Sam 45:13 - Nobonob Baibel

¹³ ⌊Wan laappan⌋ king aɗeg amu, nug nuhig neekkak am enanagnab, amu nug lag oo nuhigppa daatte. Nuhig lamen am muɗi golppa hak, muɗi laa ele, amuppa koitak daatte.

Sam 45:13 Referans Kwoze

Aisaia 61:10

Da padal mepanu Yawe Nug ehaniɗom, amuam Nug lamen ena da beɗulppa melo, amubia daatte. Ge! Kayak he, da genab tutukku hak danab daattem, amuam Nug lamen elab enanag da beɗulppa melo, amubia daatte. Nug anam heum amunu, da nuhignu enanagnab doottem. Ge! Da nuhignu oo gamag ahak okkai doottem. Lamen Nug dahilppa meum amu, amuam danab nug ah aokkunu haaha, nug igippa lamen enanag, mana mettak danab mette bia mette amu, lamen dahilppa meum am amubia. Yo, ah nug danab aokkunu haaha, nug bala enanag beɗuppa mette amu, lamen dahilppa meum am amubia.

Rom 13:14

Ag amu oh aib heppig. Ag Naɗi Jesus Kristus ele ouqena, nuhig kobol ele aon oiyeg! Am ag beɗulagnu dabmak nau dim lamidkkulagnu aib dabmeppig.

Rom 3:22

Da ib laanu attem amuam inam. Danab nug Jesus Kristusnu ooppa genab dootte amu, Kayak nuhignu, “Genab tutukku hak danab,” awa atte. Ib amuppa amu aun aɗi oh ag oolagppa genab dootteb ele, Kayak Nug ahilagnu, “Genab tutukku hak danab,” awa atte. Danab laippu laa nug ib laappa genab tutukku hak danab bekkunu ib laa ii daatte.

Luk 11:40

Ag am dabmak tutukku iitta ele. Kayak keeke heum amu dimittimnuib ii heum. Iitta! Ooppanu ele heum

Matyu 5:16

Amubia ag dahilad daatteb ele, laala ag ahilag kobol ena anidna, ag ag Mamelag, hab attan daatte amu, Nug binag mekkulagnu, ag ahilag amahlak danab amelagppa amahalaɗ!

Revelesen 3:18

Anam amunu, da ulum mettak nai imu na medattem. Na enun ele daakkutnu, na gol babaitta epeɗia awak dahilppanu daden mena, na bam iittanu uɗa nak doomnanu, na lamen hakkab ele dahilppanu daden mena, aria, na neegna keeke anidkkutnu, na marasin na amenppa mekkutnu ele dahilppanu daden me!

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

2 Korint 5:17

Amunu aun nug Kristusnu daatte, nug am danab bau. Anukka dayom amubia am iitta. Nuhigppa keeke oh am bau daatte.

Solomonnu Ahi 7:1

O ah dahil, na king bekka aɗeg daattem, amu na baen laih laih oh am baeg gaɗa ooppa neekkak enanag; na tuɗin am neekkak enanag, am danab uɗat men daden nob okkai eleppa haknu doyak okkai ele, nug men enanagnab awa, elelenab bappaidtte, amubia.

1 Samuel 16:7

Samuel nug ooppa anam aum, amge Yawe Nug Samuel amegppa aum. “Na nid imu, nug beɗu, iɗu ele ena anidna, ‘Imuam king daakku,’ aib ame! Aɗinu? Da nug king daakkunu geɗidmi. Da amu heminu diig am, da danab keeke anidna epeɗitteb, da amubia ii hettem. Iitta. Ag am keeke dimittim amuib anidna epeɗitteb. Da am danab oolag anidttem,” awa aum.

Rom 2:29

Iitta. Danab nug Juda danabnab amu Nug Jesusnu ooppa genab doye, Kayak Ouɗi Nug danab amu oo babaittom. Amuam gaɗa otaɗak genab aakku. Oo babaittak amuam ɗo nai yaak niitte amu dim lamittaknu keeke iitta, Ouɗinu keeke. Danab amu nug danab amelagppa nug binag iitta, amge Kayak amegppa nug binag ele.

1 King 5:15

Laa amu, Solomon nug danab 80,000 laa diiom, ag am atu qaukoppa gona, men otaɗadkkulagnu diiom. Aria, nug danab 70,000 laa ag men amu mawadkkulagnu diiom.