Sam 45:6 - Nobonob Baibel

⁶ “O Kayak, ɗo maɗoɗ na kalame ele am hanhan daakku. Ao, nahip ɗo maɗoɗppa amu, nai doya mala hettoɗia epeɗia elele mettak kobol am anuqak daakku.

Sam 45:6 Referans Kwoze

Sam 93:2

O Yawe, anukkanab na digmena, keeke oh gumattem. Ao, na am bauklel.

Jon 1:1

Kayak Nug keeke oh digma heum, haen amu ii nak amu Kristus, Nug onig laa Nai Kayak Ippunigtte, Nug dayom. Nug Kayak noobppa dayom amge anamib iitta, Nug ele Kayak dayom.

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.

Sam 145:13

Nahip ɗo maɗoɗ am hanhan daatte; am geha iitta ii mema. Ge! Na king hanhan daattem. Aɗi keeke Yawe Nug hekkunu atte amu, Nug aakku hette. Laa amu, Nug aɗi keeke hette ele, Nug oo bodoettak, enanag, maɗoɗ ele hette.

Revelesen 19:11

Nug anam a amu, hab obate, da hos hakkab laa dayeye anidmi. Laa Nug hos amu attan dayom amu, Nug onig am, Oo Metta ii Uua, Genab Hak. Laa amu Nug nai doya mala hettoɗia epeɗia elele mettak kobol dim lamittatta, nug epeɗiak uɗat, ban hak ele hette.

Daniel 2:44

Baeg wan tabatte, wan aab aɗuppa ewom, aen ele qataqak am king laala ag laippu daaglagnu hekkulag, amge laippunab ii daamna ippunigtte, haen ag amu henan daappeg, haen amuppa Kayak hab attan daatte, Nug ɗo maɗoɗ laa daakkunu heeb, ɗo maɗoɗ amuam hanhan daakku. Ɗo maɗoɗ laa wan atu gumaglagnu ahan, ɗo maɗoɗ amu eɗidna ii aomna. Ɗo maɗoɗ amuam ɗo maɗoɗ oh heeb, iitta mekkulag, amge ɗo maɗoɗ amuam hanhan daakku.

Sam 89:29

Da geha heppi, nug buɗub oolagppanu laala ag ahilag haen anen anenppa, ag Israel dilag king hanhan bena daaglag. Yo, da geha heppi, hab dayebeb amu, king dayaknu ehah am nug buɗuppudppa hanhan daakku.

Sam 98:9

Heppeg, keeke amu oh ag Yawe noobppa anam heig! Aɗinu? Yawe Nug wanppan danab ah oh epeɗiadkkunu uɗitte. Nug genab tutukku hak kobol dim lamitta, epeɗiak amu hekku. Ao, Nug wan atu ohppan danab ah nai doya mala hettoɗia epeɗia elele mettak kobolppa epeɗiadkku.

2 Samuel 23:4

nug am buttua haen enanag, lombig iitta aam baaba, amahlak wan medatte, nug amahlak amubia daatte. Ge, danab anam amu, nug gu wan leppu mette, keeke wanppa bette amu, nug gu nug na mala, amahlak okkai bette, nug amahlak amubia daatte,’ awa aum.

Namba 24:8

Kayak Nug ag Isipnu diia, omalatte uɗippig; makau okkai ebehi ele dakkuɗ am ɠagattagnab, amu ahilag ɠagattag am amubia daatte. Ag huu laala, ahilkad kekeɗ amu, ag heeg nauhadtteb. Ao, ag ebehilkad qiialatteg, naunau netteb. Ag latppa aqatteb.

Duteronomi 32:42

Da lat doɗo dahil kuɗum ewadppi, danab ah kuɗumnab tiilag layadkku; laa mauhkkulag, laa ii mauhppeg, da aɗualadppi, da eppelppa daaglag. Ao, da heppi, qep elab dahil am danab ah aqadkku; laa aqadkku am ahilkad ikki danab.’ ” Yawe Nug anam akku.