗulag nakok laabia nug qaɗeppa ne, baag laa hab aabppanu Jesus amegppa aum. “Na am da Bekkal, da nahipnu ool mauhtte. Ele amu, da nahipnu oolppa enanag doottem,” awa aum.

Matyu 3:15

A amu Jesus oɗeppa awa aum. “Iitta. Gemu amu na da ami bia hekkut. I amuppa kobol tutukku oh elele mettagnih,” awa aum. Awa a amu Jon nug Jesus oɗe dim lamittom.

Sam 2:2

Wanppan king, amu wanppan okkai ele ag qagmena, maittak nau aon, ban hekkulagnu bappaidtteb. Ao, ag oh ag Yawe, amu laa Yawe king daakkunu goɗen gokkaɗakppa tituanom ele ban hekkulagnu dabmetteb.

1 King 19:16

Yawe Nug anam anana amu, Nug nai tuɗitta aum. “Na nug goɗen gokkaɗakppa tituanona, na Nimsi bekka Jehu, nug Israel dilag king daakkunu goɗen gokkaɗakppa tituane! Na nug goɗen gokkaɗakppa tituanona amu, na Sapat bekka Elisa, nug am Abel Mehola ted, nug na abenam awa, propet daakkunu, na nug goɗen gokkaɗakppa tituankkut.

Lewitikas 8:12

Anam hewowa, amu nug Aron, nug Yawenu tituana mettak daakkunu, nug laittaknu goɗen laa awa, Aron mana mettak danab daakkunu goɗen gokkaɗakppa tituanom.

Revelesen 21:27

Amu keeke oppiak iitta ele aab okkai amuppa ii noma. Laa kobol nau digdig, Kayak nug kobol amunu ooppa uuaknab dootte, amu hambuppuak kobol hette ele amu, nug ele iitta. Am laa ag onilag Sipsip Nagnu buk, amuam buk onig Bauklel Awe Onig Yaaknu Buk, buk amuppa ag onilag yaak daatte ele amu, ag aakkuib aab okkai amuppa nokkulag.

Hibru 7:26

Mana mettak ikki danab anam nug ig ehanigkkunu daakkunu am enanag. Nug am oppiaawak, ooppa kaliak laa iitta. Nug oppiak ele, hipunin danab bia ele iitta. Nug onig attannab tak daatte.

Hibru 2:14

Nid naunau amu ag anilkad mamelkad ag beɗulag bia beɗulag aon oitteb amunu, Jesus Nug Satannu ɠagattag, ɠagattag amuppa Satan nug he danab mauhtteb amu, Nug ɠagattag amu heeb iitta mekkunu, Nug danab ag wan imuppan oiyak ahilagppa haen oh mauhaknu baɗak doon, ag amuppa hippalak daappig ele amu, ag amunu uhuqak ele madakkunu, Nug ele danab beɗu awa, Nug mauhom.

Jon 20:17

Nug anam a amu, Jesus aum. “Na da aib aɗailme, da Mame toppa ii gomi. Amge na da oɗel aona, da lailad gumadna gona, amelagppa inam a! ‘Da, da Mamel, Nug am ag Mamelag ele, da dahil Kayak, Nug am ahilag Kayak ele, da Nug gumitte gottem,’ ” awa aum.

Luk 13:27

Ag anam akkulag, amge nug ag amelagppa akku. ‘Da ag ii doyadttem, ag adeppanu uɗippig? Ag eheɗ hak danab. Ag oh uuiɗna ukkeg!’

Matyu 7:23

Ag anam akkulag, amge da haen amuppa miag appi dooglag. ‘Da ag nakoknab laa ii doyadttem. Ag am eheɗ hak danab amunu, ag uuiɗna ukkeg!’ awe akkul.

1 Samuel 16:13

Yawe Nug Samuel anam hekkunu amegppa a, Samuel nug goɗen awa, Dawit awakkud noolagppa Dawit nug king bekkunu goɗen gokkaɗakppa tituanom. Samuel nug Dawit goɗen gokkaɗakppa tituane, Yawenu Ouɗi Nug Dawit, nuhigppa ɠagattag ele uɗiom. Yawenu Ouɗi Nug uɗia daya, Dawit ii uuittom. Iitta! Nug anam dayom. Amu Samuel nug eɗua, Rama ukkom.

Aisaia 9:6

Aɗinu? Ihinigppa ah laa nid danab menukku. Ge, nid amu Yawe Nug ihinignu meeb uɗikku. Nug ihinig king daakku. Nug onig anaknu laala inam: Ulum Ena Mettaknu Danab Enanagnab, Kayak Nukka Ɠagattag Ele, Mamenig Hanhannu, King Maɗoɗ Ele.

Aisaia 11:4

Amge nug geha kobol genab tutukku ele dim lamitta, nug daɗek danab ah dilag nai am epeɗia bappaidkku. Ao, nug nai doya mala hettoɗia epeɗia elele mettak kobol dim lamitta, nug danab ah huu laa ag keekenu tutu meppig daatteb, nug amu dilag nai am epeɗia bappaidkku. Nug ab, geha danab ah kobol nau heppig ag bu aoglag. Ao, nug geha naiib ab, nau hak danab ag mauhkkulag.