Sam 44:22 - Nobonob Baibel

²² O Kayak, danab ah ag ihinignu nau ninig ele doottebnu diig am, ig na dim lamidttem amunu, ag ig deɗ oh amun tuqan ele iqaglagnu hetteb. Ao, danab ag sipsip lanaknu baalag otaɗadtteb, amubia danab ah ag ig iqaglagnu dabmak aotteb.

Sam 44:22 Referans Kwoze

Rom 8:36

Uug amu oh, amuam Kayak naippa, nai laa daatte bia. Nai amuam inam. “O Kayak, danab ah ag ihinignu nau ninig ele doottebnu diig am, ig na dim lamidttem amunu, ag ig deɗ oh amun tuqan ele iqaglagnu hetteb. Ao, danab ag sipsip lanaknu baalag otaɗadtteb, amubia danab ah ag ig iqaglagnu dabmak aotteb.”

Aisaia 53:7

Laa ag nug eheɗ hettan, guittak medappig, amge nug nai laa ii mattiom. Ao, danab nug sipsip qekkunu omala, qaaknu abenppa ugekke, sipsip ii gaatte amu, amubia nug eheɗ ag nuhigppa heppignu nai laa ii mattiom. Ge, danab nug sipsip nag uɗig otaɗeɗe, sipsip nug ii gaatte, amubia ag nuhignu nau heppignu oɗe qamuta, toetta dayom.

Sam 44:11

Na hee, ig am sipsip danab aqadkkunu gotteb bia daattem. Ao, na ig huu okkai laala oolagppa tamtam daagnignu heme.

Jon 15:21

Amge laa ag Mame, Nug da meiɗe uɗimi amu, ag Nug ii dootteb amunu ag, ag da onilppa oitteb doona, ag ahilagppa eheɗ hekkulag.

1 Korint 4:9

Deɗ laala da inam dabmettem. Kayak Nug ig totol danab nuhikkud otikkom, ig uɗat amuppa oittem ele amu, Nug he, ig laa oh dimulagppanab, ig danab banppa aɗualadna aqappeg mauhkkulagnu otiadppig, amubia daattem. Genab, ig wan atu ohppa danab oh noolagppa, amu engel noolagppa ele, ag ig eheɗ anigkkulagnu daattem deɗ laala da anam doottem.

1 King 19:10

Yawe Nug anam oɗ mette, Elaiya nug nob ma aum. “O Yawe Kayak Nakka Ɠagattag Oh Ele, da na oɗen haen oh dim lamidkkulnu yag-nab-bak doyen hettem, amge Israel danab ah ag na hee, na ag ele ag nug tituanna nai qagappig amu, ag nai amu tippalna ii dim lamidtteb. Ag amu henana, ag qaɗab nahip ele loppaɗna, ag nahipad propet laa oh ele qep elabppa aqaeg mauhppig; da dakka iikku daattem, amu gemu ag da ele iuppeg mauhkkulnu mattiɗtteb,” awa aum.

Revelesen 17:6

Da ah amu nug Kayaknu danab ah oppiaawak ele, ag Jesusnu madippig amu, nug ag tiilag, le ɠagattag latteb bia la, kaaka qe dayom. Da anttena, da ottaie dabmak kuɗum aomi.

Genesis 18:15

Awa a amu Sarah nug baɗom amunu, nug hambuppua aum. “Da ii imami,” awa aum. Nug anam aum, amge Yawe Nug aum. “Iitta. Na imaame,” awa aum.

Josua 22:22

“Yawe Nug nukka aakkuib am Kayak! Yawe Nug nukka aakkuib am Kayak! Ig Yawe waappa daagnignu uut, nuhig nai tabapput nekkunu qaɗab imu ii hemut. Ag ig genab Yawe waappa daat, nuhig nai tabapput nekkunu hemut anigtteb dayeb amu, ag gemu ig iqappeg mauhtu! Amge anam iitta. Yawe Nug ig Nug dimettata, kayak laa dim lamidkkunignu ikka ihinignu qaɗab imu ii hemut dootte. Nug dootte amu, ig ag Israel laa oh ele amu dooglagnu oonig daatte. Ig qaɗab amu hemut, amge ig manaknu ofa, o ee aegnu ofa, o laippu dayaknu ofa amuppa ii hemata. Yawe Nug neekka, ig kobol laa amu hekkunignu hemut anigkku dayeb amu, Nug ig bu megakkunu oonig daatte, amge anam iitta.

Sam 94:11

Yawe Nug danab ah dilag dabmak dootte; Nug dabmak amuam keeke hamunab dootte!

Sam 139:2

Da daattem, o hibaitte daattem, haen amuppa na doottem. Na da keeke laanu dab-ii-memi, butti haen adekku dabmekkul amu, na gemu dabmak dahil amu aakku doon malame.

Jeremaia 17:10

Anam, amge Yawe Nug atte. “Da Yawe, da danab, nuhig hak aɗi ippuniɗtte amu, da amu dabmein, nob tutukkuib medakkulnu, da nuhig kobol aɗi ippuniɗtte amu, da amu ele dabmein, nob tutukkuib medakkulnu, da danab oolag unuqag andette, da ahilag dabmak ele anidttem.