Sam 43:2 - Nobonob Baibel

² Aɗinu? Na am dahil Kayak, na aakkuib am dahil padal mak eɗitteb ena dayaknu ehanittak daattem. O Kayak, na da uuiɗme, bael laippu daattemnu diig am appe dookkulnu ool daatte. Da gai-iitta daaiyi, dahil kekeɗ ag da eheɗ heiɗegeg, da mahieye oittem amu, na amunu diig appe dookkulnu ool hette.

Sam 43:2 Referans Kwoze

Sam 42:9

Da Nug amegppa attem. “O Kayak, na kekeɗ niɗamanu ehanittak dahil daattem. Diig aɗinu na da uuiɗme? Ao, diig aɗinu, da mahieye, gai-iitta oiiyi, kekeɗ ag eheɗ heiɗtteb?” awe attem.

Sam 28:7

Yawe Nug am dahil ɠagattagnu diig daatte. Nug am dahil guppiɗ. Da nuhignu oolppa genab doyeye, Nug da ehaniɗe, da gamag ahak doyen, ahi edette, “Ena heme,” attem.

Epesus 6:10

Aria gog tak nai am inam. Ag Naɗi ele laippu daanna, nuhig ɠagattag okkai ele aon, ag ɠagattag dayeg!

Aisaia 40:31

Anam amge, laa ag Yawenu dabmena, nuhigppa ehanittak aoglagnu dabmena oitteb ele, ag ɠagattag baula aoglag. Ag ai igel hab waappa uug iitta ele hagagaɗa gotte, ag amubia hekkulag. Ag qaiettan oiglag, amge ag beɗulag bahi ii yaama. Ag baelagppa oiglag, amge ag beɗulag bodo-ii-ettama.

Sam 94:14

Aɗinu Yawe Nug amu hette? Nug danab ah nuhikkud di-ii-mattama. Ao, Nug nuhikkudnab danab ah ii uuadma.

Sam 44:9

Amge gemu na ig dimekkan hee, ig gai-iitta daattem. Ao, na ig Israel, na ihinig ban danab ban gokkulagnu ii omaladttem.

Sekaraia 10:12

Da heppi, dahilad danab ah ag da, Yawe, ag dahil ɠagattag aon, ag ɠagattag daaglag. Ao, da ehanadppi, ag aɗi keeke hekkulagnu daatte amu, dahil ehanittakppa ag hekkulag.” Yawe Nug anam atte.

Aisaia 45:24

‘Yawe Nugib genab tutukku hak kobol diig daatte. Nugib am ɠagattag ele,’ ” aon akkulag. Amu laa oh ag Yawenu oo nauhak okkai dootteb, ag amu uɗalag nekku.

Sam 140:7

O Naɗi Yawe, na qagaiettakppa daapanu ehanittak ɠagattag dahil daattem. Banppa amu, na dahil guppiɗ daye, da ii mauhmi.

Sam 77:7

“Naɗi Nug ig uuikka autanab awomtai? Anamib daakkute? Ge, Nug baula ihinignu ii helo bia me, Nug ehanikkak kobol iite ha ehanigkku?

Sam 71:9

Gemu da kaino memi; na da dimeɗamnanu oɗ medattem. Yo, gemu da kaino mein bodoettami; na da uuiɗmananu unuqidttem.

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

Eksodas 15:2

Yawe Nug nukka da ɠagattag iukkunu dootte; Nugib da ehaniɗtte amunu, da gamag ahak doye, ahi edattem. Nugib da ehaniɗe, da padal ii mettem. Nug am dahil Kayak, da Nug onig humakkul. Nug am da mamelnu Kayak, da Nug binag okkai humakkul.

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

Sam 31:4

Doɗ pelemppa ta daatte bia, kekeɗ dahilad ag da iuglagnu hetteb. Anam, amge na am padal mak eɗitteb ena dayaknu ehanittak dahil daattem amunu, na da pelemppanu uhuqiɗkkutnu oɗ medattem.

Sam 42:10

Dahil kekeɗ ag awa awa iwak nai dahilnu atteb am, nai amuam guittak naunab, mauhaknu bia guiɗe doottem. Ag da ihaklel iuna, deɗ oh amun tuqan ele atteb, “Kayak nahip am adekku? ⌊Nug aɗinu na ii ehanidtte?⌋” aon atteb.

Sam 88:15

Da nid bau daaiyi, uug okkainab iwewe, da mauhkkulnu hei uɗie, gemu ele anamib daattem. Ao, na ae, uug nau digdig dahilppa be, da baɗak eheɗ nau doyeye, da ena daakkulnu aɗi dabmak laa aokkulnu laa ii anidttem.