Biblia Todo Logo
Bib sou entènèt

- Piblisite -




Sam 43:1 - Nobonob Baibel

1 O Kayak, na heppe, tutukku hak dahil miag atikkunu ool daatte. Ao, danab ag nahipnu oo metta ii uuak kobol ii dim lamidtteb amu, ag da naippa meiɗppeg, na dahilppa daanna, ahilag nai qeppe nekkunu oɗ medattem. Ge, haen danab nau, ag hambuppuak danab, ag da heiɗppeg nauhkkulnu heppeg amu, na ehaniɗppe, da ag eppelagppa, qagaiettak amuppa ii daapanu unuqidttem.

Gade chapit la Kopi




Sam 43:1
21 Referans Kwoze  

O Yawe, na laa ag da ele mehqak hettem ele amu, na ag ele nug mehqak hekkulagnu oɗ medattem. Yo, na laa ag da ele ban hettem amu, na ag ele ban hekkulagnu unuqidttem.


O Yawe, da nahipnu oolppa genabnab doye, nahip neekkakppa da oolppa kaliak laa ii dayeye oimi amunu, na heppe, tutukku hak dahil am miag atiak daakkunu oɗ medattem.


Yawe, na ⌊nai doya mala hettoɗia epeɗia elele mettak kobol dim lamidnana,⌋ wanppan danab ah oh ⌊ib amuppa⌋ epeɗiadkkutnu oɗ medattem. O Yawe, da am genab tutukku hak dim lamitten oittem, na amu anidna, na ⌊nai doya mala hettoɗia epeɗia elele mettak kobol dim lamidna, ib amuppa⌋ da epeɗilkkutnu oɗ medattem. Ao, da kobol tutukku hemi, amu O Kayak Attannab Laa Oh Eɗattak, na amu anidna, na ⌊nai doya mala hettoɗia epeɗia elele mettak kobol dim lamidna,⌋ epeɗilkkutnu unuqidttem.


O Yawe, dahil Kayak, na genab tutukkuib hettem. Na heppe, da eheɗ laa ii hemi, da tutukkuib hemi miag atieb, danab ah ippunadppe anidkkulagnu oɗ medattem. Na heppe, dahil kekeɗ ag da imiɗmananu unuqidttem.


Yawe Nug i oh ihinihnu nai doya mala, hettoɗia epeɗieb, da eheɗ laa ii hemi miag atikkunu ool daatte. Nug na eheɗ dahilppa heme bappaidkkunu ele ool daatte, amge da nahip-ppa eheɗ laa ii hepa.” Dawit nug Saul amegppa anam aum.


O Kayak dahil, da nau hak danab eppelagppanu ehaniɗppe, qagaiettak amuppa ii daapanu oɗ medattem. Yo, na da nau hak danab ag laa guittak mattaknu uug laa ii dootteb ele dilagppan ehaniɗppe, qagaiettak amuppa ii daapanu unuqidttem.


Geha na danab ag hambuppuak nai maditteb ele hadappe nauhkkulag. Ao, na Yawe, na laa ag laa makkuɗadtteb, ag laa hambubutteb ele, na amu dilagnu ootppa uuaknab doottem.


Ig Yawe noobppa hipunin hemut amunu, ig nuhig bu mekkak aottem. Ig bu mekkak amu aopput ukkeb, Yawe Nug eɗua ehanikkebeb, haen amuppa iitta mekku. Iitta meeb, ig eɗut, ena daagnig. Ao, haen amuppa Nug heeb, ig eɗut amahlakppa daagnig. Haen amuppa amu ig eɗut, Yawe Nug genab tutukku daatte, anam ele hette amu, ig amu anidkkunig.


Danab ag nuhignu nai eheɗ appig, amge Nug nai eheɗ ahilagnu nob ii meum. Nug guittak awom, amge nuhig guittak amunu Nug ag nob nau aoglagnu ii aum. Jesus Nug amu ii heum, me Nug Kayak, epeɗiakppa keeke oh eleleppaib epeɗidtte amu, Nug nukka Nug beɗu oh Nug eppegppa meum.


Da Naɗi noobppa da dahil ooppan oiyak ippunittaknu ulumppa da eheɗ hemi ii doottem, amge amu Naɗi noobppa da genabnab da beɗulppa aab iitta ii ippunigtte. Laa Nug da epeɗiltte am Naɗi, Nugib.


Aɗinu? Kayak Nug nid amu ehanadtte amu, Nug ɠagattag ele; amu Nug ahilag nai babaitta, bu madakku.


Aɗinu? Yawe Nug daɗek ehanadkku; Nug danab ag daɗek eheɗ hadatteb ele, Nug ag eheɗ hadakku.


Amu Kayak Nug amunu attenu diig laa am, Kayak Nugib Nug danab dilag nai doya mala hettoɗiatta epeɗiatta elele madatte. Nug he, danab laa nug danab okkai daatte, Nug he, laa nug okkai daatte amu, nug na qa, onig okkai iitta daatte.


Husai nug anam a, Apsalom nug eɗua, Ahitopel oɗ mettom. “Nahip dabmakppa, ig attem hekkunig? Ig gemu aɗi ib dim lamidkkunig?” awa oɗ mettom.


Ag ukkaegeg, laa nug Dawit amegppa aum. “Ahitopel nug Apsalom ehanidkkunu, nug nug ele daattep,” awa aum. Nug amu a, Dawit doya, nug Yawe unuqitta, “O Yawe, na heppe, Ahitopel nug Absalom dabmak tutukku iittappa ulum nai medakkunu oɗ medattem,” awa aum.


Amu ag ban heegeg ukke, ban tuɗitta, atu amu ohppa dayom. Amu ad kuɗum ele ban atu amuppa daye, ⌊atu amuam atu ena iitta, Dawitnu daup ag atu amubiappa ban hak dooppig amunu,⌋ Dawitnu daup ag Israel laa huanaknab aqappig.


Na aabaab danab ah qagmaadppe, ag na talilittak daappeg, na attan daappe, ag na waatppa dayeg!


O Kayak, na genab tutukku hak kobolib dim lamidttem, na danab ah dilag dabmak unuqagnab daatte, na amu neegna anidttem. O Kayak, na heppe, nau hak danab, ag laa guittak nau mauhnoak madatteb, ag amu uuglagnu, na laa oh ag na oɗen dootteb ele, na ag ehanadkkutnu oɗ medattem.


Aɗinu? Dada danab ag da banel uɗitteb. Ao, danab ag oo doyak ii doon nau hetteb ele, danab amu ag da iuglagnu hetteb. O Kayak, danab amu ag nahipnu hamu bia dootteb. Sila.


⌊O Yawe, na da ehaniɗkkutnu oɗ medattem.⌋ Dada hak danab ag da aɗailkkulagnu pelem meppig daatte. Ao, ag da uhui laappa nokkulnu meppig daatte. Ag da ippulppa pelem maadppig daatteb. Sila.


Swiv nou:

Piblisite


Piblisite