Sam 44:23 - Nobonob Baibel

²³ Am anam daatte amunu, O Naɗi, na ahakkutnu oɗ medattem! Na ig ii ehanigttemnu diig am, da ii doottem. Ao, na ahakkutnu unuqidttem! Na ihinig nai ii doottem amu, na amubia tuɗidna hanhan hemananu, da na oɗ medattem.

Sam 44:23 Referans Kwoze

Sam 78:65

Ag amu heeg, Naɗi Nug danab niia ahatte bia ahom. Ao, ban danab ɠagattag nug wain lawowa, niia aha ban huana hette, amubia Naɗi Nug ban ɠagattag heum.

Sam 7:6

O Yawe, ⌊da anam ii hemi amunu,⌋ na kekeɗ dilagnu oo nauhak doon, ahan ehaniɗkkutnu oɗ medattem! Ao, dahil kekeɗ ag dahilnu oppoɗilag be amelag kokoɗ ebatte ele amu, na eɗadkkutnu unuqidttem! Ge, O Kayak dahil, na nai doya mala hettoɗia epeɗia elele mettak kobol dim lamidna, ehaniɗkkutnu oɗ medattem!

Sam 74:1

O Kayak, na ig haen elabnab iikku ii ehanigme. Na ig ii ehanigmenu appe doognignu oɗ medattem. Ao, na ihinignu oot nauhtte diignu appe doognignu unuqidttem.

Sam 35:23

Na ahakkutnu oɗ medattem. Da keeke eheɗ laa ii hemi me, ag hamu da bu iuglagnu hetteb; na ag ippulag amu oo nekkutnu ool daatte. Na da hettoɗiakppa ehaniɗkkutnu unuqidttem. Na am dahil Kayak, na dahil Naɗi.

Mak 4:38

Le anam heehe amu, Jesus Nug uub bitobppa uɗunppa niieye, nuhikkud ippunittak awak danab ag Nug maɗettan appig. “Ippunikkak ihinig, ig mauhkkunignu hettem amu, na amunu iite dabmettem?” aon appig.

Aisaia 51:9

O Yawe, na ahan, nahip ɠagattag amuppa ehanigkkutnu oɗ medattem! Na anukka, haen laappa ehanigme, amubia ehanigkkutnu oɗ medattem! Na Rahap iite eɗidna, tuqae neum? Yo, na doɗ okkai nau ele amu iite qeme?

Sam 88:14

O Yawe, na dahilnu awaidna daattemnu diig appe dookkulnu unuqidttem. Ao, na iɗun me laih gottenu diig appe dookkulnu oɗ medattem.

Sam 77:7

“Naɗi Nug ig uuikka autanab awomtai? Anamib daakkute? Ge, Nug baula ihinignu ii helo bia me, Nug ehanikkak kobol iite ha ehanigkku?

Sam 44:9

Amge gemu na ig dimekkan hee, ig gai-iitta daattem. Ao, na ig Israel, na ihinig ban danab ban gokkulagnu ii omaladttem.

Sam 12:5

Amu Yawe Nug atte. “Danab ah ag laa gai-iitta daaegeg, ag ag eheɗ hadatteb amu, da anadttem. Ao, daɗek ele ag aeqagatteb amu, da doottem. Anam daatte amunu, gemu amu, da ehanadppi qagaiettakppa ii daamnanu ahakkul. Ao, laa ag gai-iitta daatteb, daɗek daatteb ele amu, laa ag ahilagnu nai nau mattin, nau hattaglagnu dabmetteb ele amu, da gai-iitta daatteb, daɗek daatteb ele ehanadppi, ag uug amuppa ii daamna,” awa atte.