Sam 44:4 - Nobonob Baibel

⁴ ⌊O Kayak,⌋ na am dahil King, dahil Kayak ele. Naib danab ah nahipad, Jakop buɗub, na ag ehanatte, ag ahilkad kekeɗ eɗadtteb.

Sam 44:4 Referans Kwoze

Sam 74:12

Na, O Kayak, na anukkanabnu uɗie uɗie, gemu ele ihinig king daattem. Na am wanppan danab ah dilag Padal ii maknu ehanittak daattem.

Sam 42:8

Anam aakku daatte, amge Yawe Nug deɗ ohppa nuhig oo mauhaknab kobol ii uutte. Tuqan da nuhig ahi edette, da Kayak dahil, Nug da bau meɗatte amu, da Nug unuqidttem.

Mak 9:25

Nug anam a amu Jesus Nug danab ah kuɗum ag qaiettan uɗin qagmeeg antta, Nug ouɗi nau amegppa haknunab ana, “Oɗe ituak, daug ituaknu ouɗi nau, na nid imu paɗaidna gona, bau eɗun nug beɗuppa aib uɗime!” awa aum.

Sam 89:18

Aɗinu? Ihinig king, nug ihinig guppiɗ daatte amu, nug Yawenu danab. Yo, ihinig king nug ig Israel, nug ihinig Kayak Oppiaawak Elenu danab.

Mak 1:41

Nug anam a, Jesus Nug oo bodoetta le me, Nug eppeg bahia, danab beɗu aɗa, amegppa aum. “Da ool anam daatte, na ena daye!” awa aum.

Mak 1:31

Aeg doya amu, Jesus Nug gumitta wana, ah amu eppeg aɗa ehanitte ahe, beɗu gakkaɗak iitta me, nug aha digma ehanittak keeke babaitta ehanattom.

Sam 149:2

O Israel danab ah, laa Nug ag hattomnu gamalag ahaɗ! Ao, Sion danab ah, ag Yawe, ahilag king, ag nuhignu gamag ahak naɗinab doyeg!

Aisaia 33:22

Aɗinu keeke amu bekku? Yawe Nug ihinig gumak danab daatte. Nug ɗo nuhig ig megatte. Yawe Nug ihinig king daatte. Nug ehanikkebeb padal ii memata.

Eksodas 15:6

O Yawe, na eppen naɗiap am ɠagattag okkai huanaknab, amuppa na kobol okkai heme. Yo, O Yawe, na eppen naɗiap-ppa, na kekeɗ aqadna, oɗoɗadna autna aome.

Duteronomi 7:8

Yawe Nug ahilagnu oo mauhtte, amu ahilagnu keeke hekkununab nuhig nai ɠagattag qetta, ag mamelkad aɗi amelagppa aum, diig aɗit amunu Nug ag uppa Isip dilag king Paro waappa begbeg maɗi nid daamnanu, Nug nuhig ɠagattagppa ag amunu qagaiettakppanu eɗua uhuqak haaha, Nug ag Isipnu diia, omalatte uɗippig. Yawe Nug amu hekkunu, nuhig ɠagattag okkaippa heum.

Duteronomi 7:19

Keeke Yawe, ahilag Kayak, Nug heum amu, ag amelagppanab anidppig. Nug Isip ag guittak okkainab aoppig ele amu he beum. Nug nuhignu dabmettaknu kobol danab haknu elele iitta, uɗat ɠagattag ele kuɗum heum. Nug nuhig ɠagattag okkainabppa keeke digdig amu oh haaha, ag Isipnu diia, omalatte uɗippig. Yawe, ahilag Kayak, Nug ɠagattag amuppaib, ag ehanatta heeb, ag danab baɗadtteb ele amu eɗadkkulag.

Josua 24:12

Ag Amo dilag king aɗit Jodan leppanu kaɗag uɗitteppanu eɗatppig bia, da hei, ahilag kekeɗ, ag ahilagnu baɗaegeg, ag eɗadppig. Ag ahilag qep elabte, o iitta latte, amuppa ag hena, ag ii eɗadppig. Iitta! Da hei, ag eɗadppig.

Sam 111:6

Yawe Nug danab ah nuhikkud nuhig ɠagattag ippunattom. Nug ehanatte, nuhikkud danab ag laa dilag wan, ahilag daakkunu aoppig.