Sam 44:2 - Nobonob Baibel2 Ig mamenkad aɗi ii uɗippig dayeye, danab ah Kanan daappig ele ag na ii dim lamitteg ukke, haen na ig mamenkad omaladna uɗin, haen amuppa na laa ag wan anen anenppa wan imuppa daappig, na he, Israel ag danab amu lamatteg, na wan imu ig mamenkad aɗi mattame. Yo, na danab ah, ig mamenkad aɗi dilag kekeɗ, ag Kanan daappig ele amu, na hee nauheg, na hee ig mamenkad aɗi ag elele daappig. Gade chapit la |
Nug ⌊ig alankad⌋ ag noolagppan wan anen anen, amunu danab lamatte goppig. Nug anam he, Israel ag om ena yaak heeg, Kayak ib amuppa Nug huu anen anen ahilag wan, ag aulag daakkunu ag mattom. Ao, Nug ag ahilkad wan anen anen matte, danab ah Israel dilag huu okkai anen anennu amu, ag laulkadppa aakku daappig.
Da danab keeke eppe, ena bette, amubia da Israel danab ah ag wan ele daaglagnu, ag amuppa maɗoɗ ele daaglagnu ehanatten, aben madappi daaglag. Danab nau ag anukka da Israel dilag ikki danab digmein tituanadmi, haen amuppa danab nau amu ag digmena, dahilad danab ah eheɗ hattaegeg uɗie, gemu ele hetteb, amge da heppi, ag amu tuɗidna ii hemana. Amu ele, da heppi, nahipad kekeɗ ag ɠagattag ii daamna. Amu da Yawe, da heppi, na buɗunad oolagppanu laala ele, ag anen anen ahilag haenppa, ag Israel dilag king hanhan bena daaglag.
Amunu Josua nug Yawe, Moses amegppa haknunab aum, amubianab wan amu oh eɗattom. Nug Yawe, Moses amegppa aɗi aɗi hakknunab aum amu, nug tutukku dim lamitta heum. Nug wan amu Israel aulag daakkunu pania mattom. Nug otia, Israel dilag huu okkai anen anen, ag mattom. Israel ag wan aoeg dimppa amu, ag maɗoɗ daappig.
Kanan danab, Hit danab, Hiwi danab, Peres danab, Girgas danab, Amo danab, Jebus danab ele ag wan Jodan le imu heqo laihppa daatteb. Ag amuppa daan, wan amu gumatteb, amge Kayak bau daatte, Nug ag Israel oolagppa daatte, Nug heeb, ag Israel, ag danab amu lamadkkulag. Nug ag amu miagib ippuanatteb anidkkulagnu amu,
Haen Yawe, ahilag Kayak, Nug ag wan nona aon daaglagnu daatte, Nug amuppa omalatta noa, Nug geha heeb, ag Israel, ag wanppan wan laalanu danab ah appa daatteb ele, ag ag lamadkkulag. Danab amu ag am; Hit danab, Girgas danab, Amo danab, Kanan danab, Peres danab, Hiwi danab, Jebus danab ele. Danab ameg eblaih aɗit ele amu, ag am danab ɠagattag ele, ag eɗattak daatteb.
Ag anam appig amunu, laa ag gona, wan atu anidppig ele amu, ag heeg, Israel danab ah wan amunu nai hambuppuak, ag nai amu genab dooppig. Amu lokkumakppa atu italak danab, Josua, Kalep ele, aa am iitta, danab amu laa, ag appig. “Wan ig anidmut ele, wan amuam doɗ laa nug aha, doɗ laa qa latte, amubia, wan amu danab ah ag appa daaglagnu gotteb ele he nauhtteb. Amu ele, appan danab ah oh ig anadmut ele, ag am danab okkai okkai, elabnab.
Da amu heminu diig laa am, geha ag Israel danab ah, ag da dahilnu dabmettaknu kobol danab haknu elele iitta Isip danab ah ahilagppa hemi, da Isip danab ah ɠagattag hattami ele amu, ag Israel ag kaya amu, ag bekkalkad, alalkad ele amelagppa madippeg dooglagnu hemi. Laa ele amu, ag Israel, ag dahil hak amuppa, geha ag oh da am Yawe dooglagnu hemi,” awa aum.
Yawenu engel nug anam aum, amge Gideon nug oɗeppa awa aum. “O Naɗi, gadon, amge Yawe Nug ig ele daattem dayeb amu, aɗinu keeke imu oh ihinigppa inam beum? Amu aɗinu Yawe Nug uɗat okkai, danab haknu elele iitta, ig mamenkad aɗi dilagnu he, ig mamenkad ag ig amenigppa amunu appig amu, aɗinu Nug anam ii hette? Yawe Nug ig Isipnu aikka iite uɗiom? Amge gemu amu, Yawe Nug ig uuikka, Midian eppelagppa meikkom,” awa aum.