Sam 44:10 - Nobonob Baibel

¹⁰ Na hee, kekeɗ ag heegeg, ig oolta gomut. Yo, kekeɗ ag keeke ihinkad, am ahilag iitta, am ihinkad, amge ag akkan, ihinig wan ele aoppig.

Sam 44:10 Referans Kwoze

Josua 7:8

O Naɗi, da aɗi akkul? Israel ban danab ag kekeɗ dilagppanu oolna goppig.

Lewitikas 26:17

Da ag dimadappi, ahilag kekeɗ ag eɗadkkulag. Geha laa ag Israel, ag ahilagnu nau ninig ele dootteb amu, ag ag gumadppeg, laa nug ag ii lamadkku, me ag qaiettan oolkkulag.

Sam 89:41

Laa oh ag uɗitteb, ag nuhigppa yab hetteb. Ao, nuhig mudippan laippu ag nuhignu, “Keeke hamunab,” dootteb.

Josua 7:12

Ag anam heppig amunu, Israel ag kekeɗ ahilkad, ag amu dilagnu oolna gotteb. Amunu ahilkad kekeɗ ag eɗadtteb. Aɗinu? Keeke dahilnuib dahil pelemppa daatte ag oolagppa daatte amunu, gemu Israel, ag ele ag dahilnuib dahil pelemppa daatteb. Anam amu, ag keeke nauhkkunu dahilnuib dahil pelemppa daatte, keeke amu ag oolagppa daatte amu, ag heppeg ii nauhkku dayeb, da tuɗitten ag ele ii daamta.

Duteronomi 28:25

Yawe Nug heeb, ahilkad kekeɗ ag eɗadkkulag. Am ag kekeɗ ahilkad, ag ib laippu amuppaib banelag gona, aqaknu ban hekkulag, amge ag ib kuɗumppa ahilag kekeɗ noolagppanu oolna gokkulag! Ahilagnu amu, wan atu ohppan danab ah ag, ag anadna, amelag iɗuak dooglag.

Jeremaia 20:8

Aɗinu? Haen da nai attem amu, da nai qale, danab ag laa guittak nau mauhnoak madatteb, amu danab ag laa dilag keeke heeg nauhtteb, da amu dilagnu ai, nai amu ag yaaladtte. Yawe na da nai akkulnu, na amu ippuniɗme amunu, nahipnu nai, nai amu he, danab ah ag hanhan awa awa qettak nai naunab dahilnu anana, da nai madittemnu ele ag dahilnu nau dootteb,” awa aum.

Jeremaia 15:13

Ag Juda danab oh ag hipunin hetteb amunu, da ahilag en, ahilkad keeke ena ena ele kekeɗ madappi, ag hamu aon gokkulag.

Aisaia 10:14

Wan amuppan danab ah dilag enub am, oppa laa ai teɗ laappa daatteb bia daaeg, da aomi. Danab nug ai teɗ laa, ai anig oola ukka ii daatte, nug teɗ amu ooppa oppa daaegeg diiadtte, amubia da wan anen anen diiatti, da waalppa daatteb. Amu da ag, ag enulag ena ena ele aɗadkkulnu amu, da am danab ɠagattag dayeye, laa nug da tappiɗeb nokkulnu elele iitta; da aakku aomi. Ai anig nug laa nug oppa aomanu ewawa, haugppa laa amu lamidkkunu hette amu, laa amubia dahilnu ii heum,” awa atte.

Aisaia 10:6

Anam amu, da Kayak, da heppi, Asiria danab, ag danab ah laa, danab ah amu ag dahilnu, dahil haknu ele uuak dootteb, ⌊am Israel danab ah aakku,⌋ da ag danab ah dahil amu bu mattaglagnu ahilag wanppa gokkulagnu gokkulag. Ao, da, Kayak, da Asiria ag danab ah amu ag oo nauhak da meɗatteb, ⌊am Israel danab ah aakku,⌋ da ag danab ah dahil amu dahil bu aoglagnu heppi, ag ahilagppa gokkulag. Da Asiria ag banelag gona, Israel dilag keeke, ahilag en ele aoglagnu heppi gokkulag. Yo, da Asiria ag gona, Israel eheɗ hattan, tappaladppeg noppeg, oɗoɗadna autna aoglagnu heppi gokkulag.

1 Samuel 4:17

Eli nug anam a, danab nug nai awa uɗiom ele amu, nug aum. “Pilistia dilag daup ag ban henana, ag Israel eɗadna aqaegeg, Israel huanaknab mauhadna, Israel ag aakku oolppig. Amu na begapaɗ Hopni, Pinias ele, aa ele mauhpiɗ, amu Pilistia ag Kayaknu Tituanak Nainu Kunup ele aoppig,” awa aum.

Lewitikas 26:14

Amge, ag da oɗel ii dim lamidkkulag dayeb, ag dahil nai haknunab attem amu ii dim lamidkkulag dayeb,

Namba 14:42

Yawe Nug ag oolagppa ii daatte amunu, ag aib goppig. Ag gokkulag dayeb amu, ahilag kekeɗ geha ag eɗadkkulag.

Namba 14:43

Aɗinu? Amalek danab, amu Kanan danab ele ag appa, ag ele ban hekkulagnu daatteb. Ag Yawe dimedappig amunu, Nug ag ele ii daamna; diig amunu kekeɗ ag ag aqadppeg mauhkkulag,” awa aum.

Duteronomi 31:17

Ag anam heppeg, da ahilagnu ool nauhkku. Da ag uuatte, dimadappi, ahilkad kekeɗ geha hadappeg nauhkkulag; uug naunab, uug digdig laa ele ahilagppa bekku amunu, ag akkulag, ‘Kayak ihinig, Nug ig ele ii daattem amunu, keeke naunab imu ihinigppa beum,’ akkulag.

Sam 60:12

O Kayak, na ig ehanigppe, ig keeke okkai okkai hekkunig. Na ig ehanigppe amu, ig kekeɗ ihinkad tappaladta, oɗoɗadkkunig.

Sam 89:39

Na hee, nug tituana nai qakkaknu nai na, aria nahip maɗi nid Dawit, na nug ele aa hepiɗ amu, ⌊nai amuam Dawit buɗub dilag ag ena hekkulag dayeb, ag itittak ena aoglagnu nai,⌋ nai amu gemu laa king daatte, nuhigppa ii daatte. Ao, na hee, king haɗ nuhig wanppa na qa dubuttid tak ele niieye, king nug nuhig abenppa ii daatte.

Sam 89:43

Na hee, nuhig qep elab am nuhig kekeɗ ii yaalattom. Na nug banppa ehanidkkutnu uume.