Sam 44:3 - Nobonob Baibel

³ Amu ag akka, ahilag qep elabppa wan amu ii aoppig. Ge, ag akka ag ahilag ɠagattagppa, kekeɗ wan amuppa daappig ele ii eɗadppig. Amu iitta. Na ahilagnu oo mauhak doome amunu, na ag ele hanhan daan hena, nahip ɠagattag amuppa ehanatte, ag kekeɗ eɗadppig.

Sam 44:3 Referans Kwoze

Josua 24:12

Ag Amo dilag king aɗit Jodan leppanu kaɗag uɗitteppanu eɗatppig bia, da hei, ahilag kekeɗ, ag ahilagnu baɗaegeg, ag eɗadppig. Ag ahilag qep elabte, o iitta latte, amuppa ag hena, ag ii eɗadppig. Iitta! Da hei, ag eɗadppig.

2 Korint 4:7

Ig Kayak binag amahlak oppiaawak elenu doyak aomut, amge ig am danabib, waa wanppa hak amubia, ig keeke ena amu aot, laa oh ag ɠagattag okkainu diig am Kayak, ig iitta, amu dooglagnu daattem.

Sekaraia 4:6

Da ai, nug aum. “Nai imuam Yawe Nukka Ɠagattag Oh Ele Nug na Serubabelnu na amenppa atte. Da na uɗat hekkutnu ool hette amu, na uɗat amu danab dilag ɠagattagppa, o danab ebehilagppa ii hemana. Iitta. Dahil Ouɗi Nug ɠagattag metteb, na hekkut,” awa aum.

Sam 77:15

Na ɠagattag okkainab ele, amu ɠagattag amuppa na nahipad danab ah qagaiettakppanu eɗua uhuqak dayaknu heme. Nahipad danab ah amu, ag am Jakop, amu Josep ele buɗulti. Sila.

Sam 20:6

⌊Danab ah ag anam unuqitteg, laa nug aum.⌋ “Gemu amu, da imu doottem. Yawe Nug laa king daakkunu goɗen gokkaɗakppa tituanom ele amu, Nug geha king amu padal memanu ehanidkku. Yawe Nug hab aabppanu, hab aab am nuhignu tituanak daatte, Nug appanu kingnu nai doya, nai nob medatta, Nug nug nuhig ɠagattag okkaippa ehanitteb, qagaiettakppa ii daama.

Duteronomi 10:15

Amge Yawe Nug ag mamelkad aɗi dabmadatta, ahilagnu oo mauhehe, Nug ag buɗulkad daatteb ag otiattom. Gemu aakku anidttem, Nug ag mamelkad aɗi buɗulkad ag daatteb imu, ag epeɗiattom. Nug huu laa nuhikkud daaglagnu ii epeɗiattom.

Eksodas 15:16

Ao, baɗak eheɗ nau okkainab ag tonatta daakku. O Yawe, ag nahip ɠagattag anidna, ag toettan daaglag. Ge, ag keeke laa hekkulagnu elele iitta. Ag anam daappeg, nahipad danab ah ig, ig ag qe-eɗadta gokkunignu gottemppa gokkunig. Ao, ag anam daappeg, ig danab ah na Isipnu eɗun awigme amu, ag anam daabppeg, ig qe-eɗadta gokkunig.

Sam 42:11

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte, Nug am dahil Kayak.

Sam 42:5

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkunu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte; Nug am dahil Kayak.

1 Samuel 12:22

Ag Yawe aib dimedappig. Iitta. Ag Nug dim lamidkkulag. Aɗinu? Yawe Nug amunu ena doya, Nug ag danab ah nuhikkud daaglagnu tituanattom amunu, Nug onignu dabmak anuqak awa, Nug ag, ag am nuhikkud danab ah amu, Nug ag uuatta, di-ii-mattama.

Sam 74:11

Na diig aɗinu nahip ɠagattagppa ii hattai nauhtteb amu, na amu appe doognignu oɗ medattem. Ao, na nahip ɠagattagppa hadappe nauhna autna aoglagnu unuqidttem.

Sam 17:7

Nahip oo mauhaknab kobolnu amu, na amuppa da ehaniɗppe, da padal mepanu oɗ medattem. Laa ag ahilag kekeɗ ag guittak ii mattamnanu, na waatppa padal mak eɗitteb ena dayaknu ehanittak aon daaglagnu nahip-ppa uɗitteb ele amu, na nahip ɠagattag okkaippa ag ehanatte, ag ena daatteb.

Sam 4:6

Am danab ah kuɗum ag atteb. “Aun nug ig haen ena ippunigkku?” O Yawe, na ig ele daagnignu, na oot ihinignu ena daakkunu oɗ medattem.

Namba 14:8

Ig Yawenu nai dim lamidpput amu, Nug ihinignu oo ena dookku. Nug oo ena ele doyaya, ig omaikkeb, wan amuppa nota megakku. Wan amuam wan enanag, wan ittag ele, amuppa ee meu huana otte.

Aisaia 63:12

Laa nug ɠagattag okkai okkainab nuhigppa Moses ehanittom amu, Nug gemu adeppa daatte? Laa Nug danab ah oh nuhig ɠagattag anidna, daulag ii atimanu Nug he, ig memetankad noolagppa yu obata, laih laih gilil bia dayeye, Nug danab ah nuhikkud ib amuppa yu gamagppa omalatta laih ukkom amu, Nug gemu adeppa daatte?” aon oɗ medappig. ⌊Yawe Nug amu oh heum amu,⌋ Nug nuhikkud danab ah omalatta, le gamagppa ib amuppa ugekke, hos nug uɗem gikkiɗahib daatteppa ugakka, na ii qette, amubia ig memetankad ag ib amuppa oippig.

Sam 80:16

Ig am nahip danab ah, amge kekeɗ ag ig danab laa nug grep muɗi okkulatte neeg, manatte eoppig bia heikke nauhmut. Ao, na nahipad danab ah alattette, ag mauhtteb.

Josua 3:10

Kanan danab, Hit danab, Hiwi danab, Peres danab, Girgas danab, Amo danab, Jebus danab ele ag wan Jodan le imu heqo laihppa daatteb. Ag amuppa daan, wan amu gumatteb, amge Kayak bau daatte, Nug ag Israel oolagppa daatte, Nug heeb, ag Israel, ag danab amu lamadkkulag. Nug ag amu miagib ippuanatteb anidkkulagnu amu,

2 Samuel 7:23

Laa amu, aun aɗi laa ag nahipad danab ah, Israel, ag ag bia daatteb? Laa iitta. O Kayak, na huu laa ag begbeg maɗi nid daaegeg, na ag nahipad daaglagnu na ag begbeg dayaknu qagaiettakppanu eɗua uhuqak hemete? Iitta. Na nahipad danab ah Isip wanppanu dayaknu qagaiettakppanu eɗua uhuqak heme, amuppa na he, danab ah oh ag na onin dootteb. Na kobol okkai naɗi, danab hekkunu elele iitta, danab antta nug ebehi oh bodoetta le mette amu, na amu henana, amuppa na hee, nahipad danab Israel, ag Kanan wan imuppan danab, ahilkad kayak hambuppuak ele lamadppig.

2 Stori 20:7

O Kayak ihinig, ig memetankad anukka haenppa danab wan imuppa daadppig amu, na hee, nahipad danab ah Israel ag danab amu lamatteg, na wan imu na layap Abraham buɗuppud, amuam ig, na ihinig hanhan daakkunu ig mekkame.

Sam 78:55

Nug ⌊ig alankad⌋ ag noolagppan wan anen anen, amunu danab lamatte goppig. Nug anam he, Israel ag om ena yaak heeg, Kayak ib amuppa Nug huu anen anen ahilag wan, ag aulag daakkunu ag mattom. Ao, Nug ag ahilkad wan anen anen matte, danab ah Israel dilag huu okkai anen anennu amu, ag laulkadppa aakku daappig.

Sam 80:9

Na grep amu ena mekkunu aben qena ooɗitte, grep diɗi wan unuqag ukka, grep muɗi amu nahip wan oh tona malom.

Sam 111:6

Yawe Nug danab ah nuhikkud nuhig ɠagattag ippunattom. Nug ehanatte, nuhikkud danab ag laa dilag wan, ahilag daakkunu aoppig.