Sam 44:18 - Nobonob Baibel

¹⁸ Ig oonig unuqagppa na ii dimettamut. Na, ig aɗi hekkunignu ame amu, aakku hetataib daattem.

Sam 44:18 Referans Kwoze

Sam 119:51

Beɗuppa tak danab ag awa awa qettak nai dahilnu atteb, amge da nahip ɗo dim lamittaknu ii uuttem.

Sam 119:157

Dahil kekeɗ kuɗum ag da eheɗ heiɗtteb, amge da nahip ɗo nakok laa ii tappai nette.

Sepanaia 1:6

Da heppi, laa ag anukka da noolppa dup nona binal meppig, amge ag uun uuiɗna, kayak laanu dabmetteb; ag da, Yawe, ag da aniɗna dim lamiɗkkulagnu ii mattiɗna, ag da ulum madakkulnu oɗ ii meɗatteb amu, da ag ele heppi, ag nauhkkulag.” Yawe Nug anam awa atte.

Sam 78:57

Ag mamelkad aɗi heppig bia, ag nuhigib ii dabmena oo metta ii uuak kobol ii dim lamidppig, nuhignu ag ele oolagppa genab ii dooppig. Am lat tanig laa pimalaknu elele iitta, lat doɗo ele pehetta ii ema, laa nug lat pimala ekku amu, ewak am ena ii bema; ig alankad ag lat amubia daappig.

1 Korint 15:58

Anam amunu O lailad, ag ɠagattag dayeg! Bittumttum amu aib goppig! Ag hanhan Naɗinu uɗat yagbak ele heig! Aɗinu? Ag dootteb, ag Naɗinu uɗat hetteb, amu geha hamu ii qettoɗma.

Luk 17:32

Ag Lot wau daulagppa doaɗ!

Jeremaia 11:10

Ag mamelkad aɗi dahil nai dooglagnu uuppig, ag hipunin heppig, gemu danab ah imu ag hipunin amuib hetteb. Ag kayak hambuppuak dim lamadna, ag noolagppa dup nona, ag binalag metteb. Israel danab ah, Juda danab ah ele ag nug tituana nai qakkak nai da hei, da ag mamelkad aɗi ele bappaidta, ag nai amu waappa daan oinna, ag nai amu tippalna, ii dim lamidppig amu, laa gemu daatteb, ag ele anamib.” Yawe Nug anam awa aum.

Sam 125:5

Amge, O Yawe, na laa ag hipunin hetteb ele hadappe nauhppeg, na laa ag kobol kaliak dim lamidtteb ele, na amu ele hadappe nauhkkulagnu oɗ medattem. Israel ag maɗoɗ aon dayeg!

1 King 15:5

Yawe Nug Dawit daug ii atiom. Aɗinu? Dawit nug Yawenu neekkakppa kobol genab tutukku ele dim lamittom. Nug nuhig wanppan oiyaknu maɗ oh nug Yawenu haknunab anak oh dim lamittom. Haen laippu aakkuib nug Kayaknu nai tappe ne, eheɗ heum. Haen amuppa nug Uraia, nug Hit buɗubppan danab amu, nuhigppa nug eheɗ heum.

1 Tesalonaika 2:10

Ag Tesalonaika daatteb ag oh ihinig hak ag oolagppa hemut, ag anidna, ihinig aɗi heehe anttomnu mattiak danab daatteb; Kayak ele anam daatte. Ig ag oolagppa genab dooppig ele, ig ag oolagppa oitta, ig oppiaawak daatta, genab tutukku hak kobol hetata, oonigppa kaliak laa iitta ele oimut.