Sam 44:19 - Nobonob Baibel

¹⁹ Amu na hee, ig padal meut, na ihinig wan hee, doɗ jakal ag amuppa daatteb. Ao, na hee, gatatu naunab ig tonikkom.

Sam 44:19 Referans Kwoze

Sam 23:4

Amu, O Yawe, da aben laa, appa gatatu nau ele daatte amu, da appa oikkul dayeb, na appa ele da ele daagnih amunu, da ii baɗapa. Nahip sipsip gumattaknu dudqak hokkat, nahip doɗ nau lamittaknu bu ele da oo maɗoɗ meɗattep.

Job 3:5

Menuaknu deɗ dahilnu amu, gatatunab deɗ amuppa daakkunu, lombig deɗ amu tonakkunu, gatatu hinqaknab deɗ amunu amahlak heeb, iitta meeb, amahlak nakok laa deɗ amuppa ii daamanu ool daatte.

Jeremaia 14:17

Anam amunu, Jeremaia, na gona, danab ah imu amelagppa inam appe doyeg! ‘⌊Qinob, uug naunab amu beppeg, da akkul.⌋ O gadon, da amel leb huanaknab naɗ! Ao amun, tuqan ele anamib hanhan naɗ! Aɗinu? Dahilad danab ah, ag da ele tiinig laippu, ag am da aɗel, ah makkun dahil bia daatteb amu, ag makkuɗakppa ihilag nau ele daatteb. Ao ag maduduɗattakppa guittak okkainab aoppig.

Sam 51:8

Na hipunin dahil uhuqna meɗappe, diig amunu da baula gamag ahak okkai dookkulnu oɗ medattem. Ao, na da bu iume, amge gemu na heppe, da gamag ahak dookkulnu unuqidttem.

Revelesen 16:10

Anam daaegeg amu, engel ebqak 5 nug oppoɗi bak Kayak Nug danab dilag hipuninnu dootte amu, oppoɗi bak amu tappiɗ nuhigppanu gokkaɗe, doɗ dakkuɗnu sia kingppa no, gatatu laa doɗ dakkuɗ amu danab ah ag nug waappa daatteb ele, ag oh tonattom. Tonatte amu danab ag guittak huanak doona, lemaɗulag emalna daappig.

Revelesen 13:2

Doɗ dakkuɗ anidmi ele amuam doɗ laa onig lepad bia; nug baeg amu bea baeg bia, amu nug oɗe amu laion oɗe bia. Mat naɗinab amu nug nuhig ɠagattag doɗ dakkuɗ amu metta, nug nuhig sia king ele metta, amu nug gumaknu ehah okkainab ele mettom.

Revelesen 12:9

Amunu ⌊Maikel, nuhikkud engel ele⌋ ag nug maoeg wanppa noum. Mat naɗinab amu nug anukkanu, nug onig laa am Satan, onig laa am Dewel. Nug wanppanu danab ah oh hambuppualadtte ele. Ag nug maoeg wanppa noum, nuhikkud daup oh ele buɗiatteg wanppa noppig.

Matyu 4:16

Danab ah ag gatatu naɗi ooppa daan oippig amu ag amahlak okkai anidppig! Ao, danab ah ag gatatu abenppa daan oippig amu, amahlak ahilagppa amahalom!”

Esekiel 29:3

na nug amegppa, ‘Naɗi Yawe, Nug inam atte,’ awona, na nai imu ele appe doyaɗ! ‘Paro, Isip dilag king, da nahip hak amunu eheɗ doyeye ool ii medattem. Na wagai naɗi Nil lenu lenagppa daatte bia daattem. Na, “Nil Le am dahil, da le dahil daakkunu bappaidmi,” aon attem.

Aisaia 35:7

Anam amunu, geha atu taɗakppa ihi huana gakkaɗtteppa ele, amuppa le ameg daakku. Ao, wan qaɗaiettaknabppa, le okkai qeppuɗia bekku. Amu aben qaɗaiettak, doɗ jakal ag daanna oippigppa amu, geha gikkiɗah, qao, papairus ele bekkulag.

Aisaia 27:1

Haen laa, haen amuppa amu Yawe Nug doɗ nau laa onig lewiatan, lewiatan nug am mat laa gai-iittanab oitte amubia, Nug doɗ nau amu bu medakku. Nug qep elab ɠagattagnab ele nuhig amuppa Nug Lewiatan, lewiatan nug am mat laa itoɗiak daatte amubia, Nug doɗ amu qep amuppa nob nau medakku. Ge, Nug am doɗ naɗi naunab nau amu yuppa daatte amu, Nug qeeb mauhkku.

Sam 38:8

Da beɗul nauhe, ɠagattag iitta daattem. Da oolppa maɗoɗ iitta amunu, da aiqakkak hettem.

Job 30:29

Da doɗ jakal amalag bia daattem. Ao, da hipunai lailag bia daattem.

Job 23:11

Da hanhan tutukku Nug baeg matten gomi, gemu ele anamib hettem. Ao, da Nugib dim lamitten, da laih laih wanak uuen, ib apiɗitten ii gomi.