Sam 44:5 - Nobonob Baibel

⁵ Na nahip ɠagattagppa ehanikke, ig ihinkad kekeɗ eɗadttem. Ib laappa anam ii hettem. Ao, na ig ehanigttem, diig amunu ig ihinkad kekeɗ eɗadttem.

Sam 44:5 Referans Kwoze

Sam 108:13

O Kayak, na ig ehanigppe, ig keeke okkai okkai hekkunig. Ao, na ig ehanigppe amu, ig kekeɗ ihinkad tappaladta, oɗoɗadkkunig.

Sam 60:12

O Kayak, na ig ehanigppe, ig keeke okkai okkai hekkunig. Na ig ehanigppe amu, ig kekeɗ ihinkad tappaladta, oɗoɗadkkunig.

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

Duteronomi 33:17

Josep buɗub ag makau dawai ɠagattagnab bia daatteb. Ahilag ɠagattag am makau okkai ebehi ele dakkuɗnu qeqeɗi bia. Makau qeqeɗippa danab yaatte, amubia nug buɗub ag wanppan wan laalappan danab, ukkeb ukkeb, wan batakppa, ag eɗadkkulag. Epraim buɗub 10,000 gane ag anam daatteb. Ge! Manase buɗub 1,000 gane, ag anam daatteb,” awa aum.

Sekaraia 10:5

⌊Juda⌋ ag ban danab ɠagattag, banppa ban ɠagattag hetteb bia daaglag. Ao, ag danab, ag ahilkad kekeɗ eheɗ eɗadtteb bia hekkulag. Aɗinu? Yawe Nug ag ele daatteb. Ge, ⌊Yawe ag ele daatteb, amunu⌋ ag ban ɠagattag hena, ag kekeɗ hosppa ban hetteb ele eɗadkkulag.

Daniel 8:4

Da neekkitten daaiyi, sipsip dawai amu nug doɗ aɗi aɗi qaban uɗitteppa, yau uɗitteppa, yawalti uɗitteppanu ele daappig amu, nug appa ag ele ban hekkulagnu qaietta ukkom. Doɗ laa nug sipsip dawai amu eɗidkkunu elele iitta. Laa nug doɗ atten laa sipsip ele ban hepiɗ ehanitteb, sipsip nug aa ii eɗatmanu am laa iitta. Sipsip dawai nug aɗi hekkunu dabmeum amu, hakib heum. Nug anam he ukke, nug onig, ɠagattag okkainab ele dayom.

Sam 91:13

Na geha laion, amu mat nau ele eɗadppe, ag aɗitai keeke laa hekkulagnu elele iittanab daaglag. Ao, na geha laion bau, mat nau ele tappaladppe noppeg, ag aɗitai laa hekkulagnu elele iittanab daaglag.

Rom 16:20

Haen elab iitta Kayak, Nug am maɗoɗ diig amu, Nug geha Satan tappeb na, ag baelag waappa daakku. Naɗi Jesusnu ehanittak okkai hamu mettak ahilagppa dayaɗ!

1 King 22:11

Propet amu ag ahilag nai mattiegeg, ag oolagppan laa, Kenana bekka Sedekaia, nug doɗ qeqeɗi dottog aenppa hak awa, nug aum. “Yawe Nug inam atte. ‘Na imuppa Aram dilag daup yaaladna, yaaladna, oh yaaladna maladkkut,’ awa atte,” awa aum.

Sam 5:3

O Yawe, da buttua unuqitti, na doottem. Ao, da buttua anen anen da oolppa aɗi keekenu na oɗ medakkulnu dabmettem ele amu, da na unuqidttem. Ge, da unuqittette, na da ehaniɗkkutnu ool maɗoɗ ele amen mein daattem.

Aisaia 33:22

Aɗinu keeke amu bekku? Yawe Nug ihinig gumak danab daatte. Nug ɗo nuhig ig megatte. Yawe Nug ihinig king daatte. Nug ehanikkebeb padal ii memata.