Sam 44:7 - Nobonob Baibel

⁷ O Kayak, naib na hee, ig kekeɗ ihinkad eɗadttem. Ao, naib na hee, laa ag ihinignu nau ninig ele dootteb ag nena qena, uɗa nak aotteb.

Sam 44:7 Referans Kwoze

Sam 140:7

O Naɗi Yawe, na qagaiettakppa daapanu ehanittak ɠagattag dahil daattem. Banppa amu, na dahil guppiɗ daye, da ii mauhmi.

Sam 136:24

⌊Ig Yawe,⌋ Nug ig ihinkad kekeɗ eppelagppa padal mematanu ehanikka awikkom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Sam 132:18

Da heppi, nuhig kekeɗ ag uɗa nak naunab aoglag. Ge, kekeɗ ag anam daaglag, amge king da tituankkul, nug binag okkainab ele daakku.” Yawe Nug anam aum.

Josua 1:5

Josua, da haen oh na ele daagnih. Da Moses ele daamuɗ, amubia da na ele daagnih. Na wanppa bau daappe, haen amu ohppa laa nug na eɗidkkunu elele ii daama. Da na ii uuidpa. Da na ii paɗaidpa.

Sam 144:10

Da amu hekkulnu diig am, na hee, king ag ban eɗidtteb! Da am nahip maɗi nid Dawit, am naib, na da ehaniɗe, kekeɗ ag qep elabppa danab ah aqaeg mauhtteb ele, ag qep amuppa ii iweg mauhmi.

Sam 53:5

Kayak Nug heeb, danab ah nau hetteb ele ag baɗan humananab qekkulag. Ag anukka baɗappig, amge haen imuppa ag eheɗnab baɗaglag. Aɗinu? Kayak Nug ⌊nuhikkud danab ah, Nug⌋ ahilag kekeɗ, ag banelag uɗiglag ele amu, Nug ag hatteb nauhna autna aoglag. Yo, ag Israel, ag heppeg, ag uɗalag nekku. Aɗinu? Kayak Nug ag geɗadkku.

Sam 40:14

Na heppe, laa ag heppeg, da padal mekkulnu hetteb ele, ag uɗa nak, ge, ag uɗa nak nau guittak ele dooglagnu oɗ medattem. Ao, laa ag da uug iwe aniɗna, gamag ahak dootteb ele amu, ag bittumttum gonana, uɗa nak nau guittak ele aoglagnu unuqidttem.

2 Samuel 7:10

Da danab keeke eppe, ena bette, amubia da Israel danab ah ag wan ele daaglagnu, ag amuppa maɗoɗ ele daaglagnu ehanatten, aben madappi daaglag. Danab nau ag anukka da Israel dilag ikki danab digmein tituanadmi, haen amuppa danab nau amu ag digmena, dahilad danab ah eheɗ hattaegeg uɗie, gemu ele hetteb, amge da heppi, ag amu tuɗidna ii hemana. Amu ele, da heppi, nahipad kekeɗ ag ɠagattag ii daamna. Amu da Yawe, da heppi, na buɗunad oolagppanu laala ele, ag anen anen ahilag haenppa, ag Israel dilag king hanhan bena daaglag.

1 Samuel 17:47

Laa ele, danab oh ippa daatteb amu, geha ag Yawe Nug danab ah nuhikkud ehanadkkunu amu, Nug qep elab, ban ele ii dabmette dooglag. Nuhig neekkakppa amu, qep elab, ban ele am keeke hamu; keeke okkai iitta. Aɗinu? Nug ban gumatte amunu, Nug gemu ig ehanikkeb, ig geha ag eɗadkkunig,” awa aum.

Ikki Danab 2:18

Am haen Yawe Nug epeɗiak danab laa Israel dilag qappom amu, nug epeɗiak danab amu ele daayya, epeɗiak danab amu nug bau dayaya oiyom, haen amu ohppa Yawe Nug danab ah ehanatte, ag kekeɗ eppelagppa ii daappig. Aɗinu Yawe Nug epeɗiak danab anam he beppig? Haen nuhikkud danab ah ag kekeɗ eppelagppa daaeg, kekeɗ ag eheɗ hattana, guittak mattegeg, ag gaaegeg, Yawe Nug nuhikkud danab ah dilagnu oo bodoetta le meum.

Josua 11:6

Ag anam heeg, aakku Yawe Nug Josua amegppa aum. “Na aib ahilagnu baɗame. Aɗinu? Butti, haen inamppa, ag ohnab mauhak daaglag. Ge, da heppi, ag Israel ag ag oh aqadkkulag. Na nug qak amu eɗittona amu, na ahilkad hos ⌊ag banppa baula oiyak elele iitta daaglagnu,⌋ na ag baelkad bittub diɗilkad otaɗadna, kekeɗ dilag bannu karis oh manadppe eweg!” awa aum.

Josua 10:42

Yawe, Israel dilag Kayak, Nug nuhikkud danab banppa ehanattom amunu, haen tutu laippu amuppaib, Josua nug king appanu eɗattowa, nug wan amu oh awom.

Hosea 1:7

Amge da, da Yawe, ahilag Kayak, da geha oo gai-iitta doya oo metta ehanittak kobol Juda danab ah dilagppa hekkul. Da dakka geha ahilkad kekeɗ eppelagppanu eɗuen diiadkkul. Da amuam latppa, o qep elabppa, o banppa, o hosppa, o bannu karisppa ii hepa. Iitta. Da dakkaib, da hekkul,” awa aum.